இன்பம் பொங்கட்டும் !!!

நீயும்...நானும்...வெறுமையும்...!!!

2011-12-19T05:31:00.000+03:00

நீ விட்டு சென்ற நினைவுத்தடத்தில்
நடக்கின்றேன் நான்......

முதலில் காதலை நான்தான் சொல்ல வேண்டும் என்றாய்
நான் சொல்ல விழையும் முன் நீயே சொன்னாய்
அதை ரசித்தேன்

ஐந்தரை மணிக்கு வருவேன் என்பாய்
ஆறரைக்கு வருவாய்
அதை ரசித்தேன்

மென்சோகம் கொண்ட முகத்தில்
மெலிதாய் ஒரு புன்னகை சரிய விடுவாய்
அதை ரசித்தேன்

நான் இல்லாத நேரத்தில் எங்கே என
ஓரக்கண்ணில் நோட்டம் விடுவாய்
அதை ரசித்தேன்

ரயில் பயணங்களில் நான் பேசப்பேச
என் தோள்களில் தூங்கி விடுவாய்
அதை ரசித்தேன்

மணமேடையில் உன் கையை மெலிதாய் சீண்டினேன்
வெட்கத்தில் நீ சிவந்தாய்
அதை ரசித்தேன்

உன்னைப்போல அழகான தேவதையை ஈன்றேடுத்தாய்
என் அளவில்லா அன்பின் பரிசென்றாய்
அதை ரசித்தேன்

எனைப்பிரிந்து எப்படி ஒரு வாரம் இருப்பாய் என்றாய்
அசை போட உன் லட்சோப லட்ச நினைவுகள்
எப்போதும் என்னோடு உண்டென்றேன்

அதை நீ ரசித்தாய்.....

நீ இல்லாத போதும் வெறுமை
என்னை தொடுவதில்லை
ஏனென்றால்

நீ விட்டுச்சென்ற நினைவுத்தடத்தில்
நடக்கின்றேன் நான்......
.

புரட்சி 2020 (Revolution 2020)

2011-11-18T06:48:00.000+03:00

சேத்தன் பகத்தின் ஐந்தாவது புத்தகமான Revolution 2020 , போன மாதம் மிகப்பெரிய அளவிலான விளம்பரத்துக்கு மத்தியில் வெளியானது. ஒரு புத்தகத்திற்கு இந்த அளவிற்கு விளம்பரம், ஹைப் இருப்பது சேத்தனின் பழைய புத்தகங்களின் வெற்றியையே காட்டுகிறது. கதைக்களம் முழுக்க வாரணாசி(காசி) நகரம் மற்றும் கோட்டா நகரத்தில் கொஞ்சம்.

கதையின் நாயகன் கோபால் மிஸ்ரா, கதையை சேத்தனுக்கு சொல்வது போல் ஆரம்பமாகிறது. கோபால், ராகவ், ஆர்த்தி ஆகிய மூவரின் காதல், கனவு, வாழ்க்கை லட்சியம் தான் கதை. கோபாலும் ஆர்த்தியும் சிறு வயதிலிருந்தே நெருக்கமான நண்பர்கள். என்னதான் கோபால் ஆர்த்தியிடம் நெருக்கமான நண்பனாக இருந்தாலும் அவனை காதலனாக அவளால் ஏற்க முடியவில்லை, நெருங்கிய நண்பனாகத்தான் பார்க்கிறாள். கோபாலோ, ஆர்த்தியை மிக ஆழமாக நேசிக்கிறான். கோபால் மிகவும் ஏழ்மையான குடும்பத்தில் மிகவும் கடினமான சூழ்நிலையில் கொஞ்சம் சுமாராக படிப்பவன். ராகவ் நல்ல வசதியான குடும்பத்தில் பிறந்து மிக நன்றாக படிப்பவன், நல்ல மதிப்பெண் பெற்று நல்ல கல்லூரியில் சேருகிறான். கோபாலோ, குறைவான மதிப்பெண் பெற்று, அவன் தந்தையின் வற்புறத்தலால் மறுபடியும் தேர்வுக்கு தயார் செய்ய காசியிலிருந்து கோட்டா செல்கிறான். ஆர்த்தி சிறு வயதிலிருந்தே விமான பணிப்பெண்ணாக வர ஆசைப்படுகிறாள்.

கோபால் கோட்டாவில் இருக்கும் காலத்தில், ஆர்த்திக்கும் ராகவிற்க்கும் காதல் மலர்கிறது. இதைக்கண்ட கோபால் மிகவும் மனமுடைந்து வெறுத்துப்போய், ஆர்த்தியிடம் சண்டையிட்டு, படிப்பிலும் கோட்டை விடுகிறான். இதனிடையே கோபாலின் தந்தை இறக்கிறார், ராகவ் பொறியியல் படித்தாலும் தன் ஆதர்ச கனவான பத்திரிக்கை உலகில் பெரிய ஆளாக வர நினைக்கிறான். கோபாலுக்கோ வாழ்வில் எப்படியாவது பெரிய ஆளாக வர ஆசை, ஆதலால் தன் தந்தை விட்டுச்சென்ற நிலத்தை வைத்து உள்ளூர் MLA விடம் கூட்டு சேர்ந்து பொறியியல் கல்லூரி ஆரம்ப்பிக்கிறான். ராகவ் எப்போதும் பத்திரிக்கை வேலை என அலைய ஆர்த்தியோ அரவணைப்புக்கு ஏங்க, கோபாலிடம் மெல்ல சேர ஆரம்பிக்கிறாள். இறுதியில் ஆர்த்தி யாருடன் இணைகிறாள், கோபால், ராகவின் லட்சியம் என்ன ஆனது என்பதே மீதிக்கதை.

கதை பார்ப்பதற்கு ரொம்ப சிம்பிளாகத்தான் இருக்கும், ஆனால் அதை எழுதிய விதத்தில் தான் சேத்தன் ஜெயிக்கிறார். காசி, கோட்டா குறித்த விவரங்கள், அரசியல், கல்லூரி ஆரம்பிக்க தேவையான விவரங்கள், நுழைவு தேர்வுகள், காதல், காதல் தோல்வி என அனைத்தும் கலந்திருக்கிறது. நிறைய இடத்தில வசனங்கள் அருமை. சேத்தனின் டச் புத்தகம் முழுக்க எங்கும் பரவி விரவி இருக்கின்றது. தொடர்ந்து சேத்தனை படிப்பவர்கள் ஒரே மாதிரியே தொடர்ந்து அவர் எழுதும் பாணி சலிப்படைய வைக்கலாம். ஆனாலும் படிக்க ஆரம்பித்தால் வைக்க மனமில்லை...அதுதான் சேத்தனின் வெற்றி. இந்த புத்தகம் கண்டிப்பாக படிக்கலாம்.

Title: Revolution 2020 : Love, Corruption, Ambition

Author: Chetan Bhagat

Publisher: Rupa and Co., New Delhi

Language: English

Release Date: October 2011

Pages: 296

Price: Rs .140
.

வேலாயுதம் !!!

2011-10-29T16:08:00.000+03:00

சூப்பர் ஹீரோ, ராபின்ஹுட் கதை தாங்க நம்ம டாக்டர் விஜய்
நடித்து வெளி வந்திருக்கும் வேலாயுதம் படத்தின் அவுட்லைன்.
முதல் பாதி விஜய் மற்றும் கோஷ்டியின் காமெடி, இரண்டாம் பாதி
விஜயின் ஆக்க்ஷன் எனப்படம் செல்கிறது. பாகிஸ்தான்
எல்லையிலிருந்து படம் ஆரம்பிக்கிறது, பாகிஸ்தான்ல
அரைகுறை தமிழ் பேசும் தீவரவாதிகள், தமிழ்நாட்டின்

அமைதியை குலைக்க தமிழகத்தின் தலைநகர் சென்னையில்
ஆங்கங்கே வெடிகுண்டுகள் வைக்க திட்டம் தீட்டுகின்றனர்.
இதற்கு தமிழ்நாட்டின் உள்துறை அமைச்சரும் துணை
போகின்றார். இதன் நடுவில் பத்திரிக்கை துறையில் இருக்கும்
பாரதி(ஜெனிலியா) தன் நண்பர்களுடன் சேர்ந்து இந்த
அமைச்சர் ஆட்களின் அந்நியாயத்தை வெளிக்கொணரும்
வேலையில் இறங்கி மாட்டிக்கொள்கின்றனர். மற்ற நண்பர்கள்
இறந்து போக, ஜெனிலியா கத்தி குத்துடன் எஸ்கேப் ஆக, அவர்களை கொல்ல வந்த வில்லன் ஆட்கள் எதேச்சையாக
விபத்தில் வண்டியுடன் எரிந்து போகின்றனர். ஜெனிலியா
அவர்களை கொன்றது 'வேலாயுதம்' என எதேச்சையாக
எழுதி வைக்கிறார், கூடவே இனி அடுத்து அடுத்து திட்டமிடப்பிட்ட வெடிகுண்டு சதிகளையும் வேலாயுதம்
முறியடிப்பார் என எழுதி வைக்கிறார்.

அப்படியே கட் பண்ணா, கிராமத்தில் வேலாயுதம்(விஜய்) தன்
தங்கை காவேரி (சரண்யா மோகன்) கூட சேர்ந்து லூட்டி அடித்து
ஊரையே கலக்குகின்றனர். விஜயின் முறைப்பொண்ணு  வைதேகி(ஹன்சிகா) அவரயே சுத்தி சுத்தி வந்தாலும், எல்லா தமிழ் பட போல ஹீரோ தன் காதலை வெளிக்காட்டாமல் மனசுக்குள்ளேயே வைச்சிக்கிறார். விஜய் தன் தங்கை கல்யாணத்திற்க்காக
சென்னையில் சீட்டு போட்டு சேர்த்து வைத்த காசை  எடுக்க தன் குடும்பம் மற்றும் நண்பர்களுடன் சென்னை வருகின்றார்.
சென்னை வந்தவுடன் விஜய்க்கே தெரியாமல் அவர் செய்யும்
ஒவ்வொரு வேலையும் வெடிகுண்டு வைக்கும் கும்பலின் சதியை
முறிப்பதோடு அவரே  ஜெனிலியா உருவாகிய கற்பனை பாத்திரமான வேலாயுதமாக மாறுகிறார் அவரே அறியாமல். ஒரு கட்டத்தில் இதை ஜெனிலியா அவருக்கு புரிய வைக்க, விஜய் தான் வந்தது தன் தங்கை கல்யாணம் விஷயமாக எனச்சொல்லி சீட்டுக்கம்பெனியில் காசு எடுக்க செல்கின்றார். அங்கே சீட்டுக்கம்பனியும் ஊத்தி மூடி விடுகின்றனர். இதுவும் உள்துறை அமைச்சரின் சதிகும்பல் வேலை என விஜய்க்கு தெரிய வர, வேலாயுதமாக ஆக்ஷன்  அவதாரம் எடுத்து எல்லாரையும் வதம் செய்தாரா, தங்கையின் திருமணம் நடந்ததா, ஹன்சிகாவை கரம் பிடித்தாரா என்பது மீதிக்கதை.

டாக்டர் எப்பவும் போல நகைச்சுவை மற்றும் நடனத்தில் பிச்சி எடுக்கிறார்....இன்னும் கொஞ்சம் நல்ல நடன அமைப்பு

வைச்சிருக்குலாம், யானைக்கு சோளப்பொறி தான். நடுவே
நடுவே பன்ச் வசனம்லாம் விடறார் போற போக்கில்.(உதாரணம் : நல்லவேளை, நான் ஆளுங்கட்சி). படத்தின் இறுதிக்காட்சியில
6 பேக் லாம் காட்ட முயற்சி செய்து, ஒரு ரெண்டு மூணு பேக்
காட்றார். படத்தில் வர்ற மிக முக்கிய நகைச்சுவையே அந்த ரயில
டாக்டர் நிறுத்துவது தான். Don 't Miss it. ஜெனிலியாக்கு நல்ல ரோல், நல்லாவே நடிச்சிருக்காங்க, ஆனால் படம் முழுக்க ரொம்ப டல்லா இருக்காங்க, கண்ணுக்கு கீழ கருவளையம்லாம் தெரியுது.
ஹன்சிகாதான் படத்தில் செம ஹாட்டு மச்சி !!!
சந்தானம் எப்பவும் போல கவுண்டமணி பாணில லெப்ட்
அண்ட் ரைட் நகைச்சுவைல வெளுத்து வாங்குகிறார். மத்தபடி
படத்தில இன்னும் பெரிய பட்டாளமே நடிச்சி இருக்கு.

கதைக்கு பெருசா மெனக்கெடவில்லை, திருப்பாச்சி கதையவே
கொஞ்சம் உல்டா பண்ணி, அதன் மேல பாகிஸ்தான் தீவரவாதி
கும்பல்னு மசாலா தூவி, உப்பத்தூக்கலா போடற மாதிரி காமடியே கொஞ்சம் தூக்கி வைச்சி, காரமா கொஞ்சம் ஹன்சிகாவை உரிச்சி
ஆட விட்டு படம் பண்ணியிருக்கிறார்கள். முதல் பாகம்
நகைச்சுவையால் போவதே தெரிவதில்லை...ஆனாலும் அந்த
கிராமத்தில் நடப்பது கொஞ்சம் திராபை நகைச்சுவை தான்.
இரண்டாம் பாகம் முழுக்க சண்டை தான்...டாக்டர் தூக்கின
கையையும் காலையும் இறக்கவே மாட்டேன்றாறு. பாக்கிற
நம்மால தான் முடியல. ரெண்டு மூணு பாட்டு நல்லா இருக்கு, அதுவும் ஹன்சிகா வர்ற சில்லாக்ஸ் பாட்டினால அரங்கமே
சூடாகுது.....முடியல !!! சுபா வசனங்கள் ஆங்காங்கே நச்சுன்னு
இருக்கு. எடிட்டிங் பண்ணவரு இரண்டாம் பாதி செய்யும் போது
தூங்கிட்டாரு போல. ஒரு கமர்ஷியல் படத்துக்கு தேவையான

பரபரப்பான ஒளிப்பதிவு கொடுத்து இருக்கார் பிரியன்.

எப்பவும் தெலுகு படங்களை ரீமேக்கும் இயக்குனர் ராஜா ரொம்ப கடுமையா உழைச்சி இந்த படத்தை எடுத்து இருப்பார் போல,

ரெண்டாம் பாதியில்தான் கோட்டை விட்டுட்டார் மனுஷன்.

படத்துக்கு ரொம்ப பெரிய பட்ஜெட், செலவு அதிகம்னு பேசிக்கினாங்க,

எங்க செலவு செஞ்சி இருக்காங்கன்னு யாராவது விலக்கி

சொன்னாத்தேவலை. படம் இரண்டாம் பாதி இழுவையை சரிக்கட்டி இருந்தா இன்னும் கொஞ்சம் பெரிய லெவல்ல ஹிட் ஆகியிருக்கும். ஆனால் சுறாக்கள், வில்லுகளுக்கு இந்தப்படம் பரவா இல்லை !!!

சீனு டைம்ஸ்-10

2011-09-29T15:46:00.000+03:00

கொஞ்ச நாள் முன்னாடி ஊருக்கு ஒரு சிறிய விடுப்புக்கு போய்
இருந்தப்ப, நண்பரின் தந்தை நோய்வாய்ப்பட்டு வேலூரில் உள்ள பிரசித்தம் பெற்ற மருத்துவமனையில் அனுமதிக்கப்பட்டு இருந்தார் என கேள்விப்பட்டு அவரைப்பார்க்க சென்றிருந்தேன். அவர் ஏற்கனவே ஆஸ்த்மா தொல்லையால் அவதிப்பட்டு கொண்டிருந்தார், சமீபத்தில் அவரது உடலில் ஆக்ஸிஜன் குறைந்து, நுரையீரல் முழுக்க கார்பன்
டைஆக்ஸ்சைடு வியாபித்து, ஒரு கட்டத்தில் மயக்கமுற்று
அவசரப்பிரவில் அனுமதிக்கப்பட்டு பின் கொஞ்சம் கொஞ்சமாக
தேறி விட்டார். நான் அவரைப்பார்க்க போன போது நண்பன் அங்கு

இல்லை, கடைக்கு சென்றிருந்தார் என அறிந்தேன். அவர்
தந்தையிடம் பேசிக்கொண்டிருந்தேன். அவரைச்சுற்றி ஏகப்பட்ட
மருத்துவ எந்திரங்கள் காணப்பட்டன. ஒரு பெண் வந்து ஒரு
எந்திரத்தை இயக்கி, அதன் மூலம் அவருக்கு மருந்து கொடுத்தார், முடிந்ததும் எந்திரத்தை அணைத்து விட்டு சென்று விட்டார்.

சிறுது நேரம் கழித்து அதே பெண், அவரிடம் வந்து பின் வருமாறு

பேசி விட்டு சென்றார். " பெரியவரே, நான் நாளை முதல் வேற பிரிவுக்கு வேலைக்கு போறேன், நீங்க இன்னும் ரெண்டு நாள்ள
வீட்டுக்கு போய்டுவீங்க...உடம்ப பத்திரமா பார்த்துக்கோங்க,
வேளைக்கு மருந்து சாப்பிடுங்க, நான் போயிட்டு வரேன்."
எத்தனை பேருக்கு இந்த மனசு வரும், அந்தப்பெண் அவ்வளவு அக்கறையோடும், கரிசனத்தோடும்
விசாரித்து விட்டுச்சென்றது இன்னும் என் கண் முன்னே காட்சியாக
உள்ளது. மருந்தோடு அன்பும் கலக்கும் போது கண்டிப்பாக நோய் இருக்கும் இடம் தெரியாமல் போகும். எத்தனை பேர் இது மாதிரி இருப்பார்கள் எனத்தெரியாது, அனால் இது மாதிரி சில பேராவது இருப்பதால் தான் நாட்டில் சில நல்லதும் நடக்குது, மழையும் அப்பப்ப பெய்யுது.

அன்பின் பாதை சேர்ந்தவருக்கு

முடிவே இல்லையடா,

மனதின் நீளம் எதுவோ,

அதுவே வாழ்வின் நீளமடா !!!

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

கொஞ்சம் நேரம் செலவு செய்து கீழே சுட்டியிடப்பட்ட காணோளியை

பாருங்கள். மோகன் ராஜ் எனப்படும் முன்னாள் சிபிஐ ஆய்வாளர்
மிக அருமையாய், ராஜீவ் கொலை வழக்கின் போக்கை குறித்து
நிறைய வாதங்களை முன் வைக்கிறார், ஏற்கனவே ரகோத்தமன்
(இவரும் ராஜீவ் கொலை வழக்கில் பங்கேற்ற சிபிஐ அதிகாரி) எழுதிய புத்தகத்தை படித்திருக்கிறேன். அதில் சொல்லப்படாத நிறைய விஷயங்களை மோகன் ராஜ் அவர்கள் சொல்லுகிறார். ஒன்று மட்டும் நன்றாக புலப்படுகிறது, கண்டிப்பாக நிறைய பெரிய தலைகள் ராஜீவ் கொலை வழக்கில் தப்பித்துள்ளனர். கொலை செய்த விடுதலைப்புலிகளை மாட்டிவிட்டு, கொலை செய்யச்சொன்ன, கொலை செய்யத்தூண்டியவர்கள் எல்லாம் தப்பித்து விட்டனர். ராஜீவ் கொலை வழக்கில், ஏனோ மர்மம் விலகவே இல்லை !!!!

http://www.youtube.com/watch?feature=player_embedded&v=7YYfXWxe_1A

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

திண்ணை

நண்பகலில் ஒரு பிச்சைக்காரன் வந்து படுத்தான்.....
பின்பு ஒரு நாய் வந்து படுத்துறங்கியது ...
விவசாயி ஒருவன் வந்தமர்ந்தான்...
வீட்டின் மழலைகள் வந்தமர்ந்து விளையாடின...
வேலைக்காரி வந்து சுத்தம் செய்தாள்....
திருவிழா வசூலுக்கு வந்த ஊர்
பெரியவர்கள் சற்று இளைப்பாறினார்...

திண்ணையான என் மீது தான்
எத்தனை சுமைகள்...
ஒவ்வொரு சுமைகளுக்குள் தான்
எத்தனை கதைகள்....!!!

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

வேலூரிலிரிந்து ஆற்காடு செல்ல, வேலூர் பேருந்து நிலையத்தில்

ஒரு தனியார் பேருந்தில் ஏறினேன். ரெண்டு சீட்தான் காலியாக

இருந்தது, ஒன்னு முன்னாடி, இன்னொன்னு பின்னாடி. சரி

முன்னாடி போய் அமர்வோம்னு மூணு பேரு சீட்ல, ரெண்டு

ஆளுங்க இருந்தாங்க, தள்ளி உட்காருங்குன்னு சொன்னேன்.

அதெல்லாம் முடியாது...மூணு ஆளுக்கு சேர்த்து டிக்கெட்

வாங்கியாச்சி, கிளம்புன்னு சொன்னார். நான் கோவமா நடத்துனர் பக்கம் திரும்பி நான் 55 டிக்கெட் எடுக்குறேன், ஒருத்தரும் சீட்ல

ஒக்கார கூடாது, சரியான்னு கேட்டேன். நடத்துனர் சிரிச்சிக்கிட்டே,

சார் டீசெண்டா இருக்கீங்க, இங்க வாங்கனு வேற சீட் கொடுத்தார்.

நம்ம என்ன கேக்கிறோம், இவர் ஏன் வழியராருனு எனக்கு

புரியல.

அப்புறம் ஆற்காடு கிட்ட வந்ததும் இறங்க எத்தனிக்கையில்

தான் கவனிச்சேன், அந்த மூணு சீட்ல உக்கார்ந்து இருந்த ரெண்டு

பேர் கையும் எக்ஸ் பொசிஷன்ல ஒருத்தர் வேட்டிகுள்ளயும்,

இன்னொருத்தர் பேண்டுக்குள்ளையும் மாறி மாறி இருந்தது. டேய் நீங்க அவங்களாடன்னு தலையில் அடிச்சிக்கிட்டு, என்ன

கண்றாவிடா இதுனு இறங்கிட்டேன். எப்பா, உங்கள யாரும் இங்க அவங்களா இருக்காதீங்கன்னு சொல்லலை.....ஆனால்

பொது இடத்தில இதெல்லாம் நல்லாவா இருக்கு ???

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

நகைச்சுவை - 6 !!!

2011-09-29T06:01:00.000+03:00

"மங்காத்தா" டா !!!

2011-09-07T16:37:00.000+03:00

உள்ளே தல....வெளியே தல.....
வெளியே தல.....உள்ளே தல....
உள்ளே தல....வெளியே தல.....
வெளியே தல.....உள்ளே தல....

இது தலையோட மங்கத்தாடா....உள்ளேயும் தலதான்...வெளிய்லையும் தலதான்...வாலி, அமர்க்களம், தீனா காலத்தின் அஜித் ரொம்ப யுகங்களுக்கப்பறம் இப்பத்தான் "தல" காட்றார். பொதுவா ஹீரோன்னா, சரக்கடிக்க கூடாது, தம்மடிக்க கூடாது, நிறைய பொண்ணுகிட்ட போகக்கூடாது, திருடக்கூடாது, ஏமாத்தக்கூடாது,கெட்ட வார்த்தை பேசக்கூடாது,தொப்பைய காட்டக்கூடாது, வயச சொல்லக்கூடாது, மல்டி ஸ்டார் படத்தில நடிக்ககூடாது, டை அடிக்காம இருக்கக்கூடாது, சப்ப பசங்கக்கிட்ட அடி வாங்கக்கூடாது......இது மாதிரி ஏகப்பட்ட கூடாதுகள் உண்டு. அனால், மேல சொன்ன எல்லாத்தையும் அஜித் தில்லா தூக்கி போட்டுட்டு இந்த கதையில், இந்த படத்தில் நடிச்சதுக்கே ஒரு ஸ்பெஷல் வாழ்த்துகள்.

கிரிக்கெட்டில் நடக்கும் சூதாட்டமும் அதன் பிண்ணனியில் புரளும் கோடிக்கணக்கான பணமும் தான் கதைக்களம். விநாயக் மகாதேவன் என்ற போலீஸ் பாத்திரத்தில் அஜித் நடித்துள்ளார். ஒரு கெட்டவனுக்கு உதவப்போகும் தருணத்தில், ஆறு மாதம் வேலையிலிருந்து அஜித் இடைக்கால பணி நீக்கம் செய்யப்படுகிறார். பின்பு நாலு சப்ப பசங்கள பின் தொடர்ந்து, அவர்கள் போடும் 500 கோடி பணத்திருட்டு திட்டத்தில் சேர்ந்து கொள்கிறார். அர்ஜுன்(பிருதிவிராஜ்) தலைமையில் போலீஸ் அணி கிரிக்கெட் சூதாட்ட கும்பலையும், புரளும் பணத்தையும் எல்லா இடங்களிலும் பறிமுதல் செய்கின்றனர். அஜித் தலைமையில் உள்ள ஐவர் குழு எப்படி இந்த 500 கோடி பணத்தை போலீசுக்கும், சூதாட்ட கும்பலுக்கும் தெரியாமல் லவுட்டுகின்றனர், பின்னர் என்ன ஆகிறது என்பதை கண்டிப்பாக எதாவது ஒரு வெள்ளித்திரையிலோ, துணித்திரையிலோ, தங்கத்திரையிலோ காண்க.

படத்தின் முதல் பாதியின், பாதி வரை விதவிதமா நடிகர்கள் புதுசுபுதுசா வந்துகிட்டே இருக்காங்க......அவ்ளோ பெரிய கும்பல் இந்தப்படத்தில் நடித்திருக்கிறார்கள். அஜித், அர்ஜுன், த்ரிஷா, அஞ்சலி, லட்சுமி ராய், அண்ட்ரியா, வைபவ், பிரேம்ஜி, சுப்பு பஞ்சு, ஜெயப்பிரகாஷ், அர்விந்த் ஆகாஷ்....எம்மாடி...முடியல....போதும் இத்தோடு நிறுத்திக்கிறேன். இவ்வளவு பேர் கதைக்கு தேவைப்பட்டிருந்தாலும், அஜித்தின் ஆளுமைதான் படம் முழுக்க...சொல்ல போனால் அஜித்தின் மற்ற படங்களை விட இந்த படத்தில் அவருக்கு காட்சிகள் குறைவுதான். இரண்டாம் பாதியில் தூள் பரத்துகிறார்....அதுவும் அந்த தனியாக சதுரங்கம் ஆடும் இடம் செம. இது மாதிரி தொடர்ந்து நல்ல ஸ்கோப் உள்ள படங்களில் அஜித் நடிக்கக்கடவுக நாராயணா !!! அர்ஜுனுக்கு வயது முதிர்ச்சி ரொம்பவே தெரிகிறது. திரிஷா கொஞ்சம் நேரம் காதல் பண்றாங்க...பின் அழறாங்க...அப்புறம் காணமேலே போய்டுறாங்க. லட்சமி ராய் தான் செம டாப்பு. அரேபியன் குதிரைலாம் பிச்சை வாங்கணும். அஞ்சலி, ஆண்ட்ரியாலாம் கூட இருக்காங்க. பிரேம்ஜி காமெடி பண்றேன்னு சொற்ப இடங்கள் தவிர்த்து, நிறைய இடத்தில மொக்கை போடுறார்.சென்சார்க்காரங்க தொல்லை பெரும் தொல்லையா இருக்கு....எதையுமே காட்ட மாட்டேன்றாங்க, கொஞ்சம் சீன் தெரியும் காட்சிகளில் கூட ஏதோ ஜிகுஜிகுன்னு வந்துடுது......இந்த மாதிரி காட்றதுக்கு அந்தக்காட்சிய வெட்டியே தொலைக்கலாம். நம்ம எந்த காலத்தில் இருக்கிறோம்னு சில நேரத்தில் பிடிபடுவதில்லை.

படத்தின் இரண்டு மிகப்பெரிய தவறாக எனக்குத்தெரிவது திரைக்கதையும், பாட்டும்தான்.படத்தில் நிறைய இடங்கள் ஆங்காங்கே தொய்வாக செல்கிறது, இரண்டாம் பாதியிலும் கூட. யுவன் என்ன அவசரத்தில் இருந்தாரோ தெரியல, விளையாடு மங்காத்தா பாட்டு தவிர எதுவுமே சரி இல்லை. பின்னணி இசையும் சுமார்தான், அதுவும் முதலில் வரும் நகைச்சுவை காட்சிகளில், பின்னணி இசை ரொம்ப கேவலமா இருக்கு. இத்தனை சுமாரான ஆறு பாட்டு போட்டதுக்கு, இந்த மாதிரி கதைக்கு மூணு பாட்டு மட்டும் நச்சுன்னு போட்டிருக்கலாம். வெங்கட் பிரபு திரைக்கதைக்கு மட்டும் இன்னும் கொஞ்சம் மெனக்கெட்டிருந்தால் படம் பிரம்மாண்டமான வெற்றி பெற்றிருக்கும். ஒளிப்பதிவு மற்றும் எடிட்டிங் தான் படத்தின் பலம். வசனங்கள் ஓகே ரகம். வெங்கட் பிரபு அதி தீவிர அஜித் ரசிகர் போல, படத்தை பாருங்கள் புரியும். நிறைய லாஜிக் ஓட்டைகள் இருந்தாலும், அஜித்திற்காக மற்றும் மேக்கிங்க்காக கண்டிப்பாய் ஒரு முறை பார்க்கலாம்.
.

சீனு டைம்ஸ்-9

2011-08-04T17:17:00.000+03:00

ரொம்ப நாளாய் பார்க்க வேண்டிய படங்கள் என எண்ணிக்கொண்டிருந்த

இரு படங்களை சமீபத்தில் பார்த்தேன். இந்த இரு படங்களை இவ்வளவு நாளாய் எப்படி பார்க்கத்தவறினேன் எனத்தெரியவில்லை. அவற்றின்

விவரம் கீழே :-

ஓம்காரா(ஹிந்தி)

அஜய் தேவ்கன், சயீப்அலி கான், விவேக் ஓபராய், நசீருதின்ஷா, கரீனா கபூர், கொன்கனா சென் எனப்பெரிய பட்டாளமே நடித்த படம். கதை, திரைக்கதை, இசை மற்றும் இயக்கம் விஷால் பரத்வாஜ்.ஷேக்ஸ்பியரின் ஒதேல்லோவை தழுவி எடுக்கப்பட்ட படம் இது. மனித மனங்களுக்குள்

இருக்கும் காதல், காமம், துரோக எண்ணங்கள், துக்கம், சந்தோசம், குற்ற உணர்ச்சி என உணர்ச்சி குவியலான படம். எல்லாரும் அற்புதமா நடிச்சி இருப்பாங்க..அதுவும் சயீப்அலி கான், கரீனாவின் நடிப்பு டாப் கிளாஸ். இந்தியாவின் மிகச்சிறந்த இயக்குனர்களில் கண்டிப்பாக விஷால் பரத்வாஜுக்கு மிக முக்கியமான இடம் உண்டு என்பதை நிருபிக்கும் படம் இது.

தன்மாத்ரா(மலையாளம்)

மோகன்லால் நடித்து ப்ளசி இயக்கிய ஒரு அற்புதமான படைப்புத்தான் இந்த தன்மாத்ரா. ஒரு தந்தை எப்படி இருக்க வேண்டும் என்று அற்புதமாய் இந்த படத்தில் காட்டி இருக்கின்றார் இயக்குனர். மிக மிக நெகிழ்ச்சியான படம், அதுவும் மோகன்லால் நடிப்பு மிக இயற்கையாக அற்புதமாக இருக்கும். ஆல்சைமர் நோய்(அறிவாற்றல் இழப்பு) தாக்கிய மனிதன் எப்படி இருப்பான் என்பதை அப்படியே கண்முன் நிறுத்தி இருக்கார் மோகன்லால். மோகன்லால் தவிர நெடுமுடி வேணு, மீரா வாசுதேவன், அர்ஜுன் லால், ஜகதி, சீதா எல்லாரும் நல்லா நடித்திருக்கின்றனர்.

வாய்ப்பு கிடைக்கும்போது இந்தப்படங்களை கண்டிப்பாக பாருங்கள். உலகசினிமாக்களுக்கு இந்திய சினிமா சிறிதளவும் குறைந்தது இல்லை என உரத்து கூறும் காவியங்கள் இவை.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
கொஞ்ச நாள் முன்னாடி நார்வேயில் நடந்த பயங்கர தீவரவாத தாக்குதல்

மொத்தமாக 77 பேரை காவு வாங்கியது. இதைப்பற்றி சம்பவம் நடந்த

மறுநாள் அலுவலகத்தில் என் சக தமிழ் நண்பரோடு பேசிக்கொண்டிருந்தேன். அப்பொழுது அங்கே எதேச்சையாக வந்த

கத்தாரி இஸ்லாம் நண்பர், என்ன பேசுகிறோம் என்று புரிந்து கொண்டு கேட்ட கேள்வி என்னை நிறைய சிந்திக்க வைத்து. அவர் என்ன

கேட்டார் என்றால், "Don't tell me that this attacks were carried out by any Islamic

terrorists?". நான் அந்தச்சம்பவத்தை கொஞ்சம் விளக்கி சொன்ன பிறகுதான்

அவர் திருப்தி அடைந்தார். எந்தளவிற்கு அவர் இந்த தொடர்

தீவரவாதத்தின் மேல் வெறுப்பு இருந்தால் இந்தக்கேள்வியை கேட்டிருப்பார்?

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

இந்திய கிரிக்கெட் அணியினர் இங்கிலாந்தில் இரண்டு டெஸ்ட் போட்டிகளில் தோற்றதைத்தொடர்ந்து, ஆளாளுக்கு இந்தியா முதல் இடம் வகிக்க தகுதியில்லை என் பேசத்தொடங்கி விட்டது மிகவும்

கேலிக்கூத்தாக உள்ளது, குறிப்பாக இங்கிலாந்து பத்திரிக்கைகள். இது வரை இங்கிலாந்து ஒரு முறை கூட உலகக்கோப்பை வென்றது இல்லை, டெஸ்ட் போட்டி தரவரிசையில் முதல் இடம் பெற்றதும் இல்லை. இத்தனை வருஷம் கவுண்டி கிரிக்கெட் நடத்தி இருந்தாலும், IPL மாதிரி ஒரு பணம் கொழிக்கும் தொடரை நடத்தியதில்லை. அதுவும் இல்லாம சமீப காலங்களில் பிசிசிஐ உலகக்ரிக்கெட்டில் முக்கிய அங்கமாக மாறிவிட்ட

புகைச்சல் வேறு. நம்ம நேரத்துக்கு தொடர்ந்து ரெண்டு தோல்வி வேற

கிடைச்சாச்சா... எப்படா வாய்ப்பு கிடைக்கும்னு காத்து கிடந்தது போல பேச

ஆரம்பிச்சிட்டானுங்க. பெருமைக்கு ...... தின்ற பசங்க பேசுற பேச்சு கொஞ்சம் ஓவராத்தான் இருக்கு. ரவி சாஸ்த்ரி இவங்க எல்லாத்தையும் செம கிழி கிழிச்சிருக்கார். கீழே உள்ள காணோளியை பாருங்கள்.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

வாத்தியார் சுஜாதா அவர்கள் முதன்முதலில் எழுதிய நாவலான

நைலான் கயிறு சமீபத்தில் படித்தேன். துப்பறியும் நாவல் தான்....ஆனால் இதில் கணேஷ் மட்டும்தான் வருகிறார். கணேஷ்

பாத்திரம் கூட கதையின் பாதியோடு விடை பெறுகிறது. கணேஷ்

பாத்திரமே, கணேஷ் + வசந்த் கலந்தாற்ப்போல தான்

வடிவமைக்கப்பட்டுள்ளது. நிறைய புதுமைகளோடு இந்தக்கதை

வித்தியாசமாக எழுதப்பட்டுள்ளது. அப்போதைய காலகட்டத்திலும் கூட சுஜாதா அவர்கள் எந்தளவிற்கு விவரங்கள் கதையின் ஊடே கொடுத்து இருக்கார் என்பது பிரம்மிக்க வைக்கிறது. சிறிய நாவல் தான்,

துப்பறியும் கதைக்களம்... சுஜாதாவின் துள்ளலான நடை...கண்டிப்பாக படிக்கலாம்.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

படித்ததில் பிடித்தது

Live LIFE like a pair of Walking Legs :
The Foot that's Forward has no Pride & the Foot Behind has no Shame !
BECAUSE, They both Know their Situation will Change.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

இது என்னுடைய ஐம்பதாவது பதிவு. இது வரை ஊக்கம் அளித்து
ஆதரவளித்து வந்த அனைவருக்கும், தொடர்ந்து ஆதரவு
கொடுக்கப்போவோருகும் நெஞ்சார்ந்த நன்றிகள் !!!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

நகைச்சுவை - 5 !!!

2011-07-26T15:56:00.000+03:00

வாழ்க்கை இன்னொரு முறை கிடைப்பதில்லை !!! (Zindagi Na Milegi Dobara)

2011-07-25T21:52:00.001+03:00

உங்க வாழ்க்கைல நண்பர்களை ரொம்ப மிஸ் பண்றீங்களா? வெளியூர் சுற்றுலா பயணம் நண்பர்களோடு போய் ரொம்ப நாள் ஆச்சா? வாழ்கையின் அர்த்தங்கள் சரியாக பிடிபடுவதில்லையா? உங்களுக்கு அட்வென்ச்சர் ஸ்போர்ட்ஸ்ல விருப்பம் அதிகமா? அப்ப நீங்க செய்ய வேண்டியதெல்லாம் ஒண்ணே ஒண்ணுதான்...ஜிந்தகி நா மிலேகி தோபாரா படத்தை பக்கத்தில் ஓடுற திரை அரங்கில் போய் பார்த்துடுங்க.

படத்தின் துவக்கத்தில், கபீர்(அபய் தியோல்) தன் காதலை சொல்லி, கல்யாணம் செய்து கொள்ள நடஷாவிடம்(கல்கி) ப்ரபோஸ் செய்கிறார். பிறகு நடக்கும் அவர்களின் நிச்சயத்தில், தன் இரு நண்பர்களோடு

ஸ்பெயின் நாட்டுக்கு சென்று மூன்று வாரம் பேச்சிலர் பார்ட்டிதனை

வித்தியாசமாக ரோடு ட்ரிப்பில் செலவிட செல்வதாக சொல்கிறார்.

ஸ்பெயினில் கபீருடன் மற்ற இரு நண்பர்களான இம்ரான்(பர்ஹான் அக்தர்)

மற்றும் அர்ஜுனும் (ஹ்ரித்திக் ரோஷன்) சேர்ந்து கொள்கின்றனர்.

ஸ்பெயினில் மூன்று நண்பர்களும் அவரவர் விருப்பத்திற்க்கேற்ப

ஆளுக்கு ஒரு விளையாட்டை, வெவ்வேறு இடங்களில் தேர்வு செய்கின்றனர். ஒவ்வொரு இடமாக நெடுஞ்சாலை வழியாக

செல்கின்றனர். எவ்வாறு அவர்களின் ஸ்பெயின் ட்ரிப் செல்கிறது,

அந்த சுற்றுலாவின் ஊடே நடக்கும் நிகழ்வுகள், சந்திக்கும்

மனிதர்கள், பின் அவர்களின் வாழ்க்கை எவ்வாறு திசை மாறுகிறது என்பதுதான் கதை.

ஹ்ரித்திக் ரொம்ப அழகாய் அடக்கி வாசித்து நடித்திருக்கிறார்.

இது மாதிரி மூன்று பேர் உள்ள கதையை தேர்வு செய்து

நடித்ததற்க்கே ஒரு ஸ்பெஷல் சபாஷ். லைலாவாக வரும்

காத்ரினாவிடம் காதலில் விழும் இடங்களும், தன் தொழிலா, காதலா, வாழ்க்கையா என குழம்பும் இடங்களிலும் நல்லா நடித்திருக்கிறார்.

பர்ஹான் படம் முழுக்க நகைச்சுவை செய்கின்றார்...மனதில், தன் உண்மையான தந்தையை தேடும் சோகத்தை வைத்துக்கொண்டு அழகாய் நடித்து இருக்கிறார்...முக்கியமாய் தன் தந்தையை சந்திக்கும் நேரத்திலும், காத்ரினாவிடம் ஜொள்ளு விடும் போதும். படத்தில் உள்ள முக்கியமான ஒன் லைனர்ஸ் மற்றும் ஜாவேத் அக்தரின் கவிதைகள்

எல்லாம் அற்புதமாய் பர்ஹானுக்கு படத்தில் அமைந்துள்ளது. அபய் தியோலும் எப்பவும் போல அளவா சிம்பிளா நடித்திருக்கிறார்.

காத்ரினா செம அழகா இருக்கார்..கொஞ்சம் போல நல்லாவும் நடிச்சிருக்காங்க. கல்கி கொச்செளின், நஸ்ருதீன்ஷா எல்லாம் வந்து போறாங்க.

வெகு சில இடங்களில் தில் சாஹ்தா ஹய் படத்தின் தாக்கம் இருந்தாலும், படம் டெக்னிக்கலா மிரட்டி இருக்காங்க. முக்கியமா அந்த ஸ்கை டைவிங்

காட்சிகள் படமாக்கப்பட்ட விதம் பிரமிக்க வைக்கிறது. பாக்கிற நாமளும்

பறக்கிற மாதிரி ஒரு உணர்வு. பின்னணி இசை உறுத்தாமல் படத்தோடு

ஒன்றி வருகிறது. யாரோ வெளிநாட்டு ஒளிப்பதிவாளர் கார்லோஸ்

கட்டாலனாம், ரொம்ப இயற்கையா எடுத்து இருக்கார். ஜோயா அக்தர் அற்புதமா எழுதி இயக்கி இருக்காங்க. முக்கியமாய் வசனங்கள் அற்புதம். இன்னும் படத்தில் சிலாகித்து சொல்ல நிறைய விஷயம் உள்ளது.... சொல்லி கேட்பதை விட பார்த்து அனுபவித்தல் நன்றாக இருக்கும். ஆங்கிலத்தில் N O S T A L G I C என்ற வார்த்தை சொல்வார்கள்

இல்லையா, இந்தப்படம் முடிகையில் கண்டிப்பாய் அதை உணர முடியும்.

மத்தபடி படம் கொஞ்சம் பொறுமையா போகும், உங்களுக்கு டபாங்,

ஓம் சாந்தி ஓம், சிங் இஸ் கிங் மாதிரி படங்கள்தான் எப்பவும் பிடிக்கும் என்றால், இது கண்டிப்பாய் உங்களுக்கான படம் அல்ல.

கால் சென்டரில் ஓர் இரவு (One Night @ the Call Center) !!!

2011-07-19T18:50:00.000+03:00

சேத்தன் பகத் எழுதிய இரண்டாவது புத்தகம்தான் "One night @ the call center". சமீபத்தில, ஒரு நாலு நாள் விடுமுறைக்கு இந்தியா செல்கையில், தோகாவில் விமானம் ஏறிய உடன் இந்த புத்தகத்தை படிக்க ஆரம்பித்தேன். விமானம் மஸ்கட் சென்று, வேறு விமானம் மாறி சென்னை தொடும் நேரத்தில் புத்தகத்தை வாசித்து முடித்திருந்தேன். ஒரு இரவில் நடக்கும் கதைதனை நானும் ஒரே இரவில் படித்து முடித்தேன் (நாங்களும் ஒரே நைட்ல எதாவது செய்வோம் இல்ல !!!)

சேத்தன் ஒரு இரவில் ரயில் பயணம் செல்கையில், கூட பயணிக்கும் ஒரு சக பெண் பிரயாணி சொல்லும் கதைதனை, இந்த புத்தகமாக எழுதி இருக்கார் என்பதில் இருந்து கதை தொடங்குகிறது. எப்பொழுதும் போல கதை சொல்லும் பாணி, கதையின் அகத்தே உள்ள ஒரு பாத்திரத்தை வைத்து அந்த பாத்திரத்தின் நோக்கில் கதை சொல்லப்பட்டுள்ளது. ஒரு இரவில், ஒரு கால் சென்டரில் நடக்கும் சம்பவங்கள் தான் கதை. அதாவது ஒரு 12 மணி நேரத்தில் நடக்கும் நிகழ்வுகளை கோர்த்து எழுதப்பட்டவைதான் இந்த புத்தகம். ஒரு இரவின் நிகழ்வுகளை 250 பக்கம் கொண்ட கதையாக எழுத முடியுமா என யோசிப்பவர்கள்......இந்த புத்தகத்தை வாங்கி படித்து தெரிந்து கொள்ளுங்கள்.

ஷ்யாம், வ்ரூம், இஷா, பிரியங்கா, ராதிகா மற்றும் மிலிட்டரி மனிதர் ஆகிய ஆறு பேரும் ஒரு கால் சென்டரில் ஒரு டீமாக வேலை
செய்பவர்கள். ஒவ்வொருவருக்கும் வாழ்க்கையில் எதாவது ஒரு பிரச்சினை, விரக்தி, ஏமாற்றங்கள் என இருக்க, ஒரு இரவில் இதை அத்தனையும் சொல்லி, கடைசியில் ஏக போக த்ரில்லோடு கதை முடிகிறது. கதை முழுக்க முழுக்க இரவு ஷிப்டில் கால் சென்டரில் நடப்பவைதான். கதையின் இறுதியில் கடவுள் போன் செய்வது போல் ஒரு நிகழ்வு வருகிறது...இதையும் சேத்தன் இறுதியில் நியாயப்படுத்தியுள்ளார். கதையின் இறுதி அப்படியே ஒரு ஹிந்தி படம் பாக்கிற மாதிரி ஒரு
உணர்வு. சேத்தன் பெண்களை பற்றி எழுதுவது மிகவும் ரசிக்கும்படி
உள்ளது. அவரின் மற்ற கதைகளில் எல்லாம் ஒரு பெண்தான் பிரதானமாக இருப்பார். இந்த கதையில் மூணு பெண்கள், ஆகையால் கொஞ்சம் கூடுதலா கவனம் செலுத்தி எழுதி இருப்பார் போல.. கால் சென்டர் பற்றி நிறைய விஷயங்கள் கேட்டு, படித்து, பார்த்து எழுதி இருக்கார்....கிடைக்கிற கேப்ல எல்லாம் கால் சென்டருக்கு போன் செய்யும் அமெரிக்காகாரங்களை கிண்டல் அடிச்சி இருக்கார். கால் சென்டரில் நடக்கும் அரசியல், காதல், குடும்பத்தில் நடக்கும் பிரச்சினைகள் என கலந்து கட்டி சொல்லி, இறுதியில் ஒரு அழுத்தமான செய்தியோடு முடிகிறது கதை.

Title: One night @ the call center

Author: Chetan Bhagat

Publisher: Rupa and Co., New Delhi

Language: English

Release Date: October 2005

Pages: 257

Price: Rs .95

ஒரு சில சொற்ப இடங்களில் கதை கொஞ்சம் மெல்ல நகர்கின்றது, மற்றபடி கண்டிப்பாக படிக்க வேண்டிய புத்தகம் தான். ஒரு வழியாக சேத்தன் எழுதிய நான்கு புத்தகமும் படித்து விட்டேன். அடுத்த வெளியீடு தீபாவளிக்கு.....காத்திருக்கிறேன். எனக்கு பிடித்த வரிசையில் சேத்தனின் புத்தகங்களை கீழே வரிசைபடுத்தி உள்ளேன். (எல்லா புத்தக தலைப்பிலும் ஒரு எண் இருக்கிறது)

2 States - The Story of My Marriage
Five Point Someone
One night @ the call center
The 3 Mistakes of my Life

டெல்லி பெல்லி - "A" ஓன் மூவி !!!

2011-07-16T17:12:00.000+03:00

சமீபத்தில் இந்தளவிற்கு வயிறு வலிக்க சிரிச்சிக்கிட்டே எந்தப்படத்தையும் பார்த்த மாதிரி ஞாபகம் இல்லை. டெல்லி பெல்லி படம் துவக்கத்திலிரிந்து முடிவு வரை அதகளம் தான். அமீர்கான் தயாரிப்பில் வெளி வந்திருக்கும் படம்தான் இந்த டெல்லி பெல்லி.

ஏர் ஹோஸ்டஸ் ஆக வேலை பார்க்கும் சோனியா (சேனாஸ்) தன் தோழிக்கு உதவும் நோக்கில், ஒரு கடத்தல் கும்பலின் பார்சல் ஒன்றை கைம்மாற்ற ஒப்புக்கொள்கிறாள்.(பார்சலில் என்ன உள்ளது எனத்தெரியாமலே!). சோனியா அந்தப்பார்சலை தன் காதலன் தஷியிடம்(இம்ரான் கான்) கொடுத்து சேர்த்து விடும்படி சொல்கிறாள். தஷி தன் நண்பனிடம் அந்த வேலயைக்கொடுக்க, அந்த நண்பன் இன்னொரு நண்பனிடம் கொடுக்க....கடைசியில் பார்சல் இடம் மாறி விட, தொடரும் குழப்பங்கள், கடத்தல் கும்பலின் துரத்தல் எனக்கதை சென்று சுபமாகின்றது. இதை முழுக்க முழுக்க நகைச்சுவையோடு சொல்லியிருக்கின்றனர்.

இந்தப்படத்தில் கதாநாயகன் என்று யாரும் இல்லை. எல்லாருக்கும் சமமான பாத்திரம்தான். ஒவ்வொரு சின்ன சின்ன பாத்திரங்கள் கூட அசத்தி இருக்காங்க. இம்ரான்கான் ரொம்ப அளவா நடிச்சி இருக்கார். அவருடைய நண்பர்களாக வரும் அருப்(விர் தாஸ்) மற்றும் நிதின்(குணால் ராய் கபூர்), மேனகா(பூர்ணா ஜகந்நாதன்), வில்லனாக விஜய் ராஸ் எல்லாரும் கலக்கி இருக்காங்க. படம் முழுக்க கெட்ட வார்த்தைகள் தான்..." F " வார்த்தை படம் முழுக்க வந்து கொண்டே இருக்கிறது...அது மட்டும் இல்ல, இன்னும் ஹிந்தியில இருக்கிற நிறைய கெட்ட வார்த்தை. மெட்ரோவில் இருக்கும் மாடர்ன் யூத் எப்படி பேசுவாங்களோ, அப்படியே வந்து விழுகின்றன வசனங்கள். அதே போல் படம் முழுக்க ஆங்கில வசனங்கள்தான்...ஒரு 10 சதவிகிதம் தான் ஹிந்தியே வருகிறது. டிபிக்கலா, இப்போதைய பாச்சிலர்கள் எப்படி இருக்கிறார்களோ, அதை அப்படியே கண் முன்னாடி நிறுத்தி இருக்கார் இயக்குனர்.

படத்துக்கு இதை விட பொருத்தமா தலைப்பும், கேப்சனும் வைக்க முடியுமா என எனக்கு தெரியல. படம் முழுக்க ஷிட், இர்று என அருவருக்க தக்க விஷயங்கள் வியாபித்து இருந்தாலும், அதையெல்லாம் மீறி சிரிக்க வைத்திருப்பது இயக்குனர் மற்றும் கதாசிரியரின் வெற்றியே. கல்லூரி நாட்களில் தினமும் M டிவில சாயங்காலம் இந்த படத்தின் நாயகி சேனாஸ் நடத்தும் மோஸ்ட் வான்டட் பார்த்ததுண்டு. அதுக்கப்புறம் இந்த படத்தில்தான் பார்த்தேன்...படம் முழுக்க புள்ள திமிரிக்கிட்டே இருக்கு இந்த வயசிலயும். இன்னொரு நாயகியா வரும் பூர்ணா ஜகந்நாதன் ஏதோ வெளியூர் பொண்ணாம்..செம தைரியமா நடிச்சி இருக்கு. அப்புறம் அந்த குண்டு நண்பர்... விழுந்து விழுந்து சிரிக்க வச்சிருக்கார், அதுவும் அந்த இறுதிக்கட்சியில துரத்தல் நேரத்திலயும் ஒரு வீட்டு கழிப்பறைக்கு போயிட்டு வெளியில வந்து தேங்க்ஸ்னு சொல்லுவர் பாருங்க...செம கலக்கல். இது மாதிரி படம் முழுக்க சிரிக்க நிறைய இடங்கள் உண்டு. விஜய் ராஸ் கலக்கல் வில்லனா நடிச்சி இருக்கார்.செம டயலாக் டெலிவெரி.(ஏற்கனவே டெல்லி-6 மற்றும் மும்பை எக்ஸ்பரசிலும் கலக்கலா நடிச்சி இருப்பார்). எனக்கு ஒரே ஒரு விஷயம் தான் படத்தில் பிடிக்கலை...இறுதியில் அமீர்கான் வரும் பாட்டு. திருஷ்டிக்கு வச்சிட்டார் போல.(நிறைய பேர் இது நல்லா இருக்குனு சொன்னாங்க).

மத்தபடி படத்தின் எல்லா துறையும் அசத்தல்...கலை இயக்கம், ஒளிப்பதிவு, எடிட்டிங். இசை யாரோ ராம் சம்பத்தாம்..பின்னணி இசை சுபெர்ப்....அதுவும் வில்லன் விஜய் ராஸ் வரும்போதெல்லாம் ஒரு இசை வரும் பாருங்க....அற்புதமா போட்டு இருக்கார்.அமீர்கானுக்கு ஒரு ஸ்பெஷல் பாராட்டு....மனுஷன் வித விதமா படம் எடுக்குறார்...இந்த மாதிரி ஒரு படம் எடுக்க தில் வேணும். நம்ம ஊர்ல, இது மாதிரி ஒரு படம் எடுத்தா முதல்ல பேர மாத்தனும்...(சென்னை வயிறு....நல்லா இருக்கும்???), அப்புறம் தமிழ் படத்தில தமிழே வரலன்னு கொடி பிடிப்பாங்க....அப்புறம் கெட்ட வார்த்தைகள், வல்கர் காட்சிகள் என எல்லாத்துக்கும் ஆப்படிக்கவே இங்க பெரிய கும்பல் வேலை இல்லாமா கலாச்சார காவலர்கள் என்ற பெயரில் இருக்கு. நல்லா சத்தம் போட்டு சிரிச்சி பார்த்தேன் இந்த படத்தை, ஆனால் கண்டிப்பாக வயது வந்தவர்களுக்கு மட்டும்தான். சின்ன பிள்ளைகளை படம் பார்க்க கூட்டிக்கிட்டு போன அப்புறம் அவங்க கேக்கிற கேள்விக்கு பதில் சொல்லி மாளாது !!!!

எனது வாழ்க்கையின் மூன்று தவறுகள் !!! (The 3 mistakes of my life)

2011-06-03T16:12:00.000+03:00

The 3 Mistakes if my life, சேத்தன் பகத் அவர்கள் எழுதிய மூன்றாவது புத்தகம். அவர் எழுதிய புத்தகங்களில், நான் படித்த மூன்றாவது புத்தகம் இது. கதையில் நண்பர்கள் மூன்று, கதைக்களம் வணிகம், மதம் மற்றும் கிரிக்கெட் போன்ற மூன்றை உள்ளடக்கியவை. கதையின் நாயகன் செய்யம் தவறுகளும் மூன்று.

தமிழில் வாத்தியார் சுஜாதா அவர்கள் உண்மையில் நடந்த வரலாற்று நிகழ்ச்சி கொண்டு "இரத்தம் ஒரே நிறம்" என்ற கதையை அற்புதமாக எழுதியிருப்பார். அதே மாதிரி சேத்தன் பகத் அவர்கள் மிக சமீபத்தில் நடந்த நிகழ்வுகளான குஜராத் பூகம்பம், கோத்ரா ரயில் எரிப்பு சம்பவம், VVS லக்ஷ்மன் ஆஸ்திரேலியாவிற்கு எதிராக கொல்கத்தாவில் அடித்த சிறப்பான இரட்டை சதத்தினால் இந்தியா அடையும் வரலாற்று வெற்றி போன்றவற்றை கொண்டு அழகான புத்தகம் எழுதி இருக்கார். கதை முழுவதும் கதாநாயகன், ஆசிரியருக்கு சொல்வது போல் எழுதப்பட்டுள்ளது. ஆகையால் கதையின் தொடக்கத்திலும் முடிவிலும் சேத்தன் பகத் அவர்கள் குடும்பத்துடன் ஆஜராகி விடுகின்றார். இந்த யுக்தி எனக்கு ரொம்பவும் பிடித்து இருந்தது.

கோவிந்த் தான் கதையின் நாயகன், அவரின் தற்கொலை முயற்சியிலிருந்து கதை தொடங்குகிறது. கோவிந்த், இஷான், ஓமி ஆகிய மூவரும் இணை பிரியா நண்பர்கள். இருபதுகளின் மத்தியில் இருக்கும் மூவரும், எவ்வாறு ஒன்றாக சேர்ந்து ஒரு சொந்த தொழில் தொடங்கி முன்னேறுகிறார்கள் என்பது தான் கதை. சிறியதாக ஒரு கிரிக்கெட் சாதனங்கள் விற்கும் கடை தொடங்குகின்றனர், பின் எவ்வாறு

அவர்களது கனவுகள் மதம், அரசியல், பூகம்பம், கிரிக்கெட்டில் இந்தியா அடையும் வரலாற்று வெற்றி, கோவிந்தின் காதல் ஆகியவற்றால்

திசை மாறுகிறது என மிகத்தெளிவாக அழகாய் கதை அமைத்திருக்கிறார்

சேத்தன் பகத்.

மத அரசியலை மிக நயமாக எழுதி இருக்கார். இந்தியா கிரிக்கெட்டில் அடையும் வெற்றி தோல்வி கூட எப்படி சில வியாபாரங்களை பாதிக்கும் எனப்படிக்கையில் வியப்பு மேலிடுகிறது. எப்பவும் போல காதலை மிக இளமையாக சொல்லி இருக்கிறார். நிறைய இடங்களில் வரும் வசனங்கள் பிரம்மிக்க வைக்கிறது, இன்னும் நிறைய இடங்களில் உதட்டோரம் மெலிதான புன்னகை வரவழைக்கிறது. குஜராத்திகளின் இரத்தத்தோடு கலந்திருக்கும் வியாபாரம், சைவ உணவுகள் பத்தி மிக சுவைப்பட சொல்லிருக்கார். கதையின் நாயகன் கணக்கு வாத்தியார் என்பதால் நிறைய இடங்களில் கணக்கை வைத்து வசனம் எழுதி இருப்பது ஆசிரியரின் புத்திசாலித்தனத்தை காட்டுகிறது. மிகச்சில(மிக மிக சொற்ப இடங்களில் கொஞ்சம் போர் அடிக்கின்றது... மற்றபடி கண்டிப்பாக படிக்க வேண்டிய புத்தகம்

Title: The 3 Mistakes of my Life

Author: Chetan Bhagat
Publisher: Rupa and Co., New Delhi
Language: English
Release Date: January 04, 2008
Pages: 268
Price: Rs .95

சேத்தன் பகத்தின் எளிய எழுத்து நடை, நகைச்சுவையோடு சம கால
நிகழ்வுகள் என இளைஞ்சர்களை தன் எழுத்தால் வசியபடுத்தி விடுகிறார்.
அவர் எழுதியதில் இன்னும் ஒன்று மட்டும் படிக்க வில்லை, கூடிய விரைவில் படித்து விட வேண்டும், ஏன்னா தீபாவளியன்னைக்கு
அடுத்த புதிய புத்தகம் வெளியாக உள்ளது.
.

எங்கே செல்கிறோம்???

2011-06-03T10:09:00.001+03:00

சமீபத்தில், இங்கே கீழே இணைக்கப்பட்டுள்ள காணொளியை கண்டதிலிருந்து ஏனோ நிரம்ப நாட்களாக தேடிக்கொண்டிருந்த கேள்விக்கு விடை கிடைத்த மாதிரி, உள்ளுக்குள் ஒரு உணர்வு. நீங்களும் கொஞ்சம் பாருங்களேன்.

இந்த செந்தமிழ் என்னும் மனிதர் எவ்வளவு அழகாக உண்மையை பேசுகிறார், முக்கியமாக உண்மையாய் வாழ்கிறார். அவரைப்பார்த்தால் எனக்கு பொறாமையாய் இருக்கிறது. நாமெல்லாம் எங்கே தான் செல்கிறோம் என எனக்கு விளங்கவே இல்லை. நாற்பது வயது வரை பணத்தை தேடி ஓடுகிறோம், நல்ல உடல்நிலையை இழக்கிறோம். அதன் பிறகு சம்பாதித்த பணத்தை வைத்து தொலைத்த நல் உடல்நிலையை, மகிழ்ச்சியை மீட்க முயல்கிறோம். உலகமயமாக்களினால் நிறைய நல்லது பெற்றிருக்கிறோம், இருப்பினும் நாம் இழந்தது தான் நிறைய என எனக்குப்படுகிறது....

எனக்கு இந்த நகர வாழ்க்கை எப்போதும் அந்தளவிற்கு இனித்ததில்லை. இங்கு எல்லா சிற்றின்பங்களும் கிடைக்கிறது தான், ஆனாலும் ஏதோ ஒரு

வெறுமை எப்பொழுதும் கூடவே இருக்கிறது. இன்றளவில் எங்கள் கிராமத்தை விட்டு நான் மிகவும் ஒதுங்கியே இருக்கிறேன் கடந்த இருபது வருடங்களாய்.!! பிடித்தது எது என தெரிந்தும் அதை செய்ய முடியாமல் இருப்பது தான் மிகக்கொடுமை. இன்றளவில் உள்ள மத்திம வயதினர் நிறைய பேர் சந்திக்கும் மிகப்பெரிய சவால் இதுவும் தான்.

சேத்தன் பகத் சமீபத்தில் மிக அழகாய் பேசினார், அதன் இணைப்பு கீழே.

பெரிதாய் படிக்க, படத்தை கிளிக்கவும்

நாம் செய்வது எதுவாய் இருப்பினும் அதில் ஒரு சமநிலை இருக்க வேண்டும், கடுமையாய் முயற்சிக்காமல் அனுபவித்து முயற்சிக்க வேண்டும். நாமெல்லாம் வாழப்பிறந்த மக்கள், இயந்திரங்கள் அல்ல, வாழ்க்கையை அனுபவிக்க வேண்டும். காசு சேர்த்து கடைசியில்

அனுபிவிக்காம எதற்கு செத்து போகணும், கேட்டால் என் மகன், பேரன் நல்லா இருப்பாங்க, அப்படின்னு நிறைய பேர் சொல்வாங்க.
உண்மை என்னன்னு நிறைய நேரங்களில் பார்த்தால், அந்த மகனும்
பேரனும் கூட இதே வசனத்தை பேசிட்டு செத்து போய்டுவாங்க. !!!!

குடும்பம், நண்பர்கள், வேலை, கேளிக்கை, உடல்நலம் என அனைத்திற்கும் சமமான நேரம் ஒதுக்கி வாழ்க்கையை மகிழ்வுடன் அனுபவிக்க
வேண்டும். இதெல்லாம் சொல்றதுக்கு நல்லாத்தான் இருக்கும், செய்து பாக்கறது எவ்வளவு கடினம்னு நீங்க சொல்றது கேக்குது....என்ன செய்ய... இங்க கூட சேம் ப்ளட் தான். ஆனாலும் முயற்சி செய்து பாருங்க....நானும் முயற்சி செய்கிறேன்....!!!
.

நகைச்சுவை - 4 !!!

2011-05-15T16:04:00.000+03:00

சீனு டைம்ஸ்-8

2011-05-11T19:02:00.001+03:00

போஸ்டர்கள், பேனர்கள், சுவர் விளம்பரங்களுக்கு தனிச் சிறப்பு பெற்ற
ஊர் மதுரை. போன தடவை மதுரை போனப்ப நான் கண்கூடா பார்த்து
பிரமிச்சேன். உண்மையைச்சொன்னா, இந்த மாதிரி அடிக்கு ஒரு பேனர் வைக்கறத பார்த்தா ஒரே காமடியா இருந்தது!!!ஒரு நிகழ்ச்சியக்கூட
விடறது இல்லை மதுரை மக்கள்...பாசக்காரங்க....அதுவும் அஞ்சா நெஞ்சருக்கு வைப்பாங்க பாருங்க விதவிதமா பட்டப்பெயர்...சிரிச்சி மாளாது.

சமீபத்தில், போன மாதம் ரஜினி ரசிகர்கள் கொஞ்சம் பேர் அடிச்சாங்க

பாருங்க ஒரு போஸ்டர்....என்னால முடியல.... இதாங்க அந்த போஸ்டர்களில் வர்ற வாசகம், "வெள்ளை மாளிகையைக் கூட ஆளத் தகுதியான தலைவா, நீ தலைமை செயலகத்துக்கு வரத் தயங்குவது ஏன்?"

மக்களே, என்ன எழுதறதுன்னு கொஞ்சம் யோசிச்சி எழுதுங்கப்பா..எதால சிரிக்கருதுன்னே தெரியல...உங்க அளவில்லா பாசத்திற்கும், நகைச்சுவைக்கும் என்னதான் எல்லை? அவரு பாட்டுக்கு ராணா பட டென்ஷன்ல உடம்புக்கு முடியாம ஆஸ்பத்திரியில படுத்துகிட்டு இருக்கார்...அவரைப்போய் உசுப்பேத்திக்கிட்டு...போய் வீட்ல புள்ளகுட்டிங்க இருந்தா ஒழுங்கா படிக்க வைங்க...பொழப்ப பாருங்க !!!

()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()

விக்ரம் நடிப்பில் மே மாதம் ரிலீஸாகவிருக்கும் 'தெய்வத் திருமகன்' படத்தின் பெயரை மாத்தனும்ன்னு ஏதோ ஒரு சங்கம் சொல்லி இருக்காங்க. அதாவது தெய்வத் திருமகன் என்று மறைந்த பசும்பொன் முத்துராமலிங்கத் தேவரை மட்டுமே சொல்லுவாங்களாம். இதுக்கு முன்னாடி திருமகன்னு ஒரு படம் வந்துச்சி...அப்ப எங்க போய் இருந்தாங்க? இப்படியே போனா என்னதான் பேர் வைப்பாங்க?? பேசாம I M VIKRAM னு பேர் வச்சிக்கிலாம், எப்படியும் I M SAM படத்தைதான் உல்டா பண்றாங்க,

அப்படியே தலைப்பும் அதே மாதிரியே வைச்சிட வேண்டியது தான்!!!

எனக்கு ஒரு சந்தேகம், தமிழ்நாட்டில யாருமே முத்துராமலிங்கம், ராஜாஜி,

காமராஜ், அண்ணாதுரை னு பேர் வைச்சிக்கிறது இல்லையா?? கொஞ்ச

நாள் முன்னாடி கூட ராக்கெட் ராஜான்னு ஒரு பாட்டில வருதுன்னு

இன்னொரு கோஷ்டி அளப்பரை செஞ்சாங்க! நம்ம நாட்டில ஏன்தான்

இவ்வளவு உணர்ச்சிவசப்படறாங்கன்னு தெரியல....விருமாண்டி படம் எடுக்கும் போது கமல் அவர்கள் கோபம் பொங்க பேசின காணொளியை

கீழே கண்டு களியுங்கள். ஒரு மனுஷன் எவ்வளவு வெறுப்பாயிருந்தா இப்படி பேசியிருப்பார்??? (பழசுதான்...அட்ஜீஸ்ட் பண்ணிக்கோங்க ப்ளீஸ்...)

()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()

நாளை மறுநாள், அடுத்த ஐந்து ஆண்டுகள் தமிழகத்தை சுரண்டப்போவது
யார் என்று தெரிந்து விடும். இவ்வளவு நாள் கழித்து முடிவுகள் வெளி வருவதால் கொஞ்சம் சூடு குறைந்து தான் போய் உள்ளது என சொல்ல வேண்டும். எல்லாரும் அவங்க அவங்க கணிப்ப சொல்லிட்டாங்க....
நாமளும் எதாவது சொல்லணும் இல்லியா...ஆகையால் என்னோட கணிப்பு(கவனிக்கவும்...கணிப்பு மட்டுமே...அதாவது ஊகம்) கீழே.

1. அ.தி.மு.க கூட்டணி 140 முதல் 150 இடங்கள் பெற்று ஆட்சி அமைக்கும்

2. அ.தி.மு.க, தி.மு.க கூட்டணிக்கு பெரும்பான்மை கிடைக்காமல்,
பா.ம.க அல்லது காங்கிரஸ், யாராவது ஒருவர் அல்லது இருவரும்
அணி மாறி அ.தி.மு.கவிற்கு ஆதரவளித்து ஆட்சி அமையும்.

எப்பூடீ ?? நாங்களும் சொல்வோம் இல்ல !!!!

()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()

கைபேசியும் கவனமும் !!!

2011-04-24T22:27:00.000+03:00

தொலைதொடர்பின் விஞ்ஞான உச்சத்தில், நாம் இருக்கும் இந்த காலக்கட்டத்தில், கைபேசி இல்லாது இருத்தல் என்பது மிகக்கடினமான
ஒன்றுதான். ஆனால் நாம் வாகனம் ஓட்டும் பொழுது கைபேசி
பேசுவது சரியா? என்று யோசித்து பார்க்க வேண்டும். கீழே இருக்கும் காணொளியை பாருங்கள்....

என்ன காணொளியை பார்த்தாகி விட்டதா??? கண நேர கவனச்சிதறல் தான், ஆனால் அந்த சிறிது நேரத்தால் விளையும் விளைவுகள்

அதி பயங்கரமானவை. வாகனத்தை ஓட்டிக்கொண்டே அந்த பெண் யாருக்கோ SMS செய்கிறாள். அந்த சிறிய நேர இடைவெளியில் ஏற்படும் விபத்தினால் அந்தப்பெண் உடன் வரும் அனைவரும் இறக்கின்றனர், அவளுக்கும் மிக பலத்த காயம். இதாவது பரவாயில்லை, கூட வந்தவர்கள் இந்த பெண்ணின் அஜாக்கிரதையால் விபத்துக்குள்ளாகின்றனர்,

ஆனால் எந்த தவறும் செய்யாது அவர் பாதையில் செல்லும் எதிர்

வண்டிக்காரர் இதனால் மரணமடைகிறார், தன் இரு பிஞ்சி குழந்தைகளை அனாதையை விடுத்து. இது எந்த விதத்திலும் நியாயமாகாது. கொடுமையின் உச்சம்.

நாம் செய்யும் தவறு நம்மை, நம் கூட வருபவர்கள் மட்டுமில்லாது, எதிரே வருபவர்கள், மற்றும் அவ்வழியே அவசரமாக பரீட்சைக்கு, வேலைக்கு, என இன்னபிற முக்கிய காரணமாக செல்பவர்கள் என அனைத்து தரப்பினரையும் கண்டிப்பாக பாதிக்கின்றது. இதுவும் ஒரு வகையில் பட்டர்பிளை எபக்ட் தான். யாரோ எங்கோ வாகனம் ஓட்டிக்கொண்டே கைபேசியில் பேசுவதால் ஏற்படும் கவனசிதறலினால்

உண்டாகும் விபத்தானது உருவாக்கும் தாக்கங்கள் மிக கொடியவையாக இருக்கும் பட்சத்தில், நாம் அவ்வளவு முக்கியமாக கைபேசியில் பேசித்தான் அல்லது SMS அனுப்பித்தான் ஆகணுமா?? அவ்வளவு முக்கியம் / அவசரம் / அவசியம் என இருக்கும் பட்சத்தில் வண்டியை ஓரங்கட்டிவிட்டு கதையுங்கள் காது கிழியும் வரை, யாரும் தடுக்கப்போவதில்லை.

ஆகையால் நண்பர்களே, தயவு செய்து வாகனம் ஓட்டும் பொழுது கைபேசி பயன்படுத்தாதீர் !!! இதனால் ஏற்படும் விளைவுகளை ஒரு கணம் யோசியுங்கள் அல்லது மேலே கண்ட காணொளியில் வரும் பிஞ்சு முகத்தை ஒரு கணம் நினைத்து பாருங்கள், நீங்களும் கைபேசியை வாகனம் ஓட்டும்பொழுது பயன்படுத்த மாட்டீர் !!! நாம் எதிர்பார்க்கும் மாற்றம் என்பது நம்மில் முதலில் நிகழ வேண்டும் என் நம்புபவன் நான், ஆகையால் தான் இந்த பழக்கத்தை நான் முதலில் நிறுத்தி விட்டேன். நீங்களும் வாகனம் ஓட்டும் பொழுது கைபேசி பயன்பாட்டை

நிறுத்துவீர்களா?

கோ - நல்லா இருக்குங்"கோ"

2011-04-22T07:59:00.000+03:00

எனக்கு எப்பவுமே ஒரு படம் பார்ப்பது என்றால் துவக்கத்திலிருந்து ஒரே ஒரு சின்ன காட்சிக்கூட தவற விடாம பார்த்தாத்தான் படம் பார்த்த பூரண திருப்தி கிடைக்கும். கோ படம் எந்த தொந்தரவும் இல்லாமல் முழுதாக ரசித்துப்பார்த்தேன். கோ படத்தில் பெயர்கள் போடுவது கூட மிக அழாகாக கையாளப்பட்டுள்ளது, பேர்த்தான போடுறாங்கன்னு தவற விட்டுடாதிங்க.

படத்தின் கதைக்களம் தினப்பத்திரிக்கையும் அரசியலும் தான். இந்த படத்தின் கதையை நான் சொல்ல விரும்பவில்லை, கதை தெரிந்தப்பின் படம் பார்க்கும் திருப்தி சத்தியமாக கிடைக்காது, முக்கியமாக இந்த படத்தை பொறுத்தவரையில். அஷ்வின்(ஜீவா), வசந்தன்(அஜ்மல்), ரேணுகா(கார்த்திகா), சரோ(பியா) ஆகிய இவங்கள சுத்தித்தான் கதை. தினப்பத்திரிக்கையில் புகைப்படம் எடுப்பவராக வருகிறார் ஜீவா. பல வீர தீர செயல் செய்து படம் எடுப்பவராக வருகிறார். கொடுக்கப்பட்ட பத்திரதிர்க்கேற்ப நடிப்பை வழங்கியிருக்கார். இளம் அரசியல்வாதியாக வரும் அஜ்மல் அசத்தலா நடிச்சி இருக்கார். கதாநாயகனுக்கு சமமான பாத்திரம்,

பாடல் காட்சிகள் தவிர்த்து.

ராதா மகள் கார்த்திகாவிற்கு தமிழில் நல்ல அறிமுகம். பொண்ணு நல்லா
நெடுநெடுவென வளர்த்தியா இருக்கு. இந்த அம்மணியின் தெலுங்கு
அறிமுகமான ஜோஷில் எனக்கு பிடிக்கவில்லை, ஆனால இந்த படத்தில் மிக அழகா இருக்காங்க, நன்றாக நடிக்கவும் செஞ்சிருக்காங்க. சரோவாக
வரும் பியா செம துள்ளலான கலக்கல் பாத்திரம். சிறிது நேரங்களே
வந்தாலும் பிரகாஷ்ராஜ் மற்றும் கோட்டா ஸ்ரீநிவாஸ் ராவ் ரெண்டு பேரும்
பின்னி பெடலெடுத்து இருக்காங்க. அனுபவம் என்றால் என்ன என்பதை இவங்க ரெண்டு பேர் நடிப்பை பார்த்தால் நிச்சயம் புரியும். மற்றபடி, போஸ் வெங்கட், ஜெகன், சோனா, சிறகுகள்(அஜ்மல்லின் அரசியல் இயக்கம்) நண்பர்கள், தின அஞ்சல் பத்திரிக்கை அலுவலர்கள் எல்லாரயும் மிக நன்றாக நடிக்க வச்சி இருக்கார் இயக்குனர். நிறைய புதுமுகங்கள் சின்ன சின்ன வேடங்கள் என்றாலும் மிக திறம்பட கையாண்டுள்ளார் இயக்குனர்.

ஹாரிஸின் இசையில் பாடல்கள் எல்லாம் ஏற்கனவே ஹிட்தான்.

குவியமில்லா மற்றும் நெற்றிப்பொட்டில் இன்னும் மனதை விட்டு போக

மறுக்கிறது...எல்லா பாடல்களும் அருமை. படத்தை பாருங்கள், பாடல்கள் எடுத்த விதம் இன்னும் ஒரு படி மேல ரசிக்க வைக்கிறது. ஒளிப்பதிவாளர்

ரிச்சர்ட் எம் நாதன், KV ஆனந்தின் கண்ணாக மிக நேர்த்தியாக உழைத்து

இருக்கார். இவர் ஏற்கனவே அங்காடி தெரு, பாணா காத்தாடி செஞ்சி இருந்தாலும் இந்த படத்தில் இவரின் உழைப்பு பிரமிக்க வைக்கிறது.

பீட்டர் ஹெய்னின் சண்டைக்காட்சி உருவாக்கத்தில் இறுதிக்காட்சியில் வரும் சண்டை மிக துல்லியமாக எடுக்கப்பட்டுள்ளது. கலை இயக்குனர் கிரண் நன்றாக செய்துள்ளார். சின்ன சின்ன காட்சிகளுக்கும் டீடைலிங் அற்புதம். அன்டனி எப்பவும் போல அசத்தல், அக நக பாடல் மற்றும் கல கல பாடல்கள் அழகான எடிட்டிங், எவ்வளவு கட்டிங், எத்தனை பிரேம்ஸ்...

சுபெர்ப்.

கதை, திரைக்கதை KV ஆனந்த் மற்றும் சுபா. வசனங்கள் சுபா, நிறைய

இடங்களில் பத்திரிக்கை உலகத்தின் நுண்ணரசியலை வசனங்களில்

வெளிப்படுத்தி உள்ளனர். படத்தில் ஒரு இடத்தில், முதல்வராக வரும்

பிரகாஷ்ராஜ், பத்திரிக்கை ஆளை பார்த்து பேசும் வசனம் இப்படி போகிறது. "நான் மட்டுமா இலவசம் குடுக்கிறேன், உன் வியாபாரம் ஓட நீ சோப்பு,

சீப்பு, ஷாம்பு குடுக்கலியா?". சமகால அரசியல், ஓட்டுக்கு காசு, நடிகர்கள்

பிரச்சாரம் எல்லாம் உண்டு படத்தில். சோனா ஒரு இடத்தில் பிரச்சார

மேடையில் ஒட்டு கேட்க்கும் போது ஒரு வசனம் வரும் பாருங்க.. ரொம்ப ரொம்ப 10 மச். நமிதா பேசும் மச்சான்ஸ் தமிழும் படத்தில் பகடி செய்யப்பட்டுள்ளது. ஒரு பத்திரிக்கை அலுவலகம் எப்படி இயங்குகிறது என்பதை மிக அழாகாக காட்டப்பட்டுள்ளது, ஆனால்

நிகழ்கால பத்திரிக்கை உலகம், அதாவது கணினி, இன்டர்நெட், Facebook கால யுகம்.

KV Ananth

ஒவ்வொரு காட்சியும் படத்தில் அவ்வளவு அழகு. இயக்குனர்

KV ஆனந்திற்கு சிறப்பு வாழ்த்துக்கள். நிறைய உழைத்து இருப்பார் போல...

ஒரு ஜனரஞ்சக படத்தில் இத்தனை உழைப்பு அருமை. பாடல் காட்சியில் வரும் இடங்கள் எங்கும் பார்த்திராதது. அனால் இயக்குனரின் முந்தைய படமான அயன் கூட இதை ஒப்பிட கூடாது. அது வேறு களம். இது முற்றிலும் வேறு களம். படத்தில் குறைகளும் சில உண்டு...
வெண்பனியே பாடல் துவங்கும் இடம், இரண்டாம் பாதியில் வரும் தொய்வு, சில இடங்களில் வரும் லாஜிக் மீறல்கள், அனால் இவை அனைத்தும் மிக சொற்பமான குறைகளே.

கோ - A visual treat and definitely one time watch on theater only.

நகைச்சுவை - 3 !!!

2011-03-30T19:45:00.000+03:00

அரசியல் நொறுக்ஸ் !!!

2011-03-20T17:25:00.001+03:00

ஒருவழியாக மனம் வெறுத்து அ.தி.மு.க. கூட்டணியிலிருந்து வெளியேறுகிறார் வைகோ. இவ்வளவு அவமானங்கள், அவமதிப்புகள் தேவையா?? வைகோ அவர்கள் மீது பொதுவாக மக்கள் வைத்து இருந்த இமேஜ் எனப்படும் நன்மதிப்புக்கு பெரிய வேட்டு வைத்து விட்டார் அம்மையார். வைகோ அவர்கள் ரொம்ம்மம்ம்ம்ப லேட்டு. இந்தியன் படத்தில கவுண்டர், "இங்க சந்த்ருனு ஒரு மானஸ்தன் இருந்தான், அவனை தேடுறன்னு" சொன்னா மாதிரி தமிழக மக்கள் வைகோவை தேட வைத்து விட்டனர் மஞ்சள் துண்டுக்காரரும், அம்மையாரும். இதே நிலைமை நாளை விஜயகாந்துக்கும் கண்டிப்பாக நேரும். இதை சொல்றதுக்கு ஒன்னும் ஜோசியம்லாம் தேவையில்லை, அம்மையாரின் ஆணவம் உலகறிந்த விஷயம்.... இன்னொரு பெருத்த சந்தேகம்...சீமான், வைகோ அவர்கள் அ.தி.மு.க. கூட்டணியில் இருந்த ஒரு காரணத்துக்காகவும் கண்டிப்பா அ.தி.மு.க. கூட்டணிக்கு ஆதரவுன்னு முடிவு எடுத்து இருப்பார். இப்ப அவர் என்ன செய்வார்??? இடியாப்ப சிக்கல விட பெரும் சிக்கலா இருக்கும் போல.....
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$

ஸ்பெக்ட்ரம் புயலைத்தொடர்ந்து மூன் பிக்சர்ஸ் தயாரிக்கும் படங்கள்.

சொல்லுங்கள் ராசாவே
ஒரு ஊரில் ஒரு ராசா
2G மனிதன்
ராசாக்கனி
கனியிருப்ப ஊழல் கவர்ந்தற்று
சிறையில் சின்ன ராசா
ஆண்டிமுத்து ஆண்டியான கதை

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$

ஆளுங்கட்சியினர் தேர்தல் அறிக்கை ரொம்ப அமர்க்களமா பயங்கர ஆரவாரத்தோட வெளியிட்டார் தமிழக முதல்வர். ஏற்கனவே இலவசங்கள் கொடுத்து மக்களை சோம்பேறி ஆக்கிய பெருமையை தக்க வைத்துக்கொண்டதோடு இல்லமால் இன்னும் மக்களை சோம்பேறி ஆக்குவேன் என்று அற்புதமா ஒரு தேர்தல் அறிக்கை அறிவித்து இருக்கிறார் மாண்புமிகு முதல்வர். மடிக்கணினி, மிக்சி, கிரைண்டர் என இலவசங்கள் ஏராளம். எங்க இருந்து இந்தப்பணம் எல்லாம் வருது? மக்கள் பணத்தை எடுத்து மக்களுக்கே இலவசம் எனக்கொடுக்க எதற்கு அரசு? நலத்திட்டங்கள் எங்கே உள்ளன?? நலத்திட்டங்கள் எழுபது விழுக்காடு எனவும், இலவசத்திட்டங்கள் முப்பது விழுக்காடு என இருந்தால் கொஞ்சமாவது நாடு முன்னேற வாய்ப்புண்டு..அனால் இங்கே நடப்பது உல்டா...பின்ன எப்படி நாடு உருப்படும்?, எப்பவும் போலதான்..."Rich gets Richer....Poor gets Poorer" கதை தொடரும்.

இந்த தேர்தல் அறிக்கைல நிறைய வலியுறுத்துவோம்..பாடுபடுவோம்.. நடவடிக்கை எடுப்போம்..சொல்லி இருக்காங்க. அதாவது இந்த வலியுறுத்துவோம்,பாடுபடுவோம் சங்கதிகள் எல்லாம் கண்துடைப்பு வஸ்துக்கள். நாளைக்கு யாரும் ஒரு கேள்வி கேட்டிட கூடாதில்ல. என்னா ஒரு ராஜதந்திரம்(இந்த வார்த்தைய யாரவது தமிழ் அகராதியிலிருந்து தூக்கிட்டா புண்ணியமா போகும்). எனக்கு வாக்களித்தால் இதெல்லாம் இலவசமா தருவேன் எனசொல்வதும் ஓட்டுக்கு கொடுக்கும் லஞ்சம்தான்... என்ன, தேர்தல் முடிந்த பிறகு தரப்போறாங்க... இது இல்லாமல் தேர்தலுக்கு முன்னாடி வேற ஒவ்வொரு ஓட்டுக்கும் பணம். இந்த ஓட்டுக்கு பணமானது தொகுதியில் நிற்பவரின் நட்சித்திர அந்தஸ்தை பொறுத்து வேறுபடும். சில தொகுதியில் ஒரு ஓட்டுக்கு ரெண்டாயிரம் தரப்போறாங்களாம்....

கூடிய சீக்கிரம் அடுத்தடுத்த தேர்தல்களில் கீழ்காணும் அறிக்கைகள் வரலாம்.....

தொலைக்காட்சியை தொடர்ந்து DVD பிளேயர் இலவசம்...(இளைஞன், உளியின் ஓசை, பெண் சிங்கம் போன்ற டிவிடிக்கள் கூடதல் இலவசம்)
இலவசங்களை போற்றும் வகையில் தமிழ்நாடு எனும் பெயரை இலவசநாடு என மாற்ற மத்திய அரசை வலியுறுத்துவோம்.
வேலை இல்லா பட்டதாரிகளுக்கு மாதம் ஆயிரம் ஊக்கத்தொகை (அ) உதவித்தொகை வழங்கப்படும்(ஒருத்தனும் வேலைக்கு போக மாட்டான்)
மாதத்தின் இரண்டாம் சனிக்கிழமைகளில் வீட்டுக்கு ஒரு குவார்டர்ரோ அல்லது பீரோ மலிவான விலையில் தரப்படும்...சைடு டிஷ் இலவசம்.
டாஸ்மாக்கில் மப்படித்து மல்லாந்தால் ஒரு சொம்பு மோர் இலவசம்

வாழ்க ஜனநாயகம் !!! வளர்க தமிழகம் !!!

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$

ஐந்து புள்ளி யாரோ !!! (5 Point someone)

2011-03-09T20:57:00.000+03:00

3 Idiots படம் பார்த்தப்பவே, இவ்வளவு அருமையான படம், கதை வடிவில் எப்படி இருக்கும் எனப் படிக்க ஆவலாக இருந்தேன். அப்புறம் எப்பவும் போல அதை மறந்தாச்சு. அப்புறம், போன விடுமுறையில் ஊருக்கு போனப்ப 2 States - The Story of My Marriage படித்ததிலிருந்து நானும் சேத்தன் பகத் அவர்களின் விசிறியாகி விட்டேன். அவர் எழுதிய மத்த மூன்று புத்தகங்களையும் வாங்கிட்டு வந்துட்டேன். இப்பத்தான் 5 Point someone - What not to do at IIT என்ற சேத்தன் பகத் எழுதிய முதல் புத்தகத்தை
படித்து முடித்தேன். மிக அருமையான அனுபவம். நாமளே ஐ.ஐ.டி. ல நாலு வருஷம் படிச்சு முடிசாப்பல இருக்கு.

ஹரி, ரியான், அலோக் என்ற மூவரும் ஐ.ஐ.டி. ல படிக்க சேர்வதில் தொடங்கி, எவ்வாறு நண்பர்கள் ஆனார்கள், எப்படி படித்து முடித்தார்கள், பின் வேலைக்கு சேர்ந்து வாழ்கையில் அடுத்து கட்டத்திற்கு செல்வதோடு கதை முடிகிறது. இதன் ஊடே நம் நாட்டில் உள்ள

படிப்பு முறை, காதல், பெற்றோர்களின் வளர்ப்பு முறை, குடும்ப சூழலால் விரும்பும் கலையை செய்ய முடியாது போதல், மாணவர்கள் மனநிலை

எனக்கதை பல்வேறு தளங்களை தன்னுள் அடக்கியுள்ளது. கதையின்

மத்தியில் ஆங்காங்கே முக்கியமான பாத்திரங்கள் தாங்கள்

பேசுவதைப்போல் அத்தியாயங்கள் வைத்திருப்பது அருமையான விஷயம். சேத்தன் பகத் அவர்களின் எழுத்து நடை அமர்க்களமாக, மிக எளிமையா இருக்கு. இந்த புத்தகம் முழுக்க இளமை கொப்பளிக்கிறது.... கல்லூரி களம் வேற...புகுந்து விளையாடி இருக்கார் சேத்தன். இந்த தலைப்பை விட வேற பொருத்தமான தலைப்பு கிடைக்க வாய்ப்பே இல்லை.

இன்னொரு அம்சமான விஷயம் என்னவென்றால், புத்தகத்தின் அட்டை வடிவமைக்கப்பட்டிருக்கும் விதம் மிக அழகா இருக்கு. சின்ன சின்ன டீடைலிங், அந்த சின்ன அட்டையில வியக்க வைக்குது. முன்னுரைல சேத்தன் எல்லாருக்கும் நன்றி சொல்லி இருக்கார்...அதுல பாருங்க.. மைக்ரோசாப்ட் நிறுவனத்துக்கும், பில் கேட்ஸ்க்கும் அவர்களின் கண்டுபிடிப்பான MS - Word க்கும் நன்றி சொல்லி இருக்கார். எத்தனை பேர்க்கு இந்த எண்ணம் வரும். இந்த புத்தகம் சேத்தன் எழுதிய முதல் புத்தகமாம்...சொன்னாத்தான் தெரியுது. புத்தகத்தின் அட்டையில் எழுதியிருக்கும் வாசகம் முற்றிலும் உண்மை. "A Perfect ten - This is 270 pages of pure fun."

Title: Five Point Someone – What not to do at IIT!
Author: Chetan Bhagat

Publisher: Rupa and Co., New Delhi
Language: English
Release Date: January 05, 2004
Price: Rs .95

இந்த புத்தகத்தை பத்தி சொல்கையில் இன்னொரு விஷயமும் சொல்ல விழைகிறேன், த்ரீ இடியட்ஸ் படம் எழுபது சதவிகிதம் இந்தக்கதைதான். ஆனாலும் இதை திரைக்கதை செய்த விதத்தில் தான் எத்தனை
வித்தியாசம். இந்தக்கதையும் எந்த விதத்திலும் குறைந்ததில்லை...
த்ரீ இடியட்ஸ் படமும் (திரைக்கதை -அபிஜத் ஜோஷி, ராஜ்குமார் ஹிரானி,
விது வினோத் சோப்ரா) எந்த விதத்திலும் குறைந்ததில்லை... இரு சாராருமே தங்களின் பணியில் வெற்றி பெற்றிருக்கின்றனர்.
இந்த நேரத்தில் இன்னொரு சோகமும் மனது நினைக்கின்றது...
வாத்தியார் சுஜாதா அவர்களின் கதையை இதுவரை யாருமே சரியாக திரைக்கதை அமைக்காமல் படத்தை பப்படமாக்கிய சோகம் தான்...
வேற என்ன சொல்ல !!!

யுத்தம் செய் !!!

2011-03-01T19:41:00.000+03:00

யுத்தம் செய் படம், போன வாரம்தான் கத்தாரில் வந்தது, நானும் வலையில் இந்த படத்தை பார்க்கக்கூடாதுன்னு உறுதியோடு இருந்து, ஒருவழியா வெள்ளிகிழமை படம் பார்த்தேன்....மிகவும் ரசித்தேன். ரொம்ப நாள் ஆச்சி இந்த மாதிரி ஒரு த்ரில்லர் கதையை எந்தவித ஹீரோயிசமும் இல்லாமல் பார்த்து. படம் துவங்கியதிலிருந்து ஒரு வித அமைதியாகவே கொஞ்சம் கொஞ்சமாய் மெதுவாய் கதைக்குள் இழுத்து செல்லப்படுகிறோம்

JKஎன்ற சிபிசிஐடி அதிகாரியிடம், நகரெங்கும் மக்கள் புழங்கும் இடங்களில்

அட்டைபெட்டியில் கிடத்தி வைக்கபட்டிருக்கும் வெட்டப்பட்ட மனித கைகள் பற்றி துப்பு துலக்க கொடுக்கப்படுகிறது. ஏற்கனவே காணாமல் போன தன் தங்கையை காணாது சோகத்திலும், தன் துறை மீதிருக்கும் வெறுப்பினாலும் JK இந்த கேசை எடுக்க மறுக்கிறார். பின்பு ஒருவழியாக உயரதிகாரி தன் தங்கையின் கேசை மறுபடியும் எடுக்க வாக்குறுதி அளித்தபின், JK அவருக்கு கொடுக்கப்பட்ட ரெண்டு துணை அதிகாரிகளுடன் களத்தில் இறங்குகிறார். பின் மெல்ல மெல்ல ஒவ்வொரு முடிச்சுக்களாய் அவிழ, JK இதை எவ்வாறு துப்பறிகிறார், தன் தங்கையை எப்படி மீட்கிறார் என்பதே கதை.

JK வாக சேரன், ஏற்கனவே சோகமாக இருக்கும் இவர் முகம் இந்த பாத்திரத்திற்கு நன்றாக பொருந்துகிறது. ரொம்ப நல்லா நடித்திருக்கிறார், இன்னும் கொஞ்சம் வசன உச்சரிப்பில் மெனக்கெட்டிருக்கலாம். சிபிசிஐடி அதிகாரி என்றவுடன் பயங்கரமா சண்டை போடுவார், காதல் பண்ணுவார், கெத்து காட்டுவார் என்றெல்லாம் கற்பனை பண்ணாதீங்க. அதுமாதிரி எதுவுமே படத்தில் கிடையாது, உண்மைக்கு மிக அருகே சென்று கதை சொல்ல முயற்சித்திருக்கிறார் இயக்குனர். ஜுதாசாக வரும் ஜெயப்பிரகாஷ், பிணவறை மருத்துவராக வந்து வெளுத்துக்கட்டி இருக்கார். இறுதிக்காட்சியில் அவர் பேசும் பஞ்ச் வசனங்களில் பொறி பறக்கிறது. அடுத்து மிகவும் கவரும் பாத்திரம் லட்சமி ராமகிருஷ்ணன். ரொம்ப அழகா உணர்ச்சிப்பூர்வமா நடிச்சி இருக்காங்க. மத்தபடி, YGM, சேரனின் உதவியதிகாரியாக வரும் பெண், ஆண், செல்வா, மாணிக்கவிநாயகம், யுகேந்திரன், எசக்கிமுத்துவாக வரும் போலிஸ் இன்ன பிறர் எல்லாரையும் நல்லா நடிக்க வச்சி இருக்கார் இயக்குனர்.

இது முழுக்க முழுக்க ஒரு மிஷ்கின் படம் என்பதை கண்கூடாக படத்தில் காண முடிகிறது. நிறைய டாப் ஆங்கிள் காட்சிகள், கால்களைக்காட்டுதல், மஞ்சள் சேலை கட்டின பொண்ணு குத்தாட்டம் ஆடறது..இன்னும் நிறைய. ரொம்ப செதுக்கி செதுக்கி படத்தை மிஷ்கின் எடுத்திருப்பார் போல. ஒளிப்பதிவாளரும், எடிட்டரும் இயக்குனருக்கு பக்கபலமா பக்காவா கலக்கி இருக்காங்க. இசை சில இடங்களில் யாரிவர் என்று கேட்க வைக்கிறது, பல இடங்களில் கதைக்கு தேவையான மௌனத்தை வேட்டு வைத்து விட்டு துறுத்திக்கொண்டு தெரிகிறது. வசனங்கள் மின்னுகிறது படமெங்கும். இந்தளவிற்கு நிஜ வாழ்க்கையில் நடப்பது மாதிரியே படம் எடுப்பது மிகக்கடினம், மிஷ்கின் மாதிரி இயக்குனர்களுக்கே இது சாத்தியம். என்னதான் இறுதிக்காட்சிகள் கொஞ்சம் சினிமாத்தனமாக இருந்தாலும், ஒரு நொடி, விழியோரம் ஒருத்துளி கண்ணீர் நம்மையறியாமல் வரத்தான் செய்கிறது.

இது மாதிரி நிறைய கதைகளை ஆங்கிலப்படதிலோ அல்லது வேற்று மொழிப்படத்திலோ பார்த்திருக்கலாம். எப்படி இருப்பினும் மிஷ்கின் படம் எடுத்த விதத்தை கண்டிப்பாக பாராட்டத்தான் வேண்டும். ஆம், நிறைய இடங்களில் லாஜிக் மீறப்பட்டு இருக்கிறது, தேவை இல்லாமல் குத்துப்பாட்டு வருகிறது, இரண்டாம் பாதி துவக்கத்திலிருந்து கதை ஊகிக்க முடிகின்றது...இன்னும் சில சிறிய குறைகள் இருப்பினும், இது ஒரு வித்தியாசமான படம், கண்டிப்பாய் பார்க்க வேண்டிய படம்.

சீனு டைம்ஸ்-7

2011-02-25T15:22:00.001+03:00

பாண்டிங் அஹமதாபாத்ல நடந்த உலகக்கோப்பை கிரிக்கெட் போட்டியில ரன் அவுட் ஆகிவிட்டாராம்....அதனால கோவத்தில வந்து ஆட்டக்காரர்களின் உடை மாற்றும் அறையில இருக்கிற தொலைக்காட்சி பெட்டிய வந்து உடைச்சிட்டாராம். எப்படி இருக்கு பார்த்திங்களா?? . ஒரு அணியின் தலைவர்...அதுவும் ஆஸ்திரேலியா மாதிரி ஒரு நல்ல அணிக்கு தலைவர் இப்படியா கேவலமா நடந்துக்கிறது? இதாவது பரவாயில்லை...மைதானத்துக்கு வெளியில...எத்தனை முறை மைதானத்துக்குள்ளேயே கேவலமா நடந்திருப்பார்னு கணக்கே இல்லை. எதிரணி ஆட்டக்காரர்கள், நடுவர்கள்னு ஒருத்தரையும் விட்டதில்லை. ஒரு ஆட்டக்காரர் என்றால் ஆட வந்த புதிதில் இது மாதிரி கொஞ்சம் முரட்டுத்தனமா நடந்துப்பாங்க... போகப்போக கொஞ்சம் பக்குவம் வந்த பிறகு ஒழுங்கா நடந்துப்பாங்க, அனால் பாண்டிங் விஷயத்தில் அது இப்ப வரை நடக்கவே இல்லை. இன்னும் கொஞ்ச நாளில் எப்படியும் ஓய்வு பெறத்தான் போறார். கடைசி வரை திருந்தாத, மாறாத ஆளாகவே இருந்திட்டார். ஓய்வு பெற்ற பிறகு கொஞ்சம் பின்னோக்கி பார்த்தால் நல்ல நினைவுகள் எதுவும் கண்டிப்பாக இருக்காது. எவ்வளவு பேட்டிங் சாதனைகள், வெற்றிகள் இருந்தாலும் ஒழுக்கம் இல்லை என்பதுதான் நிதர்சனமான உண்மை.
****************************************************************************************************

சமீபத்தில் என்னை மிகவும் கவர்ந்த கவிஞர், மதன் கார்க்கி. இளம் கவிஞர்களில் தாமரை மற்றும் நா.முத்துக்குமாருக்கு அப்புறம் இவரை ரொம்ப பிடித்திருக்கு. ரொம்ப இளமையா, புதுசு புதுசான வார்த்தை பிரயோகங்கள் கவர்ந்திழுக்குது. இப்ப கூட கோ படத்தில ஒரு பாட்டில் வர்ற வரிகள் அப்படியே மண்டைக்குள்ள ஓடிகிட்டே இருக்கு. ஹாரிசோட மெலடி இசை வேறு கூட்டணி.

"ஏனோ

குவியமில்லா...

குவியமில்லா ஒரு காட்சிப் பேழை!"

"நிழலை திருடும்

மழலை நானோ?"

இன்னொரு பாட்டில் இந்த வரிகள்...

"மாற்றம் தேடியே - தினமொரு

நேற்றைத் தோற்கிறோம்

வேற்றுப் பாதையில் - பூமி

சுற்றப் பார்க்கிறோம்"

மதன் கார்க்கி சினிமாத்துறை மட்டுமல்லாது தான் சார்ந்த துறைகளில் மிகவும் பேசப்படுவார் என நினைக்கிறேன். காலந்தான் பதில் சொல்லவேண்டும்.....பார்ப்போம்

****************************************************************************************************

சென்ற வாரம் பின்னணி பாடகர் மற்றும் நடிகர் மலேசியா வாசுதேவன் அவர்களின் மரணம் மிகவும் வருந்த வைத்து. எத்தனை பாடல்கள் மிக அழகாக பாடி இருக்கார்...தவிரவும் நல்ல நடிகர். அவருடைய குரல் போல யாராலும் அவ்வளவு எளிதில் பாடிவிட முடியாது, தனித்தன்மை கொண்டது.

கடைசி காலத்தில் உடல் நலக்குறைவால் மிகவும் கஷ்டப்பட்டு இருந்தார். தவிரவும் பழைய சினிமா நண்பர்கள் யாரும் வந்து நலம் விசாரிக்கவில்லை என்று ஏதோ ஒரு வாரப்பத்திரிக்கையில் வருந்தியிருந்தார்.

அவர் பாடியதில் எனக்கு மிகவும் பிடித்தது.

கோடைக்கால காற்றே - பன்னீர் புஷ்பங்கள்
பூவே இளையே பூவே - கோழி கூவுது
மனிதன் மனிதன் எவன்தான் - மனிதன்
ஆசை நூறு வகை - அடுத்த வாரிசு
பொதுவாக என் மனசு தங்கம் - முரட்டுக்காளை
இந்த மின்மினிக்கு கண்ணில் ஒரு - சிகப்பு ரோஜாக்கள்
வா வா வசந்தமே - புது கவிதை
சொந்தங்களே சுற்றங்களே - அடுத்தாத்து ஆல்பர்ட்
பூங்காற்று திரும்புமா - முதல் மரியாதை
கட்டி வச்சிக்கோ இந்த அன்பு மனசை - என் ஜீவன் பாடுது
மோனலிசா மோனலிசா - MR ரோமியோ
தென்கிழக்கு சீமையிலே - கிழக்கு சீமையிலே

அவர் நடித்ததில் எனக்கு மிகவும் பிடித்தது

பாலைவன ரோஜாக்கள்
ஒரு கைதியின் டைரி
கொக்கி
திருடா திருடா
கதாநாயகன்
ஊர்க்காவலன்

அவர் ஆத்மா சாந்தி அடையட்டும்.

****************************************************************************************************

"வாழ்க்கை என்பது இருளிலிருந்து புறப்பட்ட அம்பு போல....

கொஞ்ச நேரம் வெளிச்சத்தை வேகமா கடந்து,

மறுபடியும் இருளில் சென்று முடியும்."

சொல்ல வர்ற கருத்து என்னன்னா, இருக்கிற கொஞ்ச காலம் சந்தோஷமா ஓட்டுவோம்.

****************************************************************************************************

சரக்கதிகாரம் !!!

2011-02-23T19:14:00.001+03:00

போன வாரக்கடைசியில் நண்பனோடு சைடு-டிஷ் வாங்கும் போது, "ஏங்க பெப்ஸி வாங்காம, 7 அப் வாங்கரீங்கன்னு நண்பன் கேட்டான்...அப்ப சட்டுன்னு ஒரு ரெண்டு லைனர் சொன்னேன்....கூட இருந்த எல்லாரும் அதைக்கேட்டு சிரிச்சாங்க...எனக்கே கூட அது பிடிச்சு இருந்தது....அந்த ஐடியாவ அப்படியே மெருகேற்றி, மல்லாக்க படுத்து, கவுந்து படுத்து பல விதமா யோசிச்சி ஒரு பத்து ரெண்டு லைனர்ஸ் உருவாக்கியாச்சு. நல்லா இருந்தா பாராட்டுங்க...நல்லா இல்லன்னாலும் பாராட்டுங்க !!!

Disclaimer : இதுக்கும் திருக்குறளுக்கும் எந்த சம்பந்தமும் இல்ல...அப்படியே சம்பந்தம் இருக்கறதா நீங்க நினைச்சா, இது நகைச்சுவைக்காக மட்டும் என படிச்சிட்டு மறந்துடுங்க .

அடிப்பது ஜின்னென்று முடிவானபின் 7 அப்
சேர்த்தடிப்பது சாலச்சிறந்தது

பீர் குடித்து வாழ்வோரே மேன்மக்கள் இன்னபிறர்
பீர் பயன் தெரியார்

சளி பிடித்த நெஞ்சை சீர்செய்ய ரம்மடிக்க
கொஞ்சம் மிளகு கலந்தடிக்க

குடிக்க விஸ்கியிருக்க மற்றவை குடிப்பது
கனியிருக்க காய் கவர்ந்தற்று

வையத்துள் வாழ்பவர் வோட்கா அடிக்காது
வாழ்வது புகழ் இல்

பிராந்தியினால் அடித்த மப்பை போக்க

ஒரு டம்ளர் மோரடிக்க

காபி இனிது டீ இனிது என்பார்
ஒய்னடித்து பாரார்

டக்கீலா அடிக்காதார் ஷகீலா பார்க்காதார்
இருந்தென்ன பயன்

ரெண்டு மூணு ரவுண்டு போனபின்னும் ஆடாமலிருக்க
அடிக்க நல்ல ஸ்காட்ச் அடிக்க

சைட்-டிஷ் இல்லாது சரக்கடிப்பது நன்றன்று
கொஞ்சம்போல ஊறுகாவேனும் நன்று
.

நகைச்சுவை - 2 !!!

2011-02-16T21:15:00.000+03:00

சீனு டைம்ஸ்-6

2011-01-26T05:32:00.000+03:00

காவலன் படம் இங்க கத்தாரில ஒரு வாரம் கழிச்சுத்தான் வந்துச்சி......கடைசியா வந்த விஜய் படம், சுறா பார்க்க தைரியம் இல்லாததால் பார்க்கவில்லை. ஆனால் காவலன் படம் வெளியிட, இந்த அளவிற்கு எல்லாம் நிதிகளும் பிரச்சினை செய்வதைப்பார்த்து எப்படி இருந்தாலும் காவலன் பார்த்தே தீருவது என முடிவு செய்து, போன சனிக்கிழமை பார்த்தாச்சு. படம் ஒரு மாதிரி நல்லாத்தான் இருக்கு. விஜய் அழகா இருக்கார்...மெலிஞ்சி இருக்கார். சில காட்சியில நல்லாவும் நடிச்சி இருக்கார். விஜய், அந்த பிரவுன் நிற விக் ரொம்ப காசு கொடுத்து வாங்கிட்டார் போல...எல்லா படத்திலயும் ஒரு பாட்டுக்கு அந்த விக்க வைச்சிக்கிட்டு வந்து கொல்றார்.(ஒருவேளை திருஷ்டிக்கோ?) அசின் சகிக்கலை, எனக்கு கொஞ்சம் கூட பிடிக்கலை. வடிவேலு நாட் தி பெஸ்ட்...பட் ஓகே! நீபா....எப்பா எப்பா எப்பப்பா.. கண்ணுக்கு நிறைஞ்சி இருக்காங்க !!!. வித்யாசாகர் பாட்டுல ஒன்னு தவிர எதுவும் பிடிக்கலை. இசை பெரிய சொதப்பல். வேற ஒன்னும் பெரிசா சொல்ற மாதிரி இல்லை. சராசரி படம்.
^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^
வர வர, யாராவது சினிமாவில வள வளன்னு கைபேசில பேசிக்கிட்டே வர மாதிரி காட்சிகள் பார்த்தா வெறுப்பா இருக்கு..மன்மதன் அம்பு போதையே தெளியல.... மறுபடியும் இப்ப வந்த காவலன்லையும் எப்பபார்த்தாலும் கைபேசில பேசிகிட்டே இருக்காங்க. இயக்குனர்களே...தயவு செய்து மாத்தி யோசிங்க ப்ளீஸ் !!! நிஜ வாழ்க்கைல கைபேசியின் பயன்பாடு மிக அதிகமாகி விட்ட இந்த காலத்தில், திரையிலும் தொடர்ந்து கைபேசி வருவதை பார்த்தால் ஒருவித அயர்ச்சி ஏற்படுகின்றது.
^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^
நம்ம ஊரில் தொடர்ந்து பெட்ரோல் விலை ஏறுவதை கத்தார் நாட்டு அமைச்சரும் பார்த்துகிட்டே இருந்து இருப்பார் போல....இங்கயும் பெட்ரோல், டீசல், மண்ணெண்ணெய் விலையேத்திட்டாங்க. என்ன வித்தியாசம் என்றால், நம்ம ஊர் மாதிரி எட்டு மாசத்தில் பத்து தடவை விலை ஏற்றவில்லை.. இங்க கடைசியா விலை ஏறியது நான்கு அல்லது ஐந்து வருடங்களுக்கு முன் என ஞாபகம். கத்தார் நாட்டு காசு மதிப்பிற்கு, இப்பதான் லிட்டர்க்கு ஒரு ரியால் வந்து இருக்கு, இது நாள் வரை ௦0.80 ௦ ரியால் தான் இருந்தது. இந்த விலை ஏற்றத்திற்கு பிறகும் அரபு நாடுகள் மத்தியில் ஓரளவிற்கு இந்த விலை குறைவே. இந்த ஊர்க்காரங்க இதையே பெரிய விலை ஏற்றம்னு பேசிக்கிறாங்க.. என்ன கொடும கோவிந்தா?? இதற்கு எல்லாம் அடிநாதம் இங்கே எண்ணெய் வளம் உண்டு.... நம்ம ஊர்லயும் எண்ணெய் வளம் வரட்டும்... அப்புறம் பாப்போம்.!!! நாமளும் மத்த நாட்டு ஆட்களுக்கு விசாவை நிறுத்தி கொடுப்போம்....(கனவு காணுங்கள் நண்பர்களே...அதுக்குதான் செலவு ஒண்ணும் இல்லையே)
^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^

தீபாவளி விடுமுறையப்ப வாத்தியார் சுஜாதா எழுதிய காந்தளூர் வசந்தகுமாரன் கதை என்ற சரித்திர நாவல் படித்தேன். ராஜ ராஜ சோழன், தஞ்சை பெரிய கோயில் கட்டும் நேரத்தில் கதை நடப்பதாக சித்தரித்துள்ளார். கதையின் பிரதான பாத்திரங்கள் வசந்தகுமாரன்(வசந்த்), கணேச பட்டர்(கணேஷ்) மற்றும் அபிமதி. அரசனை பற்றி கதை சொல்லாமல், வசந்தகுமாரன் என்னும் வாணிபம் செய்யும் இளைஞனை வைத்து கதை சொல்வது அழகு. நிறைய சோழர் ஆட்சிக்காலத்தில் பயன்படுத்தப்பட்ட தமிழ் வார்த்தைகளை சுஜாதா கையாண்டுள்ளார்.(நல்லவேளை எல்லாவற்றிற்கும் விளக்கமும் கொடுத்துள்ளார்...இல்லையென்றால் "ங்கே" என முழிக்க வேண்டியது தான்). எப்பவும் போல, பல சரித்திர குறிப்புகளை ஆராய்ந்து...மற்றும் சோழர் காலத்து வரலாற்றை சொல்லும் பல முக்கியமான புத்தகங்கள் படித்துத்தான் இந்த நாவலை நம்பும் நடையில் எழுதி உள்ளார். பொறாமை, சதி, போர், ஒற்று ஆய்தல், ராஜதந்திரம், காதல், காமம், மக்கள் கலகம், பெரிய கோயில் கட்டுவதில் சில மக்களுக்கு இருந்த அதிருப்தி, ராஜேந்திர சோழனின் ஆரம்ப வரலாறு என எல்லாத்தையும் கலந்துக்கட்டி மிக விறுவிறுப்பா எழுதி இருக்கார் வாத்தியார். கண்டிப்பா படிக்கலாம்.

காந்தளூர் வசந்தகுமாரன் கதை
சுஜாதா
உயிர்மை பதிப்பகம்.
விலை Rs.130
^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^

ஆடுகளம் - துரோகத்தின் அழகியல் !!!

2011-01-21T09:07:00.000+03:00

ஆடுகளம் - எல்லாரையும் முன்னணியில் ஆடுகளத்தில் ஆட விட்டு பின்னாடி இருந்து அடிச்சி ஆடி இருக்கார் இயக்குனர் வெற்றிமாறன். பாலு மகேந்திரா அவர்கள் தைரியமாக மார் தட்டி சொல்லி கொள்ளலாம்... வெற்றிமாறன் தனது சிஷ்யன் என...!

எல்லா மனிதருக்குள்ளேயும் ஒரு நல்லவன், ஒரு கெட்டவன் இருப்பான்... சமயதிற்க்கேற்ப இருவரில் ஒருவன் வெளிப்படுவான். ஆடுகளத்தின் ஒன் லைனர் இதுதான். சேவல் சண்டையில் முதன்மையான ஆளாக கொடி கட்டி பறக்கும் பேட்டைக்காரன், அவருடைய சிஷ்யன் கருப்பு ஒரு கட்டத்தில் அவரை விட பணத்தாலும் புகழாலும் வளருவதைக்கண்டு மனம் ஓம்பாமல், கருப்புக்கு எதிராக சதிச்செயல்கள் செய்ய...முடிவு என்னவாகிறது என்பதே படம். இதை கருப்பின் காதல், தாய்ப்பாசம், நட்பு, பேட்டைகாரனின் துரோகம் ஊடே கதை சொல்லி இருக்கார் இயக்குனர் வெற்றிமாறன். ஈகோ / துரோக எண்ணங்கள் மனிதனை என்னவெல்லாம் செய்யும் என பிரமாதமாக காட்டி இருக்கார் இயக்குனர். இது மாதிரி கதைக்களன் மற்றும் திரைகதைக்காக இயக்குனருக்கு ஸ்பெஷல் பூங்கொத்து !

தனுஷ்க்கு இந்த கருப்பு பாத்திரம் ஒரு திருப்புமுனை தான். தனுஷை விட இந்த கருப்பு பாத்திரத்திற்கு யாரும் நியாயம் செய்து விட முடியாது என அடித்து சொல்லலாம். யாத்தே யாத்தே பாடல் துவக்கத்தில் தனுஷ் ஆடத்துவங்கும் போது நமக்கு ஆடத்தோன்றும்...., I m Love you என்று தப்சியிடம் சொல்லும் போது நமக்கும் சொல்லத்தோணும். ஒத்த சொல்லாலா பாட்டு துவங்கும் போது ஒரு சிரிப்பு இருக்கும் பாருங்க... வாவ்...!!! கடைசியில் தனது குருதான் அனைத்துக்கும் காரணம் எனத்தெரிந்து அவரிடம் என்னை கொன்னுடுங்க என்று உருகும் இடத்தில அசத்தல். பேட்டைக்கரனாக நடித்திருக்கும் ஜெயபாலன் படம் முழுக்க வாழ்ந்து இருக்கார் என சொல்லலாம். அந்த வயதிற்கேற்ப தான் தான் குரு, தான் சொல்வது தான் அனைவரும் கேட்கணும் என நினைப்பதும், கருப்பு அதை மீறி ஜெய்க்கும் போது வரும் பொறாமையாகட்டும், இறுதிக்காட்சியில் கருப்புக்கு எல்லா உண்மையும் தெரிந்த பிறகு காட்டும் முகபாவனையகட்டும் மனிதர் அனாயசமாக செய்து இருக்கார். (சுவாதி கிரணம்(இயக்கம்-கே.விஸ்வநாத்) என்ற ஒரு தெலுங்கு படத்தில் மம்மூட்டி இதே மாதிரி தனது சிஷ்யன் தன்னை மீறி வளருவதை பிடிக்காது அந்த பொறாமை பிடித்த பாத்திரத்தை கச்சிதமாக செய்து இருப்பார்). ராதாரவியின் குரல் இந்த பாத்திரத்திற்கு மிக அருமையா பொருந்தி இருக்கு.

துரையாக கிஷோர் ஓவர் அக்டிங், அண்டர் அக்டிங்லாம் இல்லாம என்ன சரியா தேவையோ, அதை மட்டும் செஞ்சி இருக்கார். பார் நடத்தும் பாத்திரத்திற்கு நூறு சதவிகிதம் பொருந்தி இருக்கார். பேட்டைக்காரனின் இளம் மனைவியாக வரும் மீனாள் பாவப்பட்ட கதாபாத்திரம்...அழகா நடிச்சி இருக்காங்க. தப்ஸி பண்ணு(BUN இல்லைங்கோ ...Pannu) ஆங்கிலோ இந்தியனா வராங்க. பரவா இல்லை...நல்லா நடிச்சு இருக்காங்க..முக்கியமா பேட்டைக்காரன் கருப்பு பத்தி தவறாக சொல்லும் போது, அப்புறம், உன்ன விட்டு நான் எங்கேயும் போக மாட்டேன்னு கருப்பு பார்த்து சொல்லும் போது. காக் உட்டிங்க்னு(சேவல் விடறது) கருப்பு பாட்டிகிட்ட சொல்லும் போது தப்ஸி கிட்ட இருந்து ஒரு முகபாவனை வரும் பாருங்க...சுபெர்ப். ஊளையாக வரும் கருப்பின் நண்பர் அழகு பாத்திரம். நிறைவா செஞ்சி இருக்கார். படத்தின் முக்கிய வெற்றி..எல்லா பாத்திரமும் ரொம்ப இயல்பாக வைத்து இருப்பதுதான். ரத்தினமாக வரும் அந்த போலீஸ் கதாபாத்திரம் பின்னி இருக்கார். ஒவ்வொரு முறை தோல்வியில் மருகும் போதும், அவங்க அம்மா பொலம்பும் போது ஆற்றாமையால் கோபம் கொள்வதும், மொட்டை போட்டுக்கொண்ட பிறகு பேசும் வசனமாகட்டும், அழகான நடிப்பு.

வேல்ராஜின் ஒளிப்பதிவு அழகு...முக்கியமா பாடல் காட்சிகளில்....க்ளோஸ் அப் காட்சிகளில். சண்டை காட்சிகள் கொஞ்சம் நம்பும்படி உள்ளது. GV.பிரகாஷ் இசையில் பாடல்கள் ஏற்கனவே ஹிட்தான், படம் பார்த்த பிறகு இன்னும் பெரிய ஆளவில் பேசப்படுகிறது... பின்னணி இசையும் ரொம்ப நல்லா இருக்கு. கிராபிக்ஸ்ல செய்ய பட்டிருக்கும் சேவல் சண்டை, ரொம்ப நல்லா செஞ்சி இருக்காங்க.

வெற்றிமாறன்

எல்லாப்புகழும் இறைவனுக்கே என்பது போல....எல்லாப்பெருமையும் இயக்குனர் வெற்றிமாறனுக்கே...சின்ன சின்னதா விஷயமாக இருந்தாலும்..பார்த்து பார்த்து செஞ்சி இருக்கார். மனித உணர்வுகளை ரொம்ப துல்லியமாக படம் எடுத்து இருக்கார். இயக்குனரின் உழைப்பு பிரமிக்க வைக்கிறது. இவர் இன்னும் நிறைய, இது மாதிரி மனித உணர்வுகளைக்கொண்டு மிக அழகாக படம் எடுக்க வாழ்த்துக்கள்.
பொல்லாதவன் - Commercial Class, ஆடுகளம் - ALL TIME CLASS
.

இந்தியாவும் ஆசியா கால்பந்து கோப்பை கனவும் !!!

2011-01-17T23:28:00.000+03:00

ஆசிய கோப்பை கால்பந்து கத்தாரில்(ஜனவரி 7-29) நடந்து கொண்டு இருக்கிறது. AFC எனப்படுவது ஆசிய கால்பந்து குழுமம். ஆசியக்கோப்பையை வெல்லும் அணியானது உலகக்கோப்பை கால்பந்துக்கு(FIFA) நேராக தகுதி பெறுகின்றது. 1956 இல் இருந்து இந்த ஆசியக்கோப்பை கால்பந்து போட்டிகள் நான்கு வருடத்திற்கு ஒருமுறை நடக்கின்றது. ஆசியாவை பொறுத்த வரை தென் கொரியா, ஈரான், ஜப்பான் மற்றும் சவுதி அரேபியா பலமிக்க அணிகள். உலகத்தர வரிசையில் 138 வது இடத்தில இருக்கும் நமது நாடு இது வரை மூன்று முறை தான் ஆசிய கோப்பைக்கு தகுதி பெற்று இருக்கிறது.(1964, 1984, 2011). இந்தியாவின் அதிக பட்ச இடம் 1964 இல் இரண்டாம் இடத்தை பிடித்தது தான். 1984 மற்றும் 2011 இல் முதல் சுற்றிலேயே வெளியேறி விட்டனர்.

ஜனாதிபதியுடன் இந்திய அணி

இந்த தடவை இந்திய அணி ஒரு வழியா ரொம்ப கஷ்டப்பட்டு ஆசியா கோப்பையில் விளையாட தகுதி பெற்றனர். கத்தாரில் நடப்பதால் நாமளும் போய் நம்ம அணிக்கு உற்சாகம் கொடுப்போம்னு இந்தியாவிற்கும் பஹ்ரைனுக்குமான போட்டிக்கு ஒரு மூணு வாரம் முன்னாடியே பதிவு பண்ணி வச்சி ஆச்சு. போட்டிகளும் ஜனவரி ஏழாம் தேதியிலிருந்து தொடங்கியது. இந்தியாவிற்கு இது இரண்டாவது போட்டி. முதல் போட்டியில் ஆஸ்திரேலியா அணியிடம் 4-0 என தோற்று இருந்தனர். நல்லவேளை, நம்ம கோல்கீப்பர் ரொம்ப நல்லா பந்தை பிடிச்சார்..இல்லன்னா ஒரு 8-0, 10-0 ன்னு தோத்து இருப்போம்.

பதினான்காம் தேதி போட்டியன்று நண்பர்கள் குழுவோடு இந்தியக்கொடி எல்லாம் வாங்கிகிட்டு அமர்க்களமா உள்ள போய் சீட்ட தேடி நம்ம சீட்ட பார்க் பண்ணியாச்சு. இந்தியாவின் முக்கியமான நம்பிக்கை நட்சத்திரம் பைச்சிங் பூடியா வேற காயம் காரணமா ஆடலைன்னு முதல்லையே சொல்லிட்டாங்க. அன்னிக்கு விளையாட்டு அரங்கத்தில் மக்கள் எண்ணிக்கை 11,000(approx). இதில் இந்தியாவிற்க்கான ஆட்கள் மட்டும் ஒரு பத்தாயிரம் பேர் இருந்தனர். ஆட்டம் தொடங்கிய மிகக்குறைந்த நேரத்திலேய பஹ்ரைன் அணியினர் முதல் கோலை பெனால்டி வாய்ப்பு மூலம் அடித்தனர். அடுத்த கொஞ்ச நேரத்தில் இந்தியாவிற்கு கிடைத்த கார்னர் ஷாட்டை அற்புதமாக கோல் அடித்து சமன் செய்தனர். அந்த கோல் அடித்த வினாடியில் அரங்கில் கிளம்பிய சத்தம் அடங்க ஒரு மூன்று நிமிடம் ஆனது. அதற்க்கு அப்புறம் பஹ்ரைன் தொடர்ந்து கோல் மழை பொழிந்து கொண்டு இருந்தனர். ஒரு வழியாக முதல் பாதி முடியும் போது 4-1 என்று இருந்தது.

எங்களோடு போட்டி காண வந்த நண்பர் வேலூர் மாவட்ட கால்பந்து அணியின் தலைவராக இருந்தவர். நாம் மக்கள் ஆடும் அழகை பார்த்து கோவத்தின் உச்சியில் இருந்தார். வாங்க சீனு, நம்ம அவங்க ஜெர்சி போட்டுக்கிட்டு களத்தில் இறங்குவோம் எனக்கேட்டு கொண்டே இருந்தார். நானும் பள்ளி மற்றும் கல்லூரி காலத்தில் கால்பந்து ஆடி இருக்கேன்.(கல்லூரிக்குள் நடந்த முக்கியமான போட்டிகளில் பெனால்டி ஷாட் கூட கோலாக்க முடியாமல் நண்பர்களிடம் மானம் கெட்டது தனிக்கதை). நிற்க. இரண்டாம் பகுதி தொடங்கியது...நமது அணியினர் மிக ஆக்ரோஷமாக ஒரு பத்து நிமிடம் விளையாடினர்.இதன் விளைவாக இன்னொமொரு கோல் அடித்தனர். அந்த கோலும் அடிப்பதற்குள் நாக்கு தள்ளி போய்ட்டாங்கான்னு தான் சொல்லணும்.(மூணாவது attempt la தான் அந்த பந்து உள்ளவே போய் தொலைச்சுச்சு) பஹ்ரைன் சும்மா இருப்பாங்களா என்னா, அவங்க பங்குக்கு இன்னொமொரு கோல் அடித்தனர். ஒரு வழியாக 5 - 2 என ஆட்டம் முடிந்தது. எங்களுக்கு இந்தியா தோத்து போயிடுச்சேன்னு சின்ன வருத்தம் இருந்தாலும், கில்லி மாதிரி ரெண்டு கோல் அடிச்சதே பெரிய சந்தோஷம். (இந்தியா கோல் அடிக்கும்னு அது வரை யாரும் நம்பவே இல்லை, ஏன்னா , ஆசியா கோப்பை போட்டிகளுக்கு முன் நடந்த நட்பு போட்டிகளில், நம்ம அணி ஒரு போட்டி கூட ஜெயிக்கவில்லை, முக்கியமா ஒரு கோலும் அடிக்கவும் இல்லை)

போஸ் குடுக்கற அவசரத்தில் கொடிய வேற தலை கீழாக பிடிச்சி இருக்கேன்
(பாரதத்தாயே மன்னிச்சிடும்மா !!)

இந்திய அணி ஏன் இப்படி கேவலமா தோக்கறாங்க...எதுக்கு இவங்க எல்லாம் விளையாட வர்றாங்க, எங்க அணியை பார் எப்படி விளையாடறாங்க என என்னோட பாஸ்(கத்தாரி) கேட்டார்? இந்தியா அணி எப்படி விளையாடினாலும், நம்ம எப்படி இந்தியாவ விட்டு கொடுக்கறது? நான் அவருக்கு மற்றும் இதே மாதிரி கேள்வி கேக்கிற எல்லாருக்கும் சொல்ற, சொல்லிக்கிற பதில் இது தான்...இந்திய கால்பந்து அணி ஒரு வளரும் அணி...கொஞ்சம் கொஞ்சமாக வளர்ந்து வருகிறது. நாங்க தகுதி பெற்றதே பெரிய விஷயம் தான். அதுவும் ரெண்டு கோல் வேற போட்டு இருக்கும். எல்லா விரலும் ஒரே மாதிரி இருப்பதில்லை... உங்களுக்கு கால்பந்து வரும் என்றால் எங்களுக்கு கிரிக்கெட் வரும். இன்னும் சொல்ல போனால் நாங்க கிரிக்கெட்டில் நம்பர் ஒன் அணி, நீங்க(கத்தார், பஹ்ரைன், குவைத், சவுதி, ஈரான், ஈராக், சிரியா, ஜோர்டான்) கால்பந்தில் என்ன நம்பர் ஒன் அணியா? நாங்க கிரிக்கெட்ல உலகக்கோப்பை ஜெய்ச்சி இருக்கோம்... நீங்க முதல்ல கால்பந்து உலகக்கோப்பைக்கு தகுதி பெறுவதே கேள்வி!!! அப்புறம் எதுக்கு ஓவர் பேச்சு....போங்கப்பு...போய் பொழப்ப பாருங்க !!!
.

சீனு டைம்ஸ்-5

2011-01-12T22:41:00.000+03:00

கத்தாரில் இந்த வருஷ துவக்கத்தில் தோகா ஓபன் டென்னிஸ் போட்டிகள் எப்பொழுதும் போல கலை கட்டியது. ATP தரவரிசையில் உள்ள முக்கியமான முதல் தர ஆட்டக்காரர்கள் பங்கு பெற, சிறப்பாக, போன சனியன்று முடிவடைந்தது. முன்பெல்லாம் இந்த போட்டிகளை காண அவ்வளவு கூட்டம் வந்ததில்லை. கடந்த இரண்டு வருடங்களாக அரங்கம் நிரம்பி வழிகிறது.(அரை இறுதி மற்றும் இறுதி ஆட்டங்களில்) அரங்கத்தின் தரமும் ரொம்பவே முன்னேறி விட்டது. மிக அருமையாக நடத்துகின்றனர். இறுதி ஆட்டதுக்கு சென்ற அனைவருக்கும் குளிருக்கு அடக்கமாக, இலவசமாக ஜெர்கின் எல்லாம் கொடுத்து அசத்திட்டாங்க.
வருடா வருடம், நான் எதாவது ஒரு நாள் மட்டும் செல்வேன், இந்த வருடம் மூன்று நாள்(இரண்டாம் சுற்று, அரை இறுதி மற்றும் இறுதி) சென்று கண்டுகளித்தேன்.

தோகா கலிபா டென்னிஸ் விளையாட்டு அரங்கம்

இறுதி ஆட்டத்தில் ரோஜர் பெடரர் வென்றதை கண்டது ஒரு அழகிய அனுபவம். தோகாவில் அவர் இதை வெல்வது மூன்றாவது முறை. இறுதி ஆட்டத்தில் பெடரர் ஒரு வாய்ப்பு கூட எதிரில் ஆடிய ரஷிய ஆட்டக்காரரான டேவிடோன்கோவிற்கு கொடுக்கவில்லை. இது நாள் வரை பல இறுதி ஆட்டங்களை பெடரர் வெல்ல தொலைக்காட்சியில் பார்த்ததுண்டு, நேரில் பார்க்கும் அனுபவும் மிக அலாதியான ஒன்று தான். அதுவும் பெடரர் தனது முழு வீச்சில் ஆடுவதை காணும் போது...அது ஒரு மாய அனுபவம் தான். ஸ்டெபி க்ராப்க்கு அப்புறம் நான் இவர் ஜெயித்தாக வேண்டும் என நினைப்பது பெடரற்கு மட்டுமே. பார்ப்போம் ஆஸ்திரேலியன் ஒபென்னில் வெல்வாரா என??

பெடரர்க்கு நடுவே நான் !!! (ஒரு விளமபரம் @#@$@$)

அரை இறுதி ஆட்டத்தை காண சென்ற போது எங்களுக்கு முன் வரிசையில் அழகிய ஐரோப்பா பெண்மணிகள் அபாரமான வளைவு நெளிவிகளோடு அம்சமா இருந்தாங்க...ஆட்டத்தை பார்க்க விடாமல் முடிந்த அளவிற்கு மூடினாங்க... சாரி....காட்னாங்க. இது மாதிரி காட்சிகள் பார்க்கவே கூட்டம் வருவது தனிக்கதை.
*******************************************************************************************************
புத்தகக்கண்காட்சி சென்னையில் நடந்து கொண்டு இருக்கின்றது. இங்கே மத்தியகிழக்கு நாடுகளில் வசிக்கும் எங்களைப்போன்ற ஆட்களுக்கு போக முடியவில்லையே என மனம் துடிக்குது. ஒவ்வொரு வருடமும் பொங்கல் சமயத்தில் விடுமுறை எடுக்க நினைக்கின்றேன்..எதாவது வந்து அதை கெடுத்து விடுகிறது. கடைசியாக 2008 புத்தகக்கண்காட்சிக்கு சென்றேன். அதற்க்கு முன் சென்றது 2003 என நினைவு(அப்பொழுது காயிதே மில்லத் கல்லூரியில்).

நமக்கு தேவையான, விருப்பமான புத்தகத்தை வாங்குவதோடு இல்லாமல் நிறைய எழுத்தாளர்கள், எழுத்தாள வலைப்பதிவு நண்பர்கள் மற்றும் இன்ன பிற பிரபலங்களையும் சந்திக்கலாம். அது ஒரு அற்புதமான நிகழ்வு...என்ன செய்ய? .. இந்த வருடமும் வடை போச்சே கதை தான்.
*******************************************************************************************************
மன்மதன் அம்பு படத்தில் கமல் அவர்கள் ஈழத்தமிழர்களை ரொம்ப கேவலப்படுத்தி விட்டாராம். அதுதான் இப்ப செய்தியாக அவரவர் விளாசிக்கொண்டு இருக்கின்றனர். அது நகைச்சுவைக்காக வைக்கப்பட்ட ஒரு கதாப்பாத்திரம்...அவ்வளவுதான். அதை விடுத்து அனைத்தையும் நிகழ் காலத்தோடு ஒப்பிடுவது என்னை பொறுத்தளவில் சரியல்ல.

அப்படி பார்க்க போனால் தெனாலியில் கூட கமல் ஈழத்தமிழராகத்தான் நடித்தார். அதுவும் ஒரு மாதிரி விசிறு பிடித்த கதாப்பாத்திரம் தான். அப்பொழுது ஏன் யாரும் வாய் திறக்க வில்லை? குரல் கொடுக்க வில்லை?. இலட்சோப இலட்ச மக்கள் செத்து மடியும் போது குரல் கொடுக்க நாதியில்லை....இப்ப வந்து யாரோ படத்தில் ஏதோ வசனம் வைச்சிடாங்கன்னு இவங்களும் வேட்டிய வரிஞ்சிகிட்டு கிளம்பிட்டாங்க.. என்ன கொடும சார் இது?? இப்படியே போனா..... வழுக்கைத்தலை கொண்டவரை கிண்டல் செய்றார் கமல்ன்னு, ரஜினி மற்றும் சத்தியராஜ் அவர்கள் தலைமையில் எங்கள மாதிரி ஆட்கள்(அதாங்க தலை முடி கொட்டியவர் சங்கம்) கூட சேர்ந்து போராட்டம் பண்ணலாம்..அறிக்கை விடலாம்...கவிதை எழுதி கிழிக்கலாம்.
*******************************************************************************************************

சீனு டைம்ஸ்-4

2010-12-31T06:06:00.000+03:00

ஆண்பாவம் படம் வெளி வந்து 25 ஆண்டுகள் ஆகியதை இயக்குனர் பாண்டியராஜன் அவர்கள் சமீபத்தில் கொண்டாடினார். பழைய நினைவுகள் நெஞ்சில் நிழலாட, மறுபடியும் தற்பொழுது ஆண்பாவம் படம் பார்த்தேன்.(எத்தனையாவது முறை என தெரிய வில்லை, குறைந்தது ஒரு 20 முறை இருக்கலாம்). சில படங்கள் அந்த கால கட்டங்களில் ரசிக்க முடியும், பின்னாளில் பார்க்கையில் இந்த படத்தை எப்படி நல்லா இருக்குன்னு நினைச்சோம்னு தோணும், ஆனால் ஆண்பாவம் படம் அந்த வரிசையில் கண்டிப்பாக இல்லை. இன்றளவும், எத்தனை முறை பார்த்தாலும் சலிக்காத ஒரு அற்புதமான ஜனரஞ்சகப்படம். என்னை பொறுத்த வரையில், இதுவும் உலக சினிமாதான். (கேபிள் அண்ணன் சொல்ற மாதிரி, வெளிநாட்டவர்க்கு நம்ம சினிமா உலக சினிமா, நமக்கு வெளிநாட்டு சினிமா உலக சினிமா.)

மறைந்த திரு.வி.கே.ராமசாமியின் நடிப்பு இந்த படத்தில் மிக மிக நகைச்சுவையுடன் நுட்பமாக இருக்கும். ராஜா அவர்களின் பின்னணி இசை ராஜாங்கம் நடத்தி இருக்கும். இங்கே கீழ உள்ள வீடியோக்களை பாருங்கள், கண்டிப்பாக பிடிக்கும்.

இளையராஜா பின்னணி இசை

VKR நகைச்சுவை

****************************************************************************************************
சமீபத்தில் வாத்தியார் சுஜாதா அவர்கள் எழுதிய எப்போதும் பெண் புத்தகம் படித்தேன். சுஜாதாவை பற்றி தெரியாதவர்கள் இந்த புத்தகத்தை படித்தால் கண்டிப்பாக எழுதியது ஒரு பெண்தான் என்று ஒரு முடிவுக்கு வந்துவிடுவார்கள். அந்தளவிர்ற்கு மிக நுணுக்கமாக பெண்ணைப்பற்றி எழுதி இருப்பார். சின்னு என்ற பெண் கருவில் உருவாவதில் இருந்து தொடங்கி அவள் வாழ்க்கை முழுவதும் நடப்பதை ஒரு பெண்ணின் பார்வையில் அனாயசமாக எழுதி இருப்பார்.

புத்தகம் வெளியான கால கட்டம் எண்பதுகளின் தொடக்கம்...கதாசிரியர் சொல்வது போல, கொஞ்சம் கதையாக, கொஞ்சம் கட்டுரையாக, கொஞ்சம் தத்துவமாக... பெண்ணை பற்றி சொல்ல வருவதையும், சமுகத்தின் பார்வையில் பெண்ணையும், பெண்ணுக்குள் இருக்கும் மனசையும் அதன் எண்ணங்களையும் மிக அழகாக சொல்லி இருக்கார் சுஜாதா. இந்நூலை எழுத பயன்பட்ட ஆங்கில நாவலையும் அதன் ஆசிரியரையும் மறக்காமல் முன்னுரையில் சுஜாதா குறிப்பிட்டிருப்பது அவரது நேர்மையின் வெளிச்சம். "Women are meant to be loved, be it any form" என்ற கருத்தை பின் தொடர முயற்சிக்கும், தவிர பெண்கள் நிறைந்த குடும்பத்தில் வளர்ந்த எனக்கு இந்த புத்தகம் ஒரு வரப்ப்ராசதம் தான். இந்த புத்தகத்தை படித்த பிறகு, நாம் அறியாத உலகுக்கு சென்ற அனுபவம் உணர முடிகிறது.

எப்போதும் பெண்
சுஜாதா
உயிர்மை பதிப்பகம்.
விலை Rs.110
****************************************************************************************************
நண்பர்கள், அன்பர்கள் மற்றும் உற்றார் உறவினர்கள் அனைவருக்கும் எனது இனிய புத்தாண்டு நல்வாழ்த்துக்கள்.

Wish you all the very best and always happiness in 2011

****************************************************************************************************

மன்மதன் அம்பு - அன்பின் எய் மாற்றம் !!!

2010-12-24T01:42:00.000+03:00

தலைவர் படம் முதல் நாள் முதல் காட்சி பார்ப்பதே தனி கிக் தான். என்ன கொஞ்சம் நல்ல திரை அரங்காக இருந்தால் இன்னும் கொஞ்சம் சந்தோசபட்டிருப்பேன்.

மன்-மதன்-அம்பு = மேஜர் ராஜ் மன்னர்(கமல்ஹாசர்), மதன கோபால்(மாதவன்), அம்புஜாக்ஷி(த்ரிஷா), தீபா(சங்கீதா) ஆகிய நால்வர்தான் பிரதான பாத்திரங்கள், இவர்களை வைத்துதான் கதை. நடிகை நிஷா என்கிற அம்புவிற்கும் மதனுக்கும் இடையே உள்ள காதல், கல்யாணத்திற்கு முன்பு மதனின் சந்தேக புத்தியால் தற்காலிகமாக பிரிகிறது. இதனால் பாரிசில் விடுமுறைக்கு தோழி தீபாவுடன் செல்கிறார் அம்பு. மதனோ, அம்புவை சந்தேகித்து மேஜரை வேவு பார்க்கும் அதிகாரியாக அனுப்புகிறார். மேஜர் சில நாள் அம்புவை கண்காணித்த பிறகு அவள் நல்லவள் என சான்றிதழ் கொடுக்கிறார். எதுவும் கெட்டது அம்புவிடம் இல்லை என்று சொல்வதற்கு நான் எதற்கு உனக்கு காசு கொடுக்க வேண்டும் என மதன் மேஜரிடம் சொல்ல, காசுக்காக(மேஜரின் நண்பன் கேன்சர் நோயாளியின் வைதியச்செல்வுகாக) மேஜர் மதனிடம் தகிடு தத்தோம் செய்ய ஆரம்பிக்கிறார். அதாவது அம்புவிற்க்கும் இன்னொரு ஆளுக்கும் தொடர்பு இருப்பதாக பொய் சொல்ல ஆரம்பிக்கிறார். தொடர்ந்து பொய் மேல் பொய், அம்பு மற்றும் தீபாவுடன் நெருங்கி பழகுதல் என படம் செல்ல, இறுதியில் மதன் அம்புவை அடைந்தாரா, மேஜர் அம்புவை அடைந்தாரா என்பதை இரண்டாம் பாதியில் நகைச்சுவையோடு சொல்லி முடித்து இருக்கின்றனர்.

மேஜராக கமல் அந்த பாத்திரத்திற்கு என்ன தேவையோ அதை அளவோடு செய்து இருக்கிறார்.அம்புவாக த்ரிஷா எப்பொழுதும் நடிகைகளுக்கே உள்ள மென்சோகத்தில் நன்றாக நடித்து இருக்கிறார். மதனாக மாதவன் பின்னி இருக்கிறார், அதுவும் குடித்து விட்டு பேசும் இடங்களில் அருமையாக நடித்து இருக்கிறார்.(ஆனாலும் கொஞ்சம் படம் முழுக்க ஓவராக குடிச்சிகிட்டே இருக்கார்). தீபாவாக சங்கீதா கலக்கி இருக்காங்கா....நிறைய இடங்களில் எல்லாரயும் ஓரங்கட்டி அசத்தி இருக்காங்கா. எல்லாரும் சொந்த குரலில் பேசியது அருமை. படத்தில் கமலின் நண்பனாக ரமேஷ் அரவிந்த் மற்றும் நண்பரின் மனைவியாக ஊர்வசி நடித்து இருக்கின்றனர். கேன்சர் நோயாளியாக ரமேஷ் அரவிந்த் ரொம்ப நல்லா நடித்து இருக்கின்றார். ரமேஷ் அரவிந்தின் கதாப்பாத்திரப்பெயர் ராஜன். (அபூர்வ ராகங்கள் காலங்களில் கமலுக்கு உண்மையிலயே ராஜன் என்ற கேன்சரால் பாதிக்கப்பட்ட நண்பர் இருந்தார் என்பது வரலாறு). தீபாவின் பிள்ளைகளாக நடித்த குட்டி பையனும் பொண்ணும் செம க்யூட். மற்றபடி சூர்யா ஒரு பாட்டுக்கு வர்றார், ஓவியா, உஷா உதூப், மலையாள தம்பதிகள் குஞ்சன் மற்றும் மஞ்சு, ஸ்ரீமன், ஆகாஷ்(அதாங்க வனிதா விஜயகுமரோட முதல் புருஷன்) என நிறைய பேர் இருகின்றனர்.

படத்தின் பெரிய விளக்குகள் (அதாங்க Highlights)

வசனங்கள் எல்லாம் செம கூர்மை...நிறைய ஒன் லைனர்ஸ் அருமை. சின்ன சின்னதாக அருமையா படம் முழுக்க வசனங்கள் வந்துகிட்டே இருக்கு.
ஒட்டுமொத்தமாக படத்தின் மேகிங் ரொம்ப ரிச்சாக அழகாக உள்ளது.
கதாபாத்திரங்கள் தேர்வு.(குறிப்பா சங்கீதா, உஷா உதூப், மாதவன், குட்டி பசங்க)
நீல வானம் பாடல் மூலம் சொல்லப்படும் திருப்பு காட்சிகள் (உண்மையிலயே திருப்பு காட்சிகள் தான்...படத்தில் பாருங்க..புரியும்) மிக மிக அழகு. தமிழ் சினிமாவில் அல்லது இந்திய சினிமாவில் நான் பார்த்தது இது தான் முதல் முறை.
பாடல்கள் எல்லாம் அருமை(பாடல்கள் வரும் இடம் எல்லாம் அழகு), இன்னும் பின்னணி இசை கொஞ்சம் நல்லா இருந்து இருக்கலாம்.
மனுஷ் நந்தன் ஒளிப்பதிவு ரொம்ப நல்லா செஞ்சி இருக்கார். அந்த கப்பலை எடுத்த டாப் அங்கிள் சாட்ஸ், வெளிநாட்டு காட்சிகள், நீல வானம் பாடல் என படம் முழுக்க மிக நேர்த்தியாக செய்து இருக்கார்.
உடைகள் ரொம்ப அழகாக இருக்கு படம் முழுக்க..உபயம்-கௌதமி.
வசனத்திற்கு ஏற்ப வரும் குறிப்பு காட்சிகள் செம கிளாஸ்.
தகிடு ததோம் பாடல் ஆரம்பிக்கும் இடம், ஒரு சின்ன சண்டை காட்சி.

ஒரு நடிகையை எப்படியெல்லாம் சந்தேகப்பட முடியும் என போகிற போக்கில் அழகாக காட்டி இருக்காங்க. கமல் அவர்களை கேன்சர் நோய் எந்தளவிற்கு பாதித்து உள்ளது(ராஜன், கௌதமி, ஸ்ரீவித்யா, மகேஷ் என கமலின் வட்டார நண்பர்களில் பாதிப்பாக கூட இருக்கலாம்) அவரின் கதை வசனங்களில் தெளிவாக தெரிகிறது. திரைக்கதையை எப்பொழுதும் விட்டு கொடுக்காத கே.எஸ்.ரவிக்குமார் தசாவதாரம் மற்றும் இந்த படத்தில் கமலிடமே விட்டு விட்டார். சர்ச்சைக்குரிய கவிதை இங்கு கத்தாரில் முழுவதுமாக வருகிறது...நம்ம ஊரில் எப்படி என தெரிய வில்லை, இந்த கவிதைக்கு எதுக்கு இத்தனை ஆர்ப்பாட்டம் என எனக்கு சத்தியமாக புரியவில்லை.

படத்தில் இத்தனை இருந்தும் அங்காங்கே தொய்வு விழுந்து கொண்டேதான் இருக்கிறது. இது எடிட்டிங்கில் உள்ள பிரச்சினையா அல்லது திரைக்கதையா என சொல்ல தெரிய வில்லை. படத்தின் ஒரே மற்றும் பெரிய மைனசாக எனக்கு தெரிவது இது மட்டுமே. கமல் மற்றும் த்ரிஷாவிற்கு வரும் காதல் காட்சிகளுக்கு இன்னும் கொஞ்சம் அழுத்தம் (முத்தம் இல்லைங்க.... காட்சிகள்) கொடுத்து இருக்கலாம்.மற்றபடி படம் எனக்கு மிகவும் பிடித்து இருந்தது...ஒரு முறை கண்டிப்பாக பார்க்கலாம்.
.

நகைச்சுவை - 1 !!!

2010-12-07T18:59:00.000+03:00

2 மாநிலங்கள் (எனது கல்யாணக்கதை) - சேத்தன் பகத்

2010-12-01T12:36:00.000+03:00

சேத்தன் பகத் எழுதிய 2 States - The Story of My Marriage என்ற புத்தகத்தை சமீபத்தில் படித்தேன். பள்ளி நாட்களுக்கு அப்புறம் மிக நீண்ட நாள் கழித்து படித்த ஆங்கில புத்தகம். இந்த புத்தகத்தை, என்னோட நண்பர் ஒருவர் விடுமுறை முடிந்து வரும்பொழுது வாங்கிட்டு வரவும்னு சொன்னதால் வாங்கினேன்...அப்படி என்ன இருக்கு இந்த புத்தகத்தில் என புரட்ட ஆரம்பித்தேன்..மூழ்கி விட்டேன், முழு மூச்சில் படித்தும் விட்டேன். எப்பவுமே, நண்பர்கள் யாராவது புத்தகம் வாங்கி வர சொன்னால், நான் வாங்கி கொடுத்து, அவர்கள் படித்த பிறகே நான் படிப்பேன். ஆனால் இந்த புத்தகம் என் கொள்கையை மொத்தமாக சேதப்படுத்தி விட்டது.

சேத்தன் பகத் அவர்களின் எளிய எழுத்து நடையா, கதைக்களமா எதுவென்று சொல்ல இயலவில்லை, ஏதோ ஒன்று வசிய சக்தி மாதிரி புத்தகத்தில் இருந்து கண்களை எடுக்கவே விட வில்லை. ரொம்ப எளிமையான, அழகான காதல் கதை.ஒரு பஞ்சாபிக்கும் தமிழச்சிக்கும் உருவாகும் காதல், எவ்வாறு பல போராட்டங்களை சந்தித்து பின்பு கல்யாணத்தில் முடிகிறது என்பதே கதை. சேத்தன் பகத் அவர்களின் உண்மை காதல் கதையைத்தான் புத்தகமாக தந்துள்ளார்.

என்னை பொறுத்த வரை, ஒரு நல்ல எழுத்தாளரின் அடையாளம் மற்றும் வெற்றி, படிப்பவர்களை கதையோடும், பாத்திரங்களோடும், ஒரு மாதிரி மாயையான உலகத்தில் உலவ விட்டு, அந்த தளத்திற்கு படிப்பவர்களை கொண்டு செல்ல வேண்டும். இதை சேத்தன் பகத் மிக அழகாக கையாண்டுள்ளார். IIMA, IIT, கார்பரேட் உலகம், பஞ்சாபி மற்றும் தமிழ் கலாச்சாரம், அரபிந்தோ ஆஷ்ரம், உறவு முறை சிக்கல்கள், கல்யாண முறைகள் என காதல் சொட்ட சொட்ட கதை செல்கிறது. என்ன ஒரே குறை என்றால், தமிழர்களையும், தமிழ் கலாச்சாரத்தையும் நிறைய இடத்தில் கிண்டலடித்து இருக்கார். இதை அவரே, ஏன் என முன்னுரையிலும் சொல்லி இருக்கார். மேலும், கதை சொல்வது ஒரு பஞ்சாபி என்பதால் ஒத்து கொள்ளலாம். புத்தகத்தின் அட்டை, கதாசரியரின் சமர்ப்பணம்(Dedication), என நிறைய சின்ன சின்ன விஷயங்கள் choooo chweet and cute. Give it a try.

Title: 2 States
Publisher: Rupa and Co., New Delhi
Language: English
Release Date: October 08, 2009

Price: Rs .95

.

நந்தலாலா - ஒரு காவியம் !!!

2010-11-29T16:06:00.000+03:00

நந்தலாலா படம் ஏன் இன்னும் வெளியிடாம இருக்காங்க, என்று வருந்தி ஒரு ஆறு மாதம் முன்பு ஒரு பதிவிட்டிருந்தேன்...(நந்தலாலா???). நான் வருந்தியதில் எள்ளளவும் தவறு இல்லை என இன்று படத்தை பார்த்ததும் உணர்ந்தேன்....மெய் சிலிர்த்தேன். சொல்ல போனால், எதிர்பார்த்ததை விட மிகச்சிறப்பாய் இருக்கிறது படம்.

ஏன் மிஷ்கின் இளையராஜா அவர்களின் பெயரை முதலில் போடுகிறார் என நினைப்பவர்கள் படம் பார்த்த பிறகு உணர்ந்து கொள்வார்கள். SPB அவர்கள் ஒரு முறை சொன்னார், இந்த ஆளு ராட்சசன் மாதிரி கம்போஸ் செய்வார், என ஒரு மேடையில் சொன்னதாக ஞாபகம். அவர் சொன்ன வார்த்தைகள் 1000 % (typo error இல்லை) உண்மை...சத்தியம். படத்திற்கு உயிரை உருக்கிற மாதிரி, மனச பிழியர மாதிரி இசை அமைத்து இருக்கார். நிறைய இடங்களில் என்னையும் அறியாமல் நான் அழுதேன்... இசை இல்லாமல் பார்த்தால் கண்டிப்பாக யாருமே அழ வாய்ப்பில்லை. ஒரு படத்திற்கு எங்கு பின்னணி இசை வர வேண்டும், எங்கு வரக்கூடாது என்ற விஷயத்தை மிக மிக துல்லியமாக செய்துள்ளார் இசைக்கடவுள் .

மகேஷ் முத்துசுவாமி அவர்களின் ஒளிப்பதிவு கண்களை திரையோடு கட்டிப்போட்டு விடுகிறது. ஒவ்வொரு காட்சியும் அப்படியே நம்ம தமிழ்நாட்டின் எழிலை அழகாக கதையோடு கண் முன்னே நிறுத்துகிறார். படத்திற்ற்கு பெயர் போடும் இடத்திலிருந்து முடியும் வரை ஒவ்வொரு காட்சியும் அற்புதம்.

இயக்குனர் மிஷ்கின் அவர்கள் சொன்னது போல அவரின் ஆகச்சிறந்த படைப்பு கண்டிப்பாக நந்தலாலா தான். சினிமா என்பது visual medium என்பதை அழகாக காட்சிகளை கொண்டு விளக்குகிறார். படத்தின் எல்லா வசனத்தையும் ஒரு A4 தாளில் எழுதி விடலாம். படத்தில் மிக அதிகமான சின்ன சின்ன கதாபாத்திரங்கள் இருந்தாலும், அனைவரும் மனதில் நிற்கின்றனர். யாரும் ரொம்ப வசனம் பேசலை, ஓவரா நடிக்க வில்லை. ஒவ்வொரு பாத்திரமும் ஒவ்வொரு கதை சொல்கின்றது, மிக அழகாக உள்ளது. எல்லாவற்றுக்கும் அடிநாதம் அன்பே என்பதை மிக தெளிவாக சொல்லி இருக்கார் மிஷ்கின். முக்கியமாக, யாரையும் கெட்டவராக காட்ட வில்லை இயக்குனர்.

படத்தின் முக்கிய கதாபாத்திரங்கள் அகிலேஷாக அஸ்வத் ராம் மற்றும் பாஸ்கர் மணியாக மிஷ்கின். படத்தின் பயணம் முழுக்க இவர்கள் இருவர் தான். நடிக்கிறாங்க என்பது எங்கேயும் தெரியாத அளவிற்கு மிகச்சிறப்பா செஞ்சி இருக்காங்க. அப்புறம் அந்த பள்ளி மாணவி, தேனிலவு தம்பதிகள், மாற்று திறனாளி , காவலர்கள், கலாட்டா காளைகள், இளநீர்கார பெரியவர், பைக்ல வருபவர்கள், லாரி ஓட்டுனர், தடி வச்சி இருக்கிற தாத்தா, விபச்சாரியாக வரும் ஸ்னிக்தா, லாரியில் தூங்கிக்கொண்டு வரும் நாசர், வேலைக்காரி, பாட்டி, பாஸ்கர் மணி அண்ணன், அம்மாவாக வரும் ரோகினி, அகிலேஷின் அம்மாவாக வருபவர், திருடுபவர், ஆட்டோ ஓட்டுனர் என எல்லாரும் அமர்களப்படுத்தி இருக்காங்க.

கதையை பற்றி நான் ஒன்னும் இங்கு சொல்லப்போவது இல்லை. அது ஒரு அனுபவம்...பயண அனுபவம். கண்டிப்பாக திரை அரங்கில் பாருங்கள்...முக்கியமாக நல்ல திரை அரங்கில் பாருங்கள். இது ஒரு ஜப்பானிய படம், ரொம்ப மெதுவா போகுது, ஆர்ட் பிலிம் அப்படின்னு நிறைய பேர் சொல்லுவாங்க...எதையும் நம்பாதிங்க...காது குடுத்து கேட்காதிங்க...கண்டிப்பாக பார்க்க வேண்டிய படம்.
.

சீனு டைம்ஸ்-3

2010-10-28T04:45:00.000+03:00

மன்மதன் அம்பு இசை கூடிய விரைவில் சிங்கை நாட்டில் வெளியிட போவதாக செய்தி கேள்விப்பட்டு...ரொம்ப குஷி ஆய்ட்டேன். இது வரை மன்மதன் அம்பு படத்தின் புகைப்படம் ஒன்று கூட வெளி வராததே பெரிய ஆச்சரியமா இருக்கு. ரொம்ப மூளைய கசக்கி யோசித்தாலும் எந்த மாதிரி கதை திரைக்கதை உள்ள படம் என்று ஊகிக்க முடிய வில்லை. முதல் முறையாக தலைவர் படத்திற்கு தேவிஸ்ரீபிரசாத்(DSP) இசை(தசாவதாரத்தில் பின்னணி இசை மட்டும் செய்து இருந்தார்). DSP இசையில் எனக்கு ரொம்ப பிடித்த விஷயம் , பாட்டெல்லாம் கேட்டா துள்ளலாக, நல்ல தரத்தில்(Quality music output) இருக்கும். எப்படியும் தலைவர் ஒரு பாட்டாவது பாடி இருப்பார். Let us Wait and Hear ...

நிற்க, ( உட்கார்ந்து இருக்கறவங்க தயவு செய்து எழுந்துடாதிங்க ப்ளீஸ்...)
அது என்ன இப்ப எல்லாரும் இசை வெளியீட்டை வெளிநாட்டில் நடத்துகிறார்கள்? இந்த அளவுக்கு ஆடம்பரமான விளம்பரம் உண்மையாகவே தேவைதானா?? எவ்வளவு பணம் செலவு ஆகும், அந்த காசுக்கு குறைந்த பட்ஜெட்ல ஒரு படமே தயார் செய்து விடலாம் போல. அதுவும் மன்மதன் அம்பு படத்தின் பட்ஜெட்டில், மூன்றில் ஒரு பங்கு படத்தின் விளம்பர செலவுக்கு உதயநிதி ஸ்டாலின் ஒதுக்கி இருப்பதாக கேள்விப்பட்டேன். அது சரி...பல்லு உள்ளவன் பட்டாணி சாப்பிடறான். நமக்கு தலைவர் படமும் பாடல்களும் வெற்றி பெற்றால் சரிதான்.
****************************************************************************************************

கத்தாரில் WTA சாம்பியன்ஷிப் 2010 டென்னிஸ் போட்டிகள் இந்த வாரம் அக்டோபர் 26ல் துவங்கி 31ல் முடிவடைகிறது. இந்த போட்டியின் சிறப்பு என்னவென்றால், மகளிர் தரவரிசையில் உள்ள முதல் எட்டு பேர் மட்டும்தான் ஆடுவார்கள். எனவே, நல்ல சிறப்பான போட்டித்தொடர் இருக்கும். வில்லியம்ஸ் சகோதரிகள் விலகி கொண்டதால், இன்னும் ரெண்டு பேர் 9, 10ல இருந்தவங்க வந்துட்டாங்க. ஜெயிச்சா ஏழு கோடி பரிசு...!!! இங்க கீழ இருக்கற 8 அம்மணிகள் தான் விளையாடறாங்க...(ஒரு அம்மணி மட்டும் புகைப்படம் எடுக்க வரலை, விமானம் தாமதமோ !!!)

ஊருக்கு போற ஜோர்ல இந்த போட்டிக்கு நுழைவுச்சீட்டு வாங்க மறுந்துட்டேன். நம்மளுக்கு ரொம்ப புடிச்ச கிம் கிளிஜ்ச்டேர்ஸ் வேற ஆடுவதால் என்னடா பண்றது... டிக்கெட் எதுவம் இல்லையே என முழிச்சிகிட்டு இருக்கும் போது அபத்பாந்தவனா என்னோட இந்தோனேசியா நண்பர் அவர் அரை இறுதி ஆட்டத்துக்கு வாங்கிய நுழைவுச்சீட்டை எனக்கு கொடுத்துட்டார். நான் ஏன் முக்கியமா கிம் கிளிஜ்ச்டேர்ஸ் விளையாடறத பாக்க போறேன்னா, அந்த அம்மணி கல்யாணம் பண்ணி அவருக்கு குழந்தை பிறந்த பிறகு மறுபடியும் விளையாட வந்து இரண்டு முறை கிராண்ட் ஸ்லாம் வென்று இருக்காங்கா... எவ்வளவு கடினமான விஷயம்....?? ஸ்டெபிக்கு அப்புறம் கிம்தான் எனக்கு ரொம்ப பிடிச்ச டென்னிஸ் வீராங்கனை. எப்படியாவது கிம் அரை இறுதிக்கு வந்துடுவாங்க என்ற நம்பிக்கையில் சனிக்கிழமை வரை காத்திருக்கிறேன். போன வருஷம், எனக்கு மிகவும் பிடித்த ரோஜர் பெடரரை இங்கு நேரில், அவர் விளையாட பார்த்ததே பெரிய சந்தோஷம். எப்படியும் கிம்மையும் நேரில் பார்த்துட்டு வந்து அடுத்த பதிவில் விவரிக்கிறேன்.

****************************************************************************************************

பத்து பேரை அடிக்கும் நோஞ்சான் நடிகர்-என்னிடம் மோதத் தயாரா?

சின்ன அய்யா அன்புமணி சவால்! சவால்! சவால்!

ஒரு நோஞ்சான் நடிகர் 10 பேரை அடிக்கிறார். அவருக்கு உண்மையிலேயே சண்டை போடத்தெரியாது . உண்மையிலேயே சண்டை போட வேண்டுமென்றால் என்னிடம் வரட்டும், நான் வெற்றி பெற்று காட்டுகிறேன். எனக்கு டூப் போடத் தெரியாது. தமிழகத்தில் உண்மையான கதாநாயகன் டாக்டர் ராமதாஸ்தான் என்றார் அன்புமணி. - போன வாரத்திய செய்தி இது.

உண்மைதான், மருத்துவர் அய்யா ராமதாஸ் தான் தமிழகத்தின் உண்மையான கதாநாயகன், ஏன்னா அவர்தான் ராஜ்யசபா எம்.பி சீட்டுக்கு கழக கட்சிகளோடு முட்டி மோதி பார்த்து சண்டை போடறாரே. அப்புறம் சின்ன அய்யாகிட்ட யாராவது கொஞ்சம் சொல்லுங்களேன், ஆறு மட்டும் எட்டு பேக் வச்சி இருக்கிற நடிகர்களான சல்மான் கான், ஆமிர் கான் எல்லாம் கூட டூப் போட்டுத்தான் சண்டை காட்சியில நடிக்கறாங்க, அவங்க கிட்டயும் இதே பஞ்ச ரிப்பீட்டலமா (Repeat) என? என்ன கொடுமையா இது, சினிமா எடுக்கறவன் எல்லாம் சண்டை காட்சியில டூப் போட்டுதான்யா எடுப்பான். இப்படியே, அடுத்து காதல் காட்சி, கற்பழிப்பு காட்சி எதுவும் அந்த நடிகர்களுக்கு பண்ணத்தெரியல, எங்கிட்ட வர சொல்லு, நான் எப்படி பண்ணி காட்டுறேன்னு சொல்லுவாரோ???

****************************************************************************************************

"அண்ணா"ந்து பார் !!!

2010-10-20T19:03:00.009+03:00

தமிழக அரசியல் வரலாற்றில் பெரும் மாற்றத்தை ஏற்படுத்திய இரு பெருந்தலைவர்கள் சி.என்.அண்ணாதுரை மற்றும் காமராஜர் அவர்கள். நெடுநாளாய் இவர்களை பற்றிய வாழ்க்கை வரலாறு படிக்க ஆவலாய் இருந்தேன். போன விடுமுறையில் தென்காசிக்கு நண்பன் கல்யாணத்திற்கு போன போது, திருநெல்வேலியில் ரயில் ஏறும் முன்பு, செஞ்சுரி புத்தகக்கடையில் என்.சொக்கன் எழுதிய "அண்ணா"ந்து பார்! புத்தகமும் வாங்கினேன்.

சின்ன வயதில் நான் வளர்ந்த காலத்தில் அதிகம் பார்த்த கட்சிகளான தி.மு.க மற்றும் அ.தி.மு.க. ஆகிய இரு கட்சிகளும் அண்ணா அவர்கள் பேர் சொல்லியேதான் அன்றிலிருந்து இன்றுவரை அரசியல்

செய் - தார்கள், கின்றார்கள், வார்கள். தமிழக அரசியலில் அண்ணா அவர்கள் ஏற்படுத்திய மாற்றம் வியக்கத்தக்கது, 1967ல் அண்ணா அவர்களால் ஆட்சி இழந்த தேசிய கட்சியான காங்கிரஸ் இன்று வரை தமிழகத்தில் ஆட்சி அமைக்க முடியவில்லை, அண்ணா அவர்கள் போட்ட அஸ்திவாரம் அப்படி. அண்ணாவின் மறைவிற்கு பிறகு, இன்று வரை அவர் தோற்றுவித்த தி.மு.க மற்றும் அவர் பெயரால் தோற்றுவிக்கப்பட்ட அ.தி.மு.க. மட்டும்தான் தமிழகத்தில் ஆட்சி செய்கின்றனர்.

புத்தகம் அண்ணா மற்றும் பெரியார் இருவரிடையே ஏற்பட்ட முதல் சந்திப்பிலிருந்து தொடங்குகிறது, தொடர்ந்து அண்ணா அவர்களின் பிறப்பு, பள்ளி வாழ்க்கை, கல்லூரி வாழ்க்கை, அரசியல், பேச்சு மற்றும் எழுத்து பணி பிறகு அரசியல் களம் என விரிகிறது. இந்தியா சுதந்திரம் அடைந்த களத்தில் இருந்த அரசியல் கட்சிகள், பெரியாரிடம் அண்ணா கொண்ட ஈடுபாடு, ஹிந்தி திணிப்பை எதிர்த்து நடந்த போராட்டங்கள், பெரியாரிடம் கருத்து வேறுபாடு கொண்டு பிரிந்து தனி கட்சி தொடங்கியது, பத்திரிக்கைகள் மற்றும் நாடகங்கள் நடத்தியது, தனி திராவிட நாடு கோரிக்கை, தி.மு.க தேர்தலை சந்தித்த விதம், காங்கிரசை தோற்கடித்து ஆட்சிக்கு வந்தது என நிறைய பல நிகழ்வுகளின் கோர்வையாக உள்ளது.

பெரியாரிடம் பல கருத்து வேறுபாடுகள் இருந்தாலும் கடைசி வரை அண்ணா பெரியாரை எந்த சமயத்திலும் விட்டு கொடுத்ததே இல்லை, பெரியார் அண்ணாவை இகழ்ந்து பேசியும் கூட. புத்தகத்தில் அண்ணா அவர்களின் குறைகள் பற்றி எதுவும் பெரிசா இல்லை...சும்மா கண்துடைப்புக்கு கொஞ்சம் இருக்கு.

அண்ணா வாழ்க்கை பற்றிய இந்த புத்தகத்தில், இன்றைய முதல்வர் பெயர் ஒரு சில இடத்தில் வருகிறது...எங்கோ ஒரு ஓரத்தில் இருந்தவர், அண்ணாவின் மறைவுக்கு பிறகு பல பேரை காலி செய்து விட்டு முதல்வர் ஆகி விட்டார், இன்று வரை யாரையும் அவரை மீறி வளர விடாம பார்த்துகிட்டு இருக்கார். எதற்கெடுத்தாலும் அண்ணா பேர் சொல்லும் திராவிட கட்சிகள் அண்ணா செய்த மற்றும் செய்ய நினைத்த நல்லாட்சியில் கொஞ்சம் கூட இது நாள் வரை செய்யவில்லை, அப்புறம் என்ன அண்ணா நாமம் வாழ்க, அண்ணா மூன்றெழுத்து, தி.மு.க மூன்றெழுத்துன்னு கதைய விட்டுகிட்டு...!

புத்தகம்

ஆசிரியர் : என்.சொக்கன்
வெளியீடு : கிழக்கு பதிப்பகம்
பக்கங்கள் : 184
விலை : 90
வருடம் : 2007
https://www.nhm.in/shop/978-81-8368-006-6.html

கிழக்கு பதிப்பகத்தின் வலைத்தளத்தில் இந்த புத்தகத்தை பற்றி எழுதி இருப்பதை போல், கடல் போன்ற அண்ணாவின் வாழ்கை வரலாற்றை விழுங்கிய ஒரு குடம் தான் இந்த புத்தகம். இன்னும் நிறைய எழுதிருக்கலாமோ என தோன்றுவதை தவிர்க்க முடியவில்லை.எனக்கு புத்தகம் ஒரு நல்ல வாசிப்பனுபவத்தை தந்தது. எனக்கு வாழ்கை வரலாறுகள் படிக்க ரொம்ப பிடிக்கும், பொதுவாக எல்லாருக்கும் அப்படித்தானே.(அடுத்தவங்க கதையென்றால் நம்மதான் வாய பொளந்து கேட்டுகிட்டு இருப்போமே !!!)

சீனு டைம்ஸ்-2

2010-10-08T18:59:00.000+03:00

போன வாரம் இங்க ஒரு ஷாப்பிங் மால் போயிருந்தேன்.... நல்ல கூட்டம்.... வண்டி நிறுத்திட்டு உள்ள போகவே ஒரு கால் மணி நேரம் ஆகி விட்டது. நண்பனோட சும்மா துணைக்கு போனதால் நான் வேடிக்கை பார்த்துக்கிட்டு அவர் கூட சுத்திகிட்டு இருந்தேன். பிங்க் நிற உடையில் ஒரு அழகான குழந்தை பார்த்தேன்...ஒரு இரண்டு வயசு இருக்கும். ரொம்ப அழகா சிரிச்சிகிட்டு இருந்துச்சி...சில வினாடிகள் அந்த குழந்தை கூட சிரிச்சி வேடிக்கை காட்டிவிட்டு தள்ளி போயிட்டேன். மறுபடியும் வாங்கிய பொருள்களுக்கு விலை போடும் நேரத்தில் அதே பாப்பா சிரிச்சிகிட்டே தனியே வெளியே நடந்து போச்சு. அப்படியே அந்த மால் கார்ரிடர் தாண்டி வெளியே கார்கள் நிறுத்தம் வரை சென்று விட்டது. எல்லாரும் பார்த்துகிட்டே இருக்காங்க..ஒருத்தரும் குழந்தையை தூக்கவில்லை. அடுத்து பிரதான சாலையில் செல்ல அந்த பாப்பா எத்தனிக்கையில், இதுவரை அந்த குழந்தை பின்னாடியே சென்ற நான் இதற்கு மேல் வேலைக்காகாது என நான் அந்த குழந்தையை தூக்கினேன். அம்சமா சிரிச்சிகிட்டே என்கிட்டே வந்துட்டாங்க. நேராக கஸ்டமர் கேரில் சென்று பதட்டத்தோட, "குழந்தை யாருடையது என்று தெரியவில்லை, தனியாக சுத்திகிட்டு இருக்குனு, கொஞ்சம் மைக்ல அறவிப்பு கொடுங்கன்னு சொன்னேன்". அங்க இருந்த பெண்மணி கொஞ்சம் கூட அச்சமோ/பதட்டமோ இல்லாம அந்த குழந்தைய கொஞ்ச ஆரம்பிசிட்டாங்க. அவங்க கூப்பிட்டும் என்னிடம் இருந்து போக மறுத்து விட்டது அந்த பாப்பா. ஒரு வழியா மைக்ல அறிவிப்பு செஞ்சாங்க. கொஞ்ச நேரம் கழித்து, ஒரு சலனமோ/பதட்டமோ இல்லாம ரொம்ப ஜில்லுனு(cool a) என்னை நோக்கி ஒருத்தர் வந்தார், குழந்தையை அழைப்பது போல் கைகளை நீட்டினார். "இது உங்க குழந்தையா" என்ற எனது கேள்விக்கு, வாயை திறந்து ஆமாம்னு கூட சொல்லலை..., நான் கேட்ட கேள்விக்கு அமோதிப்பது போல தலையை மட்டும் ஆட்டிட்டு குழந்தையை தூக்கிகிட்டு போய்கிட்டே இருந்தார், அந்த கஸ்டமர் கேர் பெண்மணி அவங்க திரும்பி அவங்க வேலைய செய்ய ஆரம்பிச்சிட்டாங்க....நான் மட்டும் "ங்கே" னு முழிச்சபடி பார்த்துகிட்டே இருந்தேன். நான் ரொம்ப பெரிய செண்டிமெண்ட் சீன் எதிர்பார்த்தா, இப்படி ஆயிடுச்சுன்னே பார்கையில், அப்புறம் தான் விளங்கிச்சு....இந்த மாதிரி பெரிய மால்களில் இதெல்லாம் தினசரிகள் போல என.....! ஆனா அந்த குழந்தையோட அப்பா ஒரு சின்ன நன்றி சொல்லி இருக்கலாமோ என என் சின்ன மனசு நினைச்சிச்சு..... (ஏன்னா நானும் சராசரி மனிதன் தானே(வேணும்னா என் profile பார்த்துக்குங்க)..... என்ன உலகம்டா சாமி !!!)
****************************************************************************************************

சமீபத்தில் நான் ரொம்ப ரசித்து பார்த்த வீடியோ. ஏற்கனவே ஒரு பிரபல பதிவர் இந்த வீடியோவை ரொம்ப நாள் முந்தி அவர் பதிவில் வெளியிட்டு இருந்தாலும், என்னோட வட்ட்டதில் உள்ள நண்பர்களுக்காக ....இதோ அந்த காட்சி....

கடைசியா, ரஜினி அவர்கள் பேசி முடிக்கும் போது, "Thank you very much Aishwaryaji" னு சொல்லும் போது...எனக்கு ரொம்ப பிடிச்சு இருந்தது.... Simplicity, Thy name is Rajinikanth.

****************************************************************************************************

எங்க கம்பெனில, போன மாதம் ஒரு ISO Refresher கோர்ஸ் போயிருந்தேன். கோர்ஸ் எடுத்தவர் ரொம்ப அழகா, தெளிவா எல்லாரையும் ஈடுபடுத்தி நடத்தி கொண்டு இருந்தார். ஒரு கட்டத்தில், தவறுகள் பத்தி பேசுகையில் என்னை பார்த்து கேட்டார், நீ எவ்வளவு சதவிகிதம் உன் வேலைல தப்பு செய்வே என்று கேட்டார்?. நான் கொஞ்சம் உணர்ச்சி பெருக்கில் ஒரு 2 சதவிகிதம்னு சொன்னேன். இது உங்க கம்பெனிக்கு அதிகம்னு சொன்னார். நான் 2 சதவிகிதம்தானே என்றேன். அவர் உடனே, உங்க கம்பெனில இருக்குற 2000 பேரும் 2 சதவிகிதம் தப்பு பண்ணா?? தப்பா என்றார். இவரு எப்படா அந்நியன் படம் பார்த்தார்னு நினைச்சேன். சொல்ல வரது என்னன்னா, அவர் இந்த மாதிரி கேட்ட உடனே வாத்தியார் சுஜாதா ஞாபகம் வந்துடுச்சி. அந்நியன் படத்தோட மொத்த கருத்துமே இந்த கீழ்கண்ட வரிகளில் அடங்கி விடுகின்றது. அதுதாங்க சுஜாதா.

அந்நியன் : "5 பைசா திருடினா தப்பா ?"

சொக்கன் : "தப்பா தெரியலை சார் !"

அந்நியன் : "5 கோடி பேர் 5 பைசா திருடினா தப்பா ??"

சொக்கன் : "தப்பு மாதிரி தெரியுது சார் !!"

அந்நியன் : "5 கோடி பேர் 5 கோடி தடவை 5 பைசா திருடினா தப்பா ???"

சொக்கன் : "பெரிய தப்பு சார் !!!"

இப்ப சமீபத்தில் கூட ஒரே ஒரு துரோகம் என்ற வாத்தியார் எழுதுன புத்தகம் படித்தேன். கதை முழுக்க இருவரின் பார்வையில் மாறி மாறி அத்தியாயங்கள் எழுதப்பட்டு இருக்கும். (விருமாண்டி திரைக்கதை பாணி, இந்த கதை எப்பவோ எண்பதுகளில் எழுதப்பட்டது). காலத்தில் எவ்வளவு முந்தி இருந்தார் வாத்தியார் சுஜாதா?? ஆகையால் தான் இறப்பிலும் முந்தி விட்டார் போல!!! வாத்தியார் இன்னும் நம்மோட இருந்திருந்தால் எந்திரன் இரண்டாம் பாகம் கண்டிப்பா இப்ப இருக்கறத விட நல்லாவே வந்து இருக்கும். கடவுள் யார் என்று எந்திரன் படத்தில் ரோபோவை பார்த்து கேட்கப்படும் கேள்விக்கு வரும் பதில் அட்டகாசம். எத்தனை முறை வேண்டும் என்றாலும் சொல்வேன், எல்லா பதிவிலும் எழுதுவேன்... "We Miss U வாத்தியாரே...!!!
****************************************************************************************************

எந்திரன் - ஒரு மைல்கல்

2010-10-01T14:20:00.002+03:00

எந்திரன் - துவக்க காட்சியில் தாடியுடன் ஒரு விஞ்ஞானி ரோபோவை உருவாக்கி கொண்டு இருப்பார்...கிட்ட பார்த்தால்..அட ரஜினிகாந்த். இதுதாங்க படத்தில் ரஜினி அவர்களின் அறிமுகம். இங்க இருந்து முழுக்க முழுக்க ஷங்கரோட ராஜ்ஜியம் தான். சமீப காலங்களில் ரஜினி அவர்களின் சிறந்த உழைப்பை வெளி கொணர்ந்தவர் ஷங்கர் மட்டுமே...எந்திரன் ரஜினி அவர்களின் உழைப்பின் உச்சம். திரை அரங்குகளில் ரசிகர்களின் கொண்டாட்டமும் உச்சமே.

விஞ்ஞானி ரஜினி (வசீகரன்) அவர் 10 வருடம் உழைத்து உருவாக்கும் ரோபோ (இதுவும் ரஜினி தான்), கண்டுபிடிப்புகளின் உச்சம். சிட்டி என்று பெயரிடப்படும் இந்த ரோபோ மனிதனை போல் கோபம்,காதல், துக்கம் இன்ன பிற உணர்சிகள் இல்லாது சொல்கின்ற எல்லா வேலையும் செய்யும்...அதுவும் மின்னல் வேகத்தில். ஐஸ்வர்யா ராய்(சனா), வசீகரனின் காதலி, மருத்துவ கல்லூரி மாணவி. சந்தானம் மற்றும் கருணாஸ் வசீகரனின் ஆராய்ச்சி கூடத்தில் வேலை செய்பவர்கள்.

சிட்டி ரோபோவை ராணுவத்தில் பணிக்கு அமர்த்தி ஆயிரம் வீரர்கள் செய்கின்ற வேலையை ஒரு ரோபோவின் மூலம் செய்ய வைப்பதே வசீகரனின் இலட்சியம். இதற்காக நடக்கும் பரிசோதனையில், சில மூத்த விஞ்ஞானிகள் முன்னிலையில் சிட்டியை அனைவரும் ஒப்புகொள்ள, ஒரு விஞ்ஞானி போரா(டேனி-வில்லன்) மட்டும் அதை சில பரிசோதனைகள் செய்து, சிட்டியை குழப்பமான கட்டளைகள் கொடுத்து தவறான செயல் செய்ய தூண்டி நிராகரித்து விடுகிறார். அதற்கு அவர் சொல்லும் காரணம், சிட்டி யார் எது சொன்னாலும் சொன்னதை, நல்லது கெட்டது பாராமல், மனித உணர்சிகளை உணராது வேலை செய்யும் ஒரு இயந்திரம்...அவ்வளவே. இதனால் கோபம் அடையும் வசீகரன் மறுபடியும் உழைத்து, தாடி வளர்த்து ....சிட்டிக்குள் அனைத்து மனித உணர்ச்சியும் வரும்படி செய்கிறார். இதை, ஒரு கடினமான பிரசவத்தை, மிக லாவகமாக செய்வதின் மூலம் சிட்டி உலகக்கு தன்னை நிரூபிக்கிறது. சந்தோஷத்தில் சனா சிட்டியை முத்தமிட போக, சிட்டிக்கு சனா மீது காதல் பிறக்கிறது. இதனால் வசீகரனுக்கும் சிட்டிக்கும் வாக்குவாதம் வர, சனா தான் வசீகரனைதான் காதலிப்பதாகவும்,இயந்திரத்தோடு வாழ்வது சாத்தியம் இல்லை என தன் நிலைபாட்டை தெளிவாக சொல்லி விட சிட்டி வருத்தம் கொள்கிறது. இதனால், அடுத்து ராணுவ உயர் அதிகாரிகள் முன் நடக்கும் பரிசோதனையில் சிட்டி வேண்டும் என்றே காதல் வசனம் பேசி சொதப்பி விடுகிறது. இதனால் அவமானம் அடையும் வசீகரன் கோபத்தில் சிட்டியை துண்டு துண்டாக வெட்டி குப்பையில் வீசி விடுகிறார். குப்பையில் இருந்து சிட்டியை மீட்க்கும் போரா, அதற்கு உயிர் கொடுத்து அதற்குள் தீய சக்திக்கான சிப்பை சொருகி, சிட்டியை அசூர ரோபாவாக மாற்றி விடுகிறார். கொடுறுமான வேகத்துடன் கிளம்பும் ரோபோ சனாவை கடத்திவிடுகிறது, போரவையும் கொன்று விடுகிறது. பலரை கொன்று தீய, நாச வேலைகளில் ஈடுபடும் ரோபோவை, எப்படி வசீகரன் அடக்கி சனாவை மீட்கிறார் என்பதே இறுதிகட்டம்.

படம் முழுக்க ரஜினி..ரஜினி...ரஜினி தான்....இந்த வயதில் அவரின் உழைப்பு அதிசயக்க வைக்கிறது. அதுவும் இரண்டாம் பாகத்தில் கெட்ட ரோபோவாய் மாறிய பிறகு....அசத்தல் ரஜினி...அதே மூன்று முகம் அலெக்ஸ் நடை...அந்த அசத்தலான சிரிப்பும்...யார் அந்த கருப்பு ஆடு என்று சொல்லி ஆடு மாதிரி கத்தும் இடத்தில... சூப்பர் ஸ்டார் ஜொலிக்கிறார். காதல் அணுக்கள் பாட்டில் மிக மிக அழகாய் இருக்கிறார் ரஜினி. இதற்காகவே ஷங்கருக்கு ஸ்பெஷல் சல்யூட். மத்த இயக்குனர்கள் சமீபத்தில் ரஜினியை இந்த அளவுக்கு அழகாய் கட்டியதே இல்லை..முக்கியமாக வாசு. ஐஸ்வர்யா ராய் சில close-up காட்சிகள் தவிர படம் முழுக்க அழகாய் பவனி வருகிறார். இரும்பிலே ஒரு இருதயம் பாட்டில் செம ஆட்டம் ஆடி இருக்காங்க. சந்தானம், கருணாஸ் சிரிக்க வைக்க முயற்சி செய்றாங்க...சில one-liners தவிர சிரிப்புதான் நமக்கு வரவே மாட்டேங்குது. வில்லன் டேனி திடீர்னு பரிதபாமா செத்து போறார். கொச்சின் ஹனிபா மற்றும் கலாபவன் மணி கொஞ்ச நேரமே வந்தாலும் கலக்கி இருப்பாங்க.

இந்திய சினிமா வரலாற்றில், தொழில்நுட்பத்தின் உச்சம் எந்திரன் தான். முதலில் ஷங்கருடைய உழைப்புக்கும், திட்டமிடுதலுக்கும் ஒரு பெரிய சபாஷ். இந்தியாவில், இந்த அளவிற்கு தொழில்நுட்பத்தை யாரும் பயன்படுத்த வாய்ப்பு மிக குறைவு. சுஜாதா அவர்களின் வசனங்கள் அருமை. நிறைய இடங்களில் வரும் one-liners superb. என்ன நக்கலா என்று காவல் அதிகாரி சிட்டியை கேட்க, இல்ல நிக்கல் என்று சொல்லும் வசனம் அற்புதம்...முதல் பாதி முழுக்க இந்த மாதிரி நிறைய வசனங்கள். படத்தில் முக்கியமாக சனாவுடன் சிட்டி செல்லும் அந்த இரண்டு நாட்கள்..அதகளம். முக்கியமாய் அந்த குப்பத்து காட்சி...படத்தின் அற்புதமான இடம் திரை அரங்கே அதிருகிறது.... . ராணுவ அதிகாரிகள் முன்பு சிட்டி சொல்லும் கவிதை அழகு...' கணிபொறியும் காதலிக்க வைக்கும் கன்னிபொறி' என்று ஆரம்பித்து அசத்தி இருக்கார் நா.முத்துக்குமார். நான் படம் பார்த்த திரை அரங்கு மிக கேவலமாக இருந்ததால் ரஹ்மானின் பின்னணி இசை பத்தி பெரிதாக கேட்க முடிய வில்லை. நம்ம ஊர்ல நல்ல திரை அரங்கில் பார்த்துட்டு சொல்றேன். ரத்னவேலின் ஒளிப்பதிவு படத்தின் மிக பெரிய பலம். கிளிமஞ்சாரோ பாடலில் வரும் பின்னணி காட்சிகள் அற்புதம்.சாபு சிறிலின் பங்களிப்பு நிறைய....சில காட்சிகள் நடிக்கவும் செய்து இருக்கார்.

நிறைய இடத்தில ஷங்கரின் புத்திசாலித்தனம் ஒளிர் விடுகிறது....சின்ன சின்ன காட்சிகளுக்கும் அபாரமாக உழைத்து இருக்கிறார். படத்தில் மைனசே இல்லையே என்றால்..கண்டிப்பாக இருக்கிறது....எப்பவும் போல ஷங்கரின் படங்களில் மீறப்படும் லாஜிக் அபத்தங்கள் இதிலும் உண்டு....ஜென்டில்மேன், பாய்ஸ், அந்நியன் போல இந்த படத்திலும் இறுதி காட்சியில் நீதிமன்றம் வந்து விடுகிறது...இரண்டாம் பகுதியில் நிறைய இடங்களில் தொய்வு தெரிகின்றது..அதுவும் காவலர்கள் துரத்தும் அந்த காட்சியும், இறுதியில் வரும் கிராபிக்ஸ் காட்சிகளும் ரொம்ப நீளம்...அஆவ் .. இறுதிக்காட்சிகளில் வரும் கிராபிக்ஸ் பார்க்கும் பொது ஜெடிக்ஸ் பாக்கிற மாதிரியே இருக்கு....இராம நாராயணன் படங்களில் வரும் கிராபிக்ஸ் குறைந்த தரம் ..அவ்வளவே....வித்தியாசம்... அந்த காட்சிகள் அவ்வளவு நீளம் தேவை இல்லை என்பதே எனது எண்ணம்....

மத்தபடி...கண்டிப்பாக பார்க்க வேண்டிய படம்தான் 'எந்திரன்....'
.

கோபுர தரிசனம் !!! கோடி நன்மை தரும் !!! - 2

2010-09-20T22:09:00.000+03:00

நான் "கிளிக்"கியவை

ஸ்ரீபெரும்புதூர்

பாபநாசம்

குற்றாலம்

தென்காசி

திருச்செந்தூர்

வேலூர்

காளஹஸ்தி

சீனு டைம்ஸ்-1

2010-08-13T21:38:00.000+03:00

GROWN UPS(இங்கிலீஷ்) & DARLING (தெலுங்கு)

மேல சொன்ன ரெண்டு படமும் சமீபத்தில் பார்த்தேன். ரெண்டு படமும் பிடிச்சு இருந்தது. ரெண்டு படங்களிலும் ஒரு லைட் ஒற்றுமை இருக்கு. ஐந்து நண்பர்கள் படிக்கும் போது ஒன்னா இருந்து, கொஞ்ச நாள் கழிச்சு வளர்ந்து மறுபடியும் சந்திக்கும் போது நடக்கும் நிகழ்வுகள் தான் கதை.

GROWN UPS நல்லா சிரிச்சு மகிழ்ந்து பார்த்தேன். Adam Sandler, Salma Hayek, Chris Rock, David Spade முதலிய நடிகர்கள் நடித்த ஜாலி காமெடி படம். American pie, Hang over போன்ற படங்கள் மாதிரி நல்லா ஒரு டைம்-பாஸ் படம். ஒண்ணரை மணி நேரம் போவதே தெரியல.

டார்லிங் தெலுங்கு படமும் மேற்சொன்ன storyline தான். கொஞ்சம் பாட்டு, சண்டை காட்சிகள்,
சென்டிமென்ட், க்யூட் காஜல் சேர்த்து ஒரு இரண்டரை மணி நேரம் படம் பார்க்க முடியுது. இப்ப வர தெலுங்கு படங்கள்ல எனக்கு ரொம்ப பிடிச்ச விஷயம் ஒளிப்பதிவு. நல்லா brigh lightingல அழகா எடுக்கறாங்க. இசை GV பிரகாஷ். ஒரு பாட்டு கலக்கலா இருக்கு, "நீவே நீவே" என்று தொடங்கும், அவரே பாடி இருக்கார். அழகா எடுத்து இருப்பாங்க. படம் தெலுங்குல செம ஹிட்டு...பரவா இல்லை, கண்டிப்பாக ஒரு முறை பார்க்கலாம். பட இயக்குனர் நம்ம ஊர் கருணாகரன். நல்லா பண்ணி இருக்கார். இவர் படங்கள்ல கதை, திரைக்கதை நல்லா இருக்கும், அப்புறம் நாயகிக்கும் கதைல சமத்துவம் கொடுத்து இருப்பார். தொலி பிரேமா, ஹாப்பி, உல்லாசங்க உத்சாகங்கா போன்ற ஹிட் படங்கள் கொடுத்தவர். கடைசியாக அந்த வரிசையில் டார்லிங்கும்.
*****************************************************************************************************************************

ரவி தேஜா Vs ஜெயம் ரவி

தில்லாலங்கடி படம் பார்த்தேன்...ஏதோ சன் பிக்சர்ஸ் புண்ணியத்தில படம் தமிழ்நாட்ல ஓடரத கேள்விபட்டேன். ஜெயம் ரவி சொதப்பி இருப்பார். யாராவது சொல்லுங்களேன் ரவிக்கு...தயவு செய்து எதாவது வாய்ஸ் therapy போக சொல்லுங்க....முடியலை. ரவி தேஜா இந்த ரோலை தெலுங்கில் கலக்கி இருப்பார், போட்டு தாக்கி இருப்பார். அனாயசமா நடிச்சி இருப்பார். தம்பி ஜெயம் ரவிய காண சகிக்கவில்லை. அதுவும் KICK படத்தில் ஒரு காட்சியில ரவி தேஜா தமிழ்ல ஒரு ரெண்டு வரி பேசி இருப்பார். அந்த காட்சி ரொம்ப அழகா வந்து இருக்கும். அதே காட்சி தில்லாலங்கடி படத்தில் ஜெயம் ரவி மலையாளத்தில் பேச கேக்கும் போது ரொம்ப நாராசமா இருந்துச்சி........

ஒருவேளை நம்ம எதாவது தப்பா சொல்லிட போறம்னு தில்லாலங்கடி படம் பார்த்ததுக்கு அப்புறம் தெலுங்கு பதிப்பான KICK படத்தை மறுபடியும் பார்த்தேன். ரவி தேஜா & இலியானா கிட்ட கூட ஜெயம் ரவி & தமன்னா வரலை. இந்த படத்தை இளைய தளபதி டாக்டர் விஜய் பண்ணி இருந்தால் நல்லா இருந்து இருக்கும். ஜெயம் ராஜா இந்த படத்த விட்டுட்டு ஏதோ பழைய நாகர்ஜுனா படத்தை வேலாயுதம் என்ற பெயரில் இளைய தளபதி டாக்டர் விஜயை வைத்து எடுக்கறத கேள்வி பட்டேன். So Sad. என்னை பொறுத்த வரையில் இளைய தளபதி டாக்டர் விஜய் நல்ல scope உள்ள ரீமேக்கை கோட்டை விட்டுட்டார்
*****************************************************************************************************************************

சமீபத்திய சந்தோஷம்

அம்மணி சோனம்கபூர்தான் "MAXIM INDIA" பத்திரிக்கையின் படி இந்த வருஷத்தின் ரொம்ப சூடான பிகர். அதாங்க "Hottest girl". பொண்ணு பொழைக்க தெரிஞ்ச பொண்ணு. தொடர்ந்து ரெண்டு படமும் சுமாரான ஹிட் மற்றும் சோனம்க்கு ரொம்ப நல்ல பேர் வேற. இங்க இருக்கவங்களுக்கு என்ன கோபம்னு தெரியல, கத்தார்ல மட்டும் சோனம் நடித்த சமீபத்திய படமான ஆயிஷா ரிலீஸ் இது வரை பண்ணவே இல்லை. அடுத்து சோனம் அக்க்ஷய் குமார் மற்றும் சாஹித் கபூர் கூட ரெண்டு படம் நடிக்கறாங்க. Let us see how she fares in future !!!

*****************************************************************************************************************************

எந்திரன் !!!

2010-08-04T23:12:00.000+03:00

எந்திரன் - இசை

அந்தா..இந்தா.. என்று ஒரு வழியாக எந்திரனின் பாடல்கள் வெளி வந்துவிட்டது. மலேசியா போய் கோலாகாலமா பாடல் வெளியீட்டு விழா நடத்திட்டாங்க சன் பிக்சர்ஸ். இந்த மாதிரி ஒரு பாடல் தொகுப்பிற்கு கண்டிப்பாக இவ்வளவு செலவு செய்வதில் எந்த தப்பும் இல்லை. பின்னி பெடல் எடுத்து இருக்கார் AR. எப்பவும் போல தீவிர ரஜினி ரசிகர்கள்.."ஒன்னும் பாட்டு சரி இல்லையே" என்று மண்டையை தடவுவது எனக்கு சிரிப்பைத்தான் வரவழைக்கிறது. ஒரு பத்து நாள் கழிச்சு "பாட்டு எல்லாம் கலக்கல்னு" அவங்களே சொல்லுவாங்க! AR இசையில் இது மாதிரி நடப்பது ஒன்றும் புதிது அல்ல.

"என்ன மாதிரி பசங்க எல்லாம் பாக்க பாக்கத்தான் பிடிக்கும்னு" தனுஷ் சொல்றா மாதிரி, AR இசையில் "பாடல்கள் எல்லாம் கேக்க கேக்கத்தான் பிடிக்கும்". ரெண்டு நாளா எந்திரன் பாட்டு கேட்டு ரசித்த பிறகுதான் இந்த பதிவை எழுதறேன். சமீப காலங்களில் AR இசையில் வரும் பாடல்கள் எல்லாம் அந்த அந்த படத்தின் கருவை ஒத்தே அமைக்கபடுகின்றது.(உதாரணம் - இராவணன், வி.தா.வ). எந்திரன் இசை முழுவதும் ரோபோஸ், கம்ப்யூட்டர், டெக்னோ இதுதான் முக்கிய பின்னணி. கேட்ட உடனே மூன்று பாடல்கள் பிடித்து விட்டது, ஒரு ஐந்து தடவை நல்ல சவுண்ட் சிஸ்டம்ல( என்னோடு கார் செட்....ரொம்ப அருமையான செட் ஆக்கும்) கேட்டதும் எல்லா பாட்டுமே பிடித்து விட்டது.

எனக்கு பிடித்த வரிசையில் பாடல்கள்

1. இரும்பிலே ஒரு இருதயம் - AR கலக்கலா பாடி இருக்கார்

2. காதல் அணுக்கள் - விஜய் பிரகாஷ் & ஸ்ரேயா கோசல் ரெண்டு பேருமே superb....

3. கிளிமஞ்சாரோ - பெரிய ஹிட் ஆகும் இந்த பாட்டு ......"ஒரு தெய்வம் தந்த பூவே" பாடுன சின்மயியா இது?? Unbeleivable variety.

4. புதிய மனிதா - SPB பாட, கேக்கும் போது எல்லா மயிர்க்கால்கள் அப்படியே நட்டுகுது..... AR பொண்ணு கதிஜாவிற்கு நல்ல துவக்கம்.

5. அரிமா அரிமா - இது மாதிரி ஒரு துவக்க இசை கேட்டு ரொம்ப நாள் ஆச்சு....ஹரிஹரன் பத்தி சொல்லவே தேவை இல்லை hi pitchல பின்னி இருக்கார்.

6. பூம் பூம் ரோபோடா - கொஞ்சம் கேட்ட பாடல் மாதிரி இருந்தாலும் நல்லா தான் இருக்கு.

7. சிட்டி டான்ஸ் - நல்ல இசை MIX

எந்திரன் - பாட்டு வரிகள்
வைரமுத்து - வைரம் வைரம் தான்.....ரொம்ப மெனக்கெட்டு நிறைய technical விஷயங்கள் எல்லாம் சேர்த்து கலக்கலா எழுதி இருக்கார். வைரமுத்து மகன் கார்க்கி ரொம்ப நல்ல எழுதி இருக்கார். படத்துக்கு என்ன தேவையோ அதை ரொம்ப அழகா கொடுத்து இருக்கார், maybe ஷங்கர் வாங்கி இருக்கார். வாலி வைரமுத்து சேர்த்து எழுதினால் எப்படி இருக்குமோ அந்த பாணியில் தான் கார்க்கி எழுதி இருக்கார்...பார்ப்போம் ...Miles to go.

எனக்கு பிடித்த வரிகள்

"கூகுல்கள் காணாத தேடல்கள் என்னோடு"

"காதல்காரி, உந்தன் இடையைப் போல
எந்தன் பிழைப்பில் கூட
காதலின் நேரம் கூட இளைத்து விட்டதே"

"வயரூட்டி, உயிரூட்டி"

" கருவில் பிறந்த எல்லாம் மரிக்கும்
அறிவில் பிறந்தது மரிப்பதே இல்லை"

எந்திரன் - பின்னனி இசை
இராவணன் படத்தின் பின்னணி இசை கேட்டு நான் மிரண்டே விட்டேன், மெய் சிலிர்த்து விட்டேன். அந்த அளவிற்கு ஒவ்வொரு காட்சியிலும் ARன் அசத்தலான உழைப்பு தெரியும். ஒரு சில இடங்களை தவிர்த்து விண்ணை தாண்டி வருவாயா பின்னணி இசையும் அற்புதம். என்னை பொறுத்த வரையில் பின்னணி இசையில் AR இப்பலாம் ரொம்பவே உழைக்கிறார். எந்திரன் பின்னணி இசையை ரொம்பவே எதிர் பார்க்கிறேன்.

எந்திரன் - படம்
தசாவதாரம், சிவாஜி படங்கள் எல்லாம் நம்ம ஊர்ல ரிலீஸ் ஆகறதுக்கு ஒரு நாள் முன்னாடி, இங்க கத்தார்ல FDFS பார்த்தாச்சு. இந்த தடவை ஊரில் விடுமுறையில் இருப்பேன் என்பதால், FDFS எந்த அளவிற்கு சாத்தியம் என்று தெரிய வில்லை. வாத்தியார் சுஜாதாவின் பங்களிப்பு வேறு இந்த படத்திற்கு இருப்பதால் ரொம்ப ரொம்ப எதிர் பார்க்கிறேன்.

Let us wait and Watch !!!

சீனு டைம்ஸ்....

2010-07-22T15:43:00.001+03:00

நேத்து, எனக்கு வந்த ஒரு மின்னஞ்சலை எல்லாருக்கும் அனுப்பி வச்சேன். அதோடு தலைப்பு, "வாழுகிறேன் கணிப்பொறியோடு". கொஞ்ச நேரத்தில ரெண்டு நண்பர்கள்ட்ட இருந்து தொலைபேசி அழைப்பு.... இருவரும் கேட்ட கேள்வி ஒன்னுதான். "யாருடா அது கனிமொழி", அவ கூட எப்பத்திலிருந்து வாழுற??. ங்கொய்யால, ஒழுங்கா படிங்கடா, அது கணிப்பொறி. என்ன பார்த்தா மட்டும் தான் இப்படியா, இல்ல..., என்ன கொடுமை சீனு இது???

*****************************************************************************************

Knight and Day படம் ஒரு மூணு வாரம் முன்னாடி, இங்க ரிலீஸ் ஆனப்ப போய்ப்பார்த்தேன். JAMES BOND படங்களின் சாயல் இருந்தது....Tom Cruise பறந்துகிட்டே இருக்கார்.....எல்லாரயும் பொளந்துகிட்டே இருக்கார் படம் முழுக்க...இந்த மாதிரி ஹாலிவுட் ஆக்க்ஷன் படங்கள்லாம் (Transporter, Terminator, MI Series..etc) நம்ம கைதட்டி பாக்கிறோம்...ஆஹா..ஓஹோனு பாராட்டி தள்ளுவோம், லாஜிக்லாம் பார்க்கவே மாட்டோம். ஆனா இதையே, இளையதளபதி டாக்டர் விஜய்யோ, தல அஜித்தோ பண்ணும் போது மட்டும், உலக கேள்விகள் கேப்போம், பதிவெழுதி கிழி கிழின்னு கிழிப்போம். என்னங்க நியாயம் இது??? TOM CRUISE கார்ல பறந்து பறந்து ஓட்டினா OK, ஆனா இளையதளபதி டாக்டர் விஜய் மட்டும் accelerator வயர வாய்லயே இழுத்துகிட்டு கார் ஓட்டினா, நம்ம எல்லாம் சேர்ந்து அவர ஓட்றது... என்னங்க நியாயம் இது??? எல்லாரயும் சமமா பாருங்க.....(இது சத்தியமா பகடி இல்ல, உயர்வு நவிற்சி இல்ல, வஞ்ச புகழ்ச்சியும் இல்லீங்கோ...)
*****************************************************************************************
சில படங்கள் பார்ர்கும்போது, ஒரு சிலர் கேக்கிற கேள்விக்கு விடைகளே தெரிவதில்லை.... நீங்களாவது முயற்சி பண்ணுங்களேன்.

1. உன்னை போல் ஒருவன் - ராணிபேட்டை ராஜேஸ்வரி தியேட்டர்ல, படம் இடைவேளைல ஒருத்தர் என் பின்னாடி இருந்து இப்படி வருத்தப்பட்டார், "அதுக்குள்ள இடைவேளையா, என்னாங்கடா, ஒரு டூயட் கூட போடல??" (மோகன்லால் - லக்ஷ்மி, கமல்-அனுஜா, பரத் ரெட்டி- பூனம்...யாருக்குடா இந்த கதையில டூயட் வைக்கறது... ...முடியல..)

2. Delhi-6 -"கடைசி வரைக்கும், அந்த குரங்கை காட்டவே இல்லையேப்பா"?

3. ஹேராம் படம் முடிச்சிட்டு வெளில வரும்போது, ஆற்காடு ஜோதி தியேட்டர் வாசல்ல ஒருத்தன் கேட்டான், "ஏன் படத்துல, காந்தி ரெண்டு முறை செத்து போறாரு ??"
*****************************************************************************************

”என் கிளைகளை
நறுக்கும் தோட்டக்காரனே!
வேலிக்கு அடியில் நழுவும் என்
வேர்களை என்ன செய்வாய்?”

இதை யார் எழுதியது என்று தெரியவில்லை....
எனக்கு படிச்சவுடனே பிடிச்சது !!....
***************************************************************************************** நேத்து, எனக்கு பிடிச்ச ரெண்டு ஹிந்தி படம் UTV சேனல்ல தொடர்ந்து போட்டாங்க. Delhi-6 & Dil Chahtha Hai. Delhi-6 படத்தில, "தில் மேரா" னு ஒரு பாட்டு ரொம்ப அழகா எடுத்திருப்பாங்க. அந்த பாட்டு எடுத்த விதம், வாத்தியார் சுஜாதா கதை எழுதும் நடை மாதிரியே இருந்தது. Nostalgic Memories of the great Sujatha...சுஜாதா இன்னும் கொஞ்ச நாள் (atleast ஒரு இருபது வருஷம்) இருந்து இருக்கலாம். We miss you, வாத்தியாரே.
*****************************************************************************************

நகைச்சுவை !!!

2010-07-15T16:20:00.000+03:00

ஒப்பீடு செய்தல் - ஒரு பார்வை !!!

2010-07-13T15:53:00.001+03:00

சின்ன வயசிலிருந்தே எனக்கு இந்த ஒப்பீடு செய்து பார்க்கும் மனிதர்கள் பிடிக்கவே பிடிக்காது. நிறைய அப்பாக்கள், அம்மாக்கள் மற்றும் இன்ன பிறர்கள் ஏதாவதொரு தருணத்தில் கண்டிப்பா இதை பயன்படுத்தி இருப்பாங்க.

"மேல்வீட்டு பொண்ணு பாரு, 450 மார்க் எடுத்து இருக்க....நீ என்ன பண்ணிக்கிட்டு இருக்க்க???"

"எதிர்வீட்டு பையன் Software Engineer ஆக இருக்கான்..நீயுந்தான் இருக்கியே !!!"

"அவரு மனைவிக்கு துணி துவைச்சி குடுக்கறாரு, காய்கறி நறுக்கி தறாரு...ஆனா நீங்க??"

இன்னும் சில பேர் ரொம்ப கேவலமா பேசுவாங்க...."அவன்/அவள் மூத்திரம் வாங்கி குடி, அப்பத்தான் உனக்கு புத்தி வரும்." (என்னாங்கடா, அது என்ன காபியா, டீயா இல்ல பீரா???)

நாடோடிகள் படத்தில் ஒரு நல்ல வசனம் வரும். "எனக்கு தெரிந்த வரலாறு, Comp engineerக்கு தெரியாது, அவனுக்கு தெரிந்த Software எனக்கு தெரியாது, மொத்தத்தில எல்லாம் ஒன்னுதான்". யாரையும் ஒப்பீடு செய்து கொல்ல கூடாது. அவங்க அவங்களுக்கு என்ன வருமோ, அதுல சிறப்பா வளர உதவி செய்யணும். இல்லையென்றால் யதார்த்தம் என்னவோ, அதை புரிய வைக்கணும். அதை விட்டுபோட்டு, ச்சும்மா "அவன் அப்படி பண்ணிட்டான், இவ இப்படி பண்ணிட்டா, நீ எப்படித்தான் பண்ணுவியோ"னு மண்டையடி, வசையடி கொடுக்கக்கூடாது.

நிற்க, தலைப்புக்கு வருவோம். ஏன் நாம எல்லோரும் கூட, நடைமுறை வாழ்க்கைல ஒப்பீடாம இருக்கறதே இல்ல.

"அவனுக்கு ஊதிய உயர்வு நிறைய கொடுத்து இருக்காங்க "

"நீ என்னப்பா, பெரிய ஆளு, சும்மா சல்லுனு "கார்"ல வருவே, நான் கஷ்டப்பட்டு "பைக்"ல தான் வரணும்"

என்னோட எண்ணம் என்னவென்றால், ஒப்பீடு கொஞ்சம் கொஞ்சமாக பொறாமை என்னும் கொடுமையில் தள்ளி விடும். நமக்கு என்ன விதிக்கப்படுகிறதோ, கிடைக்கப்பெறுவதோ, எல்லாவற்றுக்கும் நாம் தான் காரணம். நம்மில் உள்ள குறைகள் களையனும், அதை தவிர்த்து பிறர் நிறை கண்டு புழுங்குவது முட்டாள்த்தனம். நம் வளர்ச்சியை நாமே கெடுப்பதிற்கு நிகர்.

அடுத்து, நம்மை தவிர்த்த மற்ற விஷயங்களில் ஒப்பீடு செய்வதை பார்ப்போம்.

சிவாஜியா? கமலா?

பீட் சாம்ப்ராஸ்? ரோஜர் பெடரர்?

பிராட்மன்? சச்சின்?

இந்த ஒப்பீடுகள் எவ்வளவு பெரிய முட்டாள்த்தனம்?. ஏனென்றால் அவங்க வாழ்ந்த காலகட்டங்கள் வேறு வேறு. வாழும் தரம், தொழில்நுட்பம், இன்னும் எவ்வளவோ விஷயங்கள் மாறிகிட்டே வரும் நிலையில், வேறு வேறு காலங்களில் தாம் சார்ந்த துறையில் சிறந்து விளங்கியவர்களை / விளங்குபவர்களை ஒப்பீடு செய்தல் முற்றிலும் தவறு என்பதே என் கருத்து. இது தவிர, எம்.ஜி.ஆர். - சிவாஜி, கமல்-ரஜினி, சச்சின்-லாரா, ரோஜர்-நடால் என நிறைய ஒப்பீடு செய்யலாம். எல்லாவற்றையும் திறந்த மனதோடு ஒப்பிட்டால், அதே நாடோடிகள் வசனம் தான் வரும்."அவனுக்கு தெரிஞ்சுது இவனுக்கு தெரியல, இவனுக்கு தெரிஞ்சுது அவனுக்கு தெரியல, மொத்தத்தில எல்லாம் ஒன்னுதான். ரஜினி கூட விஜய் டிவில நடந்த கமல்-50 விழாவில் சொல்லி இருப்பார், " அவர் தொட்டதை நான் தொடலை, நான் கொஞ்சம் ரூட்ட மாத்தினேன்". இது கமலுக்கும் பொருந்தும். கற்பனை பண்ணி பாருங்கோ...கமல் பஞ்ச் டையலாக் பேசறது, ரஜினி திரைக்கதை வசனம் எழுதி நடிக்கறது, விஜய் கெட்-அப் மாத்தறது(Friends படம்-என்ன கொடுமை டாக்டர், இளைய தளபதி), அஜித் நல்லா நடனம் ஆடறது.....முடியல ....இத்தோடு நிறுத்திக்கலாம்.

என்னதான்பா சொல்ல வரேன்னு நீங்க கேக்கறது தெரியுது? ஒப்பீடு மிக அவசியம் தான். எங்கு என்றால், உதாரணமாக ஒரு பொருள் வாங்கும் முன் ஒப்பீடு மிக அவசியம். நமக்கு எது பயன் தருமோ அதை வாங்க, இரு மற்றும் பல பொருட்களிடையே ஒப்பீடு தேவை தான்.ஒப்பீடு எங்கு தேவையோ, அங்கு மட்டும் பயன்படுத்தலாம்.

டிஸ்கி:- தனி மனித வாழக்கையில் ஒப்பீடு(compare) பண்றவங்க எனக்கு சுத்தமா பிடிக்காது. அதை பத்தி எழுதியே ஆகணும்னு தோணிச்சி....எழுதிட்டேன்...என்ன, கொஞ்சம் மொக்கையா போச்சு...கண்டுக்காம, ப்ரீயா விடுங்க ப்ளீஸ்.
முதல்ல இருக்கற படத்துக்கும் இந்த பதிவுக்கும் என்ன சம்பந்தம்னு கேக்காதீங்க..... ஒரு விளம்பரம் தான்.

.